लातूर पोलिसांचा दणका:- वाहनचोरी करणाऱ्या आरोपीला अटक ६ मोटारसायकली पोलिसांच्या ताब्यात

लातूरच्या शिवाजीनगर पोलिसांनी वाहनचोरीविरोधात मोठी कारवाई करत एका आरोपीला अटक केली. या कारवाईत पाच वाहनचोरीच्या गुन्ह्यांची उकल करण्यात आली असून सुमारे २.१० लाख रुपये किमतीच्या सहा दुचाकी जप्त करण्यात आल्या आहेत.

• शिवाजीनगर पोलिसांची मोठी कारवाई.
• वाहनचोरीतील आरोपीला अटक.
• ५ गुन्ह्यांची यशस्वी उकल.
• २.१० लाखांच्या ६ दुचाकी जप्त.
• लातूर पोलिसांची धडाकेबाज कामगिरी.

लातूर जिल्ह्यात काही महिन्यांपासून वाहन चोरीच्या घटना आपण ऐकल्या असतील. वाहन चोरीच्या घटनेमुळे ग्रामीण पोलीस तसेच या भागातील लोक हैराण झाले होते. त्यामुळे पोलीसांवरही या गोष्टीचा दबाव होता सगळ्या गोष्टीवर नियंत्रण मिळवण्यासाठी पोलीस अधीक्षक अमोल तांबे व अप्पर पोलीस अधीक्षक यांची नेमणूक करण्यात आली होती. त्यांचा मार्गदर्शनाखाली शिवाजीनगर पोलीस ठाण्याच्या पथकाने वाहन चोरीच्या पाच गुन्ह्यांची मोहीम कारवाई करत मोहीम फत्ते केली .या कारवाईत सतीश सुभाष कदम (वय ३४ वर्षे, रा. चनई, ता. अंबाजोगाई, जि. बीड) याला ताब्यात घेतले आहे. सुमारे २ लाख १० हजार किमतीच्या ६ बाईक हस्तगत केल्या आहेत.

Latur Crime: आधी प्रेमसंबंध, मग मालमत्तेचा वाद… शेवटी तोंडावर उकळते तेल; उदगीरच्या घटनेने खळबळ

बाईक चोरीच्या प्रकरणात गोपनीय माहिती पोलिसांना मिळाली होती त्यानुसार त्यांनी उपाय योजना आखल्या होत्या. पोलीस निरीक्षकांच्या मार्गदर्शनाखाली विशेष पथकाने आरोपीला शोधत अटक करण्यात आली. आरोपीची चौकशी केल्यावर महत्वपूर्ण माहिती मिळाली.आरोपीने शिवाजी नगर पोलीस ठाणे हद्दीतील दोन, गांधी चौक पोलीस ठाणे हद्दीतील दोन, लातूर ग्रामीण पोलीस ठाणे हद्दीतील एक तसेच आंध्र प्रदेश राज्यातील एक अशा एकूण पाच गुन्ह्यांमधील सहा मोटार सायकलची चोरी केली होती. या कारवाई मुळे आरोपीला अटक करून वाहन चोरीचा मुद्दा निकलीस लावला आहे.

अभिमन्यू पवार अन् मेधा कुलकर्णी यांच्यात खुर्चीवरून वाद, खासदार कार्यक्रमातून निघून गेल्या; नेमकं काय घडलं?

या कारवाईत समीरसिंह साळवे, उपविभागीय पोलीस अधिकारी, लातूर शहर यांच्या मार्गदर्शनाखाली संतोष पाटील, पोलीस निरीक्षक, शिवाजीनगर पोलीस ठाणे यांच्या नेतृत्वात सहाय्यक फौजदार संजय फुलारी, पोलीस अंमलदार राहुल सोनकांबळे, बालाजी कोतवाड, प्रशांत ओगले, किशोर माने, परमेश्वर अंकुलगे आणि नारायण शिंदे यांनी महत्वाचं योगदान दिले.