"गोडोलीतील दारूच्या दुकानाला परवानगी दिल्यास न्यायालयीन लढा", सामाजिक, माहिती अधिकार कार्यकर्ते सुशांत मोरेंचा इशारा
जिल्हाधिकाऱ्यांना दिलेल्या निवेदनात, सातारा नगपालिकेच्या हद्दीतील गोडोली तळे येथे धर्मवीर स्वराज्य रक्षक संभाजी महाराज यांचा पुर्णाकृती पुतळा लवकरच बसवण्यात येणार आहे. हे स्मारक व्हावे यासाठी विविध संघटना, शिवशंभू प्रेमींना पाठपुरावा केला आहे. त्यानंतर आता हे स्मारक अंतिम टप्प्यात आहे. परंतु मोहिते यांचे नावे हॉटेल मोहिते एम्पायर, समृध्दी हाईटस गोडोली येथे दारूच्या दुकानाच्या परवानगीचा प्रस्ताव अधीक्षक राज्य उत्पादन शुल्क सातारा यांच्या कार्यालयाकडे आला आहे.
याबाबत आम्ही तक्रारी केल्या असल्याने आमचे जाब जबाब घेण्यात आले आहेत. आम्ही याबाबत तीव्र नाराजी, लेखी हरकती जबाब दिले आहेत. हा अर्ज मंजूरीसाठी आपल्याकडे येणार आहे. हा अर्ज मंजूर करताना वरील सर्व बाबींचा सखोल तसेच समृध्दी हाईटस्मधील नागरिक सभासद यांचे हिताचा विचार करावा. तरी सुध्दा हा अर्ज मंजूर केल्यास नाईलाजास्तव लोकहितार्थ न्यायालय लढाई लढावी लागेल, असा इशाराही मोरे यांनी दिला आहे.यावेळी समृद्धी हईट्स येथील वंदना कडुकर, हेमंत निकम, सुवर्णा किर्दत, सुनील बोराटे व इतर सदस्य तसेच गोडोली ग्रामस्थ उपस्थित होते.
दरम्यान,सातारा येथील ऐतिहासिक गोडोली तळ्याच्या मध्यभागी स्वराज्यरक्षक धर्मवीर छत्रपती संभाजी महाराज यांचा २५ फुटी भव्य पूर्णाकृती पुतळा उभारला जात आहे. खासदार उदयनराजे भोसले यांच्या संकल्पनेतून साकारल्या जाणाऱ्या या स्मारकाचे काम पुणे येथील शिल्पकार संजय परदेशी आणि नवीन शेगमवार यांच्या मार्गदर्शनाखाली वेगात सुरू असून, ही मूर्ती संभाजी महाराजांचे शौर्य आणि बलिदान यांचे प्रतीक ठरणार आहे.
.png "Videos"){kind=small}
