सीएनजीच्या दरात मोठी कपात; महागाईने त्रस्त वाहनचालकांना मिळणार दिलासा, जाणून घ्या नवे दर काय?

सध्या वाढत्या महागाईची (Inflation) झळ सर्वांनाच सोसावी लागत आहे. जवळपास सर्वच वस्तू आणि सेवांचे दर वाढत आहेत. असे असताना मात्र सीएनजी (CNG) च्या दरात मोठी कपात झाली आहे. मुंबईकरांना महानगर गॅसने (Mahanagar Gas) मोठा दिलासा दिला आहे.

Follow Us:

Follow Us:

मुंबई : सध्या वाढत्या महागाईची (Inflation) झळ सर्वांनाच सोसावी लागत आहे. जवळपास सर्वच वस्तू आणि सेवांचे दर वाढत आहेत. असे असताना मात्र सीएनजी (CNG) च्या दरात मोठी कपात झाली आहे. मुंबईकरांना महानगर गॅसने (Mahanagar Gas) मोठा दिलासा दिला आहे. आज मध्यरात्रीपासून सीएनजीच्या दरात (CNG Price) प्रतिकिलो 2.50 रुपयांची कपात होणार आहे. महानगर गॅसने (Mahanagar Gas) याबाबतची माहिती दिली आहे.

महानगर गॅसने सीएनजीच्या दरात केलेली कपात ही मुंबई आणि नजीकच्या शहरासाठी असणार आहे. आता सीएनजी भरताना अडीच रुपयांची बचत होणार आहे. महानगर गॅसने घेतलेल्या या निर्णयाचा मुंबईकरांना दिलासा मिळणार आहे. हे नवे दर आज मध्यरात्रीपासून लागू करण्यात येणार आहे. त्यानुसार, 87 रुपये प्रतिकिलो दराने सीएनजी मिळणार आहे. पेट्रोलच्या तुलनेत सीएनजीचे दर हे 44 टक्क्यांनी स्वस्त असल्याचा दावा महानगर गॅसने केला आहे.

महानगर गॅस प्रमुख गॅस वितरक

मुंबई आणि जवळील परिसरात महानगर गॅस लिमिटेड ही कंपनी प्रमुख सीएनजी, पीएनजी गॅस वितरक आहे. त्यामुळे सीएनजी गॅसच्या दर कपातीचा मोठा फायदा कारचालकांपासून ते अगदी रिक्षाचालकांनादेखील होणार आहे. या दरकपातीमुळे काही प्रमाणात दिलासा मिळणार आहे.

यापूर्वी झाली होती साडेतीन रुपयांची दरवाढ

महानगर गॅस लिमिटेडने नोव्हेंबर महिन्यात सीएनजी गॅस दरवाढ केली होती. सीएनजीच्या दरात प्रति किलो 3.50 रुपयांची दरवाढ करण्यात आली होती. तर, घरगुती वापरासाठी पीएनजीच्या (PNG) दरात दीड रूपये प्रति एससीएमची (स्टॅंडर्ड क्युबिक मीटर) वाढ करण्यात आली होती. या दरवाढीनंतर मुंबईत सीएनजीचा दर 89.50 रुपये प्रति किलो इतका झाला. तर, घरगुती पीएनजीचा दर 54 रुपये प्रति एससीएम झाला होता.

Web Title: Mahanagar gas cng price reduce in mumbai by rs 2 and 50 paise nrka

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com