अशोक खरातचा नवीन कारनामा पीडित महिलेला धमकी देऊन केले अत्याचार – तुझे भविष्य माझ्याशी जोडलेले, माझ्याशी विवाह कर !

अशोक खरात एकूण मालमत्ता सुमारे ₹४०.८७ कोटी असल्याचा अंदाज आहे.आरोपीकडे सोने, जमीन, बँक खाती आणि गुंतवणूक असल्याचे समोर आले आहे.महिलांवरील लैंगिक अत्याचाराचे गंभीर आरोप आहेत.

• स्वयंघोषित तांत्रिक अशोक खरात याला नाशिक सत्र न्यायालयात हजर करण्यात आले.
• पोलिसांनी तपासासाठी आणखी ७ दिवसांच्या कोठडीची मागणी केली.
• महिलांवरील लैंगिक अत्याचाराचे गंभीर आरोप आहेत.
• डिजिटल पुरावे गोळा करण्याचे काम अद्याप सुरू आहे.
• आरोपीकडून एक पिस्तूल जप्त करण्यात आले आहे.
• त्या पिस्तुलाचा वापर करून ५ नरबळी दिल्याचा संशय व्यक्त केला जात आहे.

 

मुंबई/नाशिक, नवराष्ट्र न्यूज नेटवर्क.
महिलांवर अत्याचार केल्याप्रकरणी स्वयंघोषित तांत्रिक अशोक खरात याला मंगळवारी नाशिक सत्र न्यायालयात हजर करण्यात आले. सरकारी वकील शैलेंद्र बागडे यांनी सांगितले की, अशोक खरात विरोधात गंभीर स्वरूपाचे आरोप आहेत. त्याच्या तपासासाठी आणखी वेळ हवा आहे. खासकरून, लैंगिक अत्याचाराशी संबंधित प्रकरणांमध्ये डिजिटल पुरावे गोळा करण्याचे काम अद्याप सुरू आहे. त्यामुळे पोलिसांना आणखी 7 दिवसांची पोलीस कोठडी देण्यात यावी, अशी मागणी त्यांनी यावेळी केली आहे. यावेळी वकिलांनी सांगितले की, तपासादरम्यान पोलिसांनी आरोपीकडून एक पिस्तूल जप्त केले आहे. या पिस्तूलाचा वापर करून 5 नरबळी दिल्याचा संशय पोलिसांना आहे. त्यासंदर्भातील काही प्राथमिक पुरावेही पोलिसांच्या हाती लागले आहेत. तसेच, आरोपीकडे काही मालमत्तेची कागदपत्रेही सापडली आहेत. त्याद्वारे अनेक लोकांची फसवणूक केल्याचा संशय असून आणखी तपासासाठी त्यांची चौकशी करायची असल्याचे सांगितले.

Ashok Kharat Education : अंकातून भविष्य मांडणार भोंदूबाबा गणितात फेल; अशोक खरात 10 वी नापास

राज्यभर खळबळ उडविणाऱ्या भोंदूबाबा अशोक खरातलैंगिक शोषण प्रकरणाला आणखी एक धक्कादायक वळण लागले आहे. खरातने एका महिलेला धार्मिक विधी करायचा असे सांगून बोलावून घेतले आणि तिच्यावर बलात्कार केल्याचे प्रकरण समोर आले आहे. अशोक खरात याने फेब्रुवारी २०२० पासून आरोपीने महिलेला एकांतात बोलावून धार्मिक विधी करण्याच्या बहाण्याने तिच्यावर अत्याचार केला. या महिलेने तक्रार दाखल केल्यानंतर हा प्रकार समोर आला आहे. पीडित महिलेने दिलेल्या तक्रारीनुसार, आहे.
अशोक खरात याने ‘तुझे भविष्य माझ्याशी जोडलेले आहे, माझ्याशी विवाह कर’ असे सांगत तिच्यावर दबाव टाकला. मे २०२२ मध्ये आरोपी खरातने कार्यालयात बोलावून मंतरलेले पाणी पाजून असाच अत्याचार केला. यानंतरही अनेक वेळा अशाच प्रकारे अत्याचार करण्यात आले. ‘यासंदर्भात कुणाला सांगितले तर तुझे व तुझ्या मुलांचे आयुष्य उद्धवस्त होईल’ अशी धमकीवजा भीती घालून आरोपी अशोक खरात याने गप्प बसवले, असे पीडित महिलेने तक्रारीत म्हटले

३२ तोळे सोने, अनेक एकर जमीन : सीएम

खरात महिलांवरील लैंगिक अत्याचार प्रकरणी मुख्यमंत्री देवेंद्र फडणवीस यांनी विधानसभेत सविस्तर निवेदन केले. मिळालेल्या माहितीतून आरोपीची संपत्ती कोठे कोठे आहे, याची माहिती संकलित करण्यात आली आहे”, असे सांगत फडणवीस यांनी खरातच्या संपत्तीची भलीमोठी यादी वाचून दाखवली. अशोक खरात याच्याकडे १२ तोळे, तर त्याच्या पत्नीकडे २० तोळे सोने असल्याचेही फडणवीसांनी सांगितले. त्याच्या नावावर अनेक एकर जमीन तसेच पत्नीच्या नावाने असलेल्या डीमॅट अकाऊंटवरून एक ते दोन लाखांची गुंतवणूक, पाच बँक खाती आहेत. आरोपीकडे ४० कोटी ८७ लाख रुपयांचे बाजारमूल्य आहे”, अशी माहिती फडणवीसांनी राज्याला दिली.

२९ पर्यंत पोलिस कोठडी

अशोक खरातची पोलिस कोठडीची मुदत मंगळवारु संपली होती. यावेळी आतापर्यंत तपासात काय निष्पन्न झाले, याबाबतीत पोलिसांकडून न्यायालयात माहिती दिली. यानंतर न्यायालयाने खरातला 5 दिवसांची म्हणजेच 29 मार्चपर्यंत पोलिस कोठडी सुनावली.

“पतीच्या मरणाची भीती घालून महिलेवर वारंवार…”: Ashok Kharat प्रकरणात CM फडणवीसांचे निवेदन