Marathi Breaking news live updates: मुळशी तालुक्यातील वैष्णवी हगवणे आत्महत्या प्रकरणी पोलिसांनी सासरा राजेंद्र हगवणे आणि दीर सुशील हगवणे यांना अटक केली आहे. सासरच्या छळाला कंटाळून वैष्णवीने आत्महत्या केली होती. गेल्या सात दिवसांपासून हे दोघेही फरार होते. अखेर आज पहाटे बावधान पोलिसांनी दोघांनाही अटक केली.
23 May 2025 05:57 PM (IST)
मुंबईसाठी हवामान खात्याकडून हाय अलर्ट जारी करण्यात आला आहे. समुद्राला आलेल्या भरतीमुळे आज संध्याकाळी दहा वाजता समुद्रात 5 ते 6 मिटर उंचीच्या लाटा उसळणार आहेत, कोणीही समुद्राच्या जवळ जाऊ नये, असा इशारा देण्यात आला आहे.
23 May 2025 04:39 PM (IST)
भारतीय हवामान विभागाने दिलेल्या अंदाजानुसार, यंदा मान्सून वेळेआधीच केरळमध्ये पोहोचण्याची शक्यता आहे. विभागानं सांगितलं आहे की, सध्या हवामान मान्सूनसाठी पोषक होत चाललं असून, 25 मेच्या आसपास मान्सून केरळच्या किनारपट्टीवर दाखल होऊ शकतो.
23 May 2025 04:08 PM (IST)
वैष्णवी हगवणे आत्महत्या प्रकरणातील आरोपी राजेंद्र हगवणे आणि सुशील हगवणे यांना आज शिवाजीनगर सत्र न्यायालयात हजर करण्यात आले. या पार्श्वभूमीवर न्यायालय परिसरात मोठा पोलीस बंदोबस्त तैनात करण्यात आला होता.दोघांनाही कडेकोट सुरक्षेत कोर्टात आणण्यात आले असून, न्यायालय परिसरात अनुचित घटना टाळण्यासाठी पोलीस दल सतर्क होते. या वेळी न्यायालय परिसरात तणावपूर्ण शांतता पाहायला मिळाली.
23 May 2025 02:07 PM (IST)
राष्ट्रवादी काँग्रेसच्या अजित पवार गटाचा माजी पदाधिकारी राजेंद्र हगवणे आणि त्यांच्या कुटुंबीयांकडून होणाऱ्या मानसिक आणि शारीरिक त्रासाला कंटाळून त्यांची सून वैष्णवी हगवणे हिने आत्महत्या केल्याने राज्यात एकच खळबळ उडाली आहे. या प्रकरणातील सर्वच आरोपींना अटक करण्यात आली आहे. आता या प्रकरणावर मुख्यमंत्री देवेंद्र फडणवीस यांनी प्रतिक्रिया दिली आहे. मकोका लावण्याकरता काही नियम आहेत. त्या नियमात बसले तर हगवणे कुटुंबावरही मकोका लागू शकेल. पण, ते त्या नियमांत बसतात की नाही, याविषयी आजकाही सांगता येणार नाही, असं म्हटलं आहे.
23 May 2025 12:55 PM (IST)
पंढरपूर तालुक्यात 13 ते 21 मे दरम्यान झालेल्या अवकाळी पावसामुळे 154 शेतकऱ्यांचे 93.7 हेक्टरवरील पिकांचे नुकसान झाले आहे. यामध्ये आंबा, केळी, डाळींब, कांदा, शेवगा आदी पिकांचा समावेश आहे. तसेच एकलासपूर येथे तीन घरांची पडझड झाली असल्याची माहिती तहसीलदार सचिन लंगुटे यांनी दिली.
23 May 2025 12:47 PM (IST)
महाराष्ट्रातील विधानसभा निवडणुकीपासून राज ठाकरे आणि उद्धव ठाकरे एकत्र येणार असल्याची चर्चा आहे. मार्चमध्ये राज ठाकरे यांच्या पॉडकास्ट वक्तव्यानंतर चर्चा तीव्र झाली होती. अशा परिस्थितीत स्थानिक स्वराज्य संस्थांच्या निवडणुका तोंडावर असताना, राज ठाकरे गटाकडून हे विधान आले आहे. महाराष्ट्र नवनिर्माण सेनेचे (मनसे) नेते म्हणतात की, उद्धव गटाकडून ठोस प्रस्ताव आल्यावरच राज ठाकरे शिवसेना यूबीटीशी हातमिळवणी करण्याचा विचार करतील. एकत्र येण्याच्या आधीच्या सर्व चर्चेत त्यांची फसवणूक झाली होती यावर मनसेने भर दिला.
23 May 2025 12:46 PM (IST)
भारतीय हवामान विभागाकडून शुक्रवारी(ता. 23 मे) महाराष्ट्रातील विविध भागांमध्ये मुसळधार ते अतिमुसळधार पावसाचा इशारा देण्यात आला आहे. यात कोकण, मध्य महाराष्ट्र, मराठवाडा आणि विदर्भातील काही जिल्ह्यांमध्ये 30 ते 40 किमी प्रतितास वेगाने वाहणाऱ्या वादळी वाऱ्यांसह मध्यम ते जोरदार पावसाचा अंदाज वर्तवला आहे. याच पार्श्वभूमीवर हवामान विभागाकडून नागरिकांना सतर्क राहण्याचा तसेच आवश्यक खबरदारी घेण्याचा सल्ला देण्यात आला आहे.
23 May 2025 12:42 PM (IST)
निकिता पेपर्स लिमिटेड (निकिता पेपर्स आयपीओ) ६७.५४ कोटी रुपयांचा बुक बिल्डिंग इश्यू घेऊन येत आहे जो ६४.९४ लाख शेअर्सचा पूर्णपणे नवीन इश्यू आहे. हा इश्यू २७ मे रोजी सबस्क्रिप्शनसाठी खुला होईल आणि २९ मे रोजी बंद होईल. कंपनीचे शेअर्स ३ जून रोजी एनएसई एसएमई वर सूचीबद्ध होण्याची शक्यता आहे.
23 May 2025 12:04 PM (IST)
पहलगाम हल्ल्यानंतर भारताने पाकिस्तानला धडा शिकवण्यासाठी भारताने ऑपरेश सिंदूर लॉन्च केलं. २२ मिनिटांत दहशतवाद्यांचे तळ उद्ध्वस्त केलं. पहलगाम हल्ल्याची किंमत पाकिस्तानला मोजावी लागली. भारताने पाकिस्तानचे पाणी बंद केले आहे, मात्र दहशतवादाला आपल्या देशातून घालवण्याचं नाव अद्यापही ते काढत नसून चीनची मागच्या दराने मदत घेण्याचे काम सुरू झाले आहे. पाकिस्तान सेनेचे लेफ्टनंट जनरल अहमद शरीफ चौधरी यांनी भारताला थेट धमकी दिली.
23 May 2025 11:51 AM (IST)
मिटरचे पैसे घेऊनही दहा बारा दिवसांपासुन मिटर न बसवल्याने अनेक कुटुंबाना रात्र अंधारात काढावी लागत असल्याने आदिवासी बांधवांमध्ये संताप व्यक्त केला जात आहे. खालापूर तालुक्यात गोळेवाडी गावाच्या आदिवासी वाडीत दहा ते पंधरा लोकांनी लाईट साठी मिटर बसवावा म्हणून रोख 5210 रुपये भरले पण त्यांचे मिटर काही अद्याप बसवण्यात न आल्याने त्यांना अंधारात रहावे लागत आहे.
23 May 2025 11:42 AM (IST)
भारतात जिओ आणि एअरटेलनंतर VI चे युजर्स अधिक आहेत. त्यामुळे कंपनी त्यांच्या युजर्ससाठी नेहमीच नवीन ऑफर्ससह रिचार्ज प्लॅन घेऊन येत असते. मात्र यावेळी कंपनीने सर्वात महागडा रिचार्ज प्लॅन लाँच केला आहे. महागाई आणि रिचार्ज प्लॅनच्या वाढत्या किंमतींना कंटाळलेले युजर्स स्वस्त आणि कमी किंमतीचे रिचार्ज प्लॅन शोधत आहेत. मात्र VI ने अचानक एवढा महागडा रिचार्ज प्लॅन लाँच करून सर्वांना आश्चर्याचा धक्का दिला आहे. किंमतीप्रमाणेच या प्लॅनमध्ये फायदे देखील भरपूर आहेत, यामध्ये काही शंकाच नाही. भारतातील आघाडीच्या टेलिकॉम कंपन्यांपैकी एक असलेल्या VI ने आता एक नवीन रिचार्ज प्लॅन लाँच केला आहे. कंपनीचा हा रिचार्ज प्लॅन म्हणजे जोर का झटका बडी जोर से, अशी परिस्थिती आहे. कारण कंपनीने लाँच केलेला हा रिचार्ज प्लॅन आतापर्यंतचा सर्वात महागडा रिचार्ज प्लॅन आहे. कंपनीने लाँच केलेल्या या रिचार्ज प्लॅनची किंमत तब्बल 4,999 रुपये आहे.
23 May 2025 11:25 AM (IST)
राजेंद्र हगवणे आणि सुशील हगवणे यांना वैष्णली हगवणे मृत्यू प्रकरणी सातव्या दिवशी पिंपरी चिंचवड पोलिसांनी अटक केली आहे. या दोघांना आज (गुरुवार) पहाटे साडेचार वाजण्याच्या सुमारास एक सापळा रचून ताब्यात घेण्यात आले. मुख्यमंत्री देवेंद्र फडणवीस यांनी मुलगी आणि सून यात फरक करणाऱ्यांना इशारा दिला आहे.
23 May 2025 11:01 AM (IST)
राजेंद्र, सुशील हगवणे या दोघांना शिवाजीनगर कोर्टात हजर करण्यात येणार आहे. दुपारी 2 ते 2.30 दरम्यान कोर्टात हजर करणार आहेत. तसेच दोघांचीही औंध रुग्णालयात वैद्यकीय चाचण करण्यात येणार आहे.
23 May 2025 10:58 AM (IST)
Infinix GT 30 Pro 5G हा नवीन स्मार्टफोन निवडक ग्लोबल मार्केट्समध्ये लाँच करण्यात आला आहे. हे नवीन डिव्हाईस एक गेमिंग-फोकस्ड स्मार्टफोन शोल्डर ट्रिगर्स, XBoost गेमिंग इंजिन आणि AI-बॅक्ड VC कूलिंग सिस्टमने सुसज्ज आहे. यामध्ये IP64-रेटेड डस्ट आणि स्प्लॅश-रेसिस्टेंट बिल्ड, 108-मेगापिक्सल मेन रियर कॅमेरा आणि MediaTek Dimensity 8350 Ultimate प्रोसेसर देण्यात आला आहे.
23 May 2025 10:53 AM (IST)
लोकल ट्रेनमधील हाणामारीचे अनेक व्हिडिओज सोशल मीडियावर नेहमीच व्हायरल होत असतात. त्यातच आता इथे आणखीन एक अशीच घटना व्हायरल झाली आहे ज्यात एक व्यक्ती दुसऱ्या व्यक्तीला जीव तोडून मारताना दिसून आला. कोणताही विचार न करता तो सटासट दुसऱ्या व्यक्तीला मारू लागतो आणि हे दृश्य पाहून सर्वांच्याच अंगावर शहारे येतात. वाचा सविस्तर
23 May 2025 10:51 AM (IST)
तळकोकणात आज हवामान विभागाने ऑरेंज अलर्ट जाहीर केला आहे. काल रात्री मुसळधार पावसाने संपूर्ण परिसर झोडपून काढला. सकाळपासून काहीशी उसंत घेतल्यानंतर आता पुन्हा संततधार सुरु झाली आहे. समुद्रही प्रचंड खवळलेला असून, किनारपट्टीवर २ ते ३ मीटर उंच लाटा उसळत आहेत. पुढील तीन दिवसांसाठी सिंधुदुर्ग जिल्ह्यात ऑरेंज अलर्ट जारी करण्यात आला आहे.
23 May 2025 10:49 AM (IST)
वैष्णवी हगवणे यांचे बाळ काल त्यांच्या आजी-आजोबांकडे सोपवण्यात आले होते. मात्र, बाळाची प्रकृती खालावल्याची माहिती समोर आली आहे. त्यानंतर बाळाच्या आजी-आजोबांनी तातडीने रुग्णालयात दाखल केले आहे.
23 May 2025 10:39 AM (IST)
Solar storm 2025 : आधुनिक यंत्रसामग्रीवर अवलंबून असलेल्या जगासाठी एक गंभीर धोक्याची घंटा वाजली आहे. फिनलंडमधील औलू विद्यापीठातील शास्त्रज्ञांनी केलेल्या संशोधनानुसार सुमारे १४,३०० वर्षांपूर्वी पृथ्वीवर एक प्रचंड सौर वादळ आदळले होते, ज्यामुळे होणारे संभाव्य नुकसान आजच्या तंत्रज्ञानयुगाला अंधारात लोटू शकते.
जग अंधारात बुडणार? भयानक सौर वादळ सरकत आहे पृथ्वीच्या दिशेने
.png "Videos"){kind=small}
