Mahakumbh Fire : महाकुंभमध्ये पुन्हा आगीची घटना; सेक्टर नंबर 18 ला लागली आग
पांढरकवडा : नागपूरच्या बोरखेडी येथून वर्धमान पेट्रोलियम पाटणबोरी येथे भारत पेट्रोलियम लिमिटेडचे डिझेल घेऊन निघालेल्या टँकरचालकाच्या केबिनला शॉर्टसर्किटने अचानक आग लागली. ही घटना तालुक्यातील गोंडवाकडी गावानजीक गुरुवारी रात्री घडली.
हेदेखील वाचा : सुरक्षित प्रवासासाठी नितीन गडकरींचा महत्त्वपूर्ण निर्णय; अपघातग्रस्तांची मदत करणाऱ्यांना मिळणार मोठ बक्षीस
स्थानिक ग्रामस्थ व अग्निशमन दलाच्या जवानांनी अथक प्रयत्न करून आगीवर नियंत्रण मिळवले. यात संपूर्ण केबिन व समोरील दोन-चाक जळून खाक झाले. यात लाखांचे नुकसान झाले. टँकर नागपूरवरून डिझेल घेऊन निघाला होता. गोंडवाकडी गावाजवळ अचानक केबिनमध्ये क्लिनरच्या बाजूस शॉर्टसर्किट होऊन आग लागली. चालक रवींद्र रामदास जायले (वय 49, रा. दहेगाव, ता. कळमेश्वर, जि. नागपूर) याने सिलिंडरच्या साह्याने आग विझविण्याचा प्रयत्न केला.
आगीने रौद्ररूप धारण केल्याने घाबरून चालक पळून गेला. यावेळी टँकरमध्ये 24 हजार लिटर डिझेल होते. केबीनमधील सर्व साहित्य, इंजिन जळून खाक झाले. यात सुमारे लाखोचे नुकसान झाले. डिझेल टाकीचा स्फोट होण्याची शक्यता असताना या घटनेची माहिती स्थानिकांनी पोलिसांना दिली. त्यानंतर पांढरकवडा पोलिस ठाण्याचे पोलिस निरीक्षक दिनेश झांबरे व सहकारी यांनी पांढरकवडा व घाटंजी येथून अग्निशमक बंब बोलावले.
दरम्यान, हैदराबाद व नागपूर मार्गावरील वाहतूक ठिकठिकाणी थांबवली होती. पांढरकवडा नगरपालिकेच्या अग्निशमन दलाचे सुमित जाधव, प्रीतम बेबडे यांनी धाडसाने एक तास सुरू असलेल्या पेटत्या डिझेलच्या टँकरजवळ जाऊन अग्निशमन बंबाच्या मदतीने आग नियंत्रणात आणली. त्यानंतर घाटंजी नगरपरिषदेच्या अग्निशमन बंबाने त्या टँकरच्या टाकीला थंड करून पुन्हा सर्व टँकरवर पाणी मारले.
संभाव्य धोका टाळण्यासाठी वाहतूक दोन्ही बाजूंनी बंद केल्याने मोठी दुर्घटना टळली. पांढरकवडा पोलिस स्टेशनचे पोलीस उपनिरीक्षक देवेंद्र मेशकर, एएसआय संजय रामगडे, राम राठोड, राजू सुरोशे, प्रफुल पावसेकर, किशोर आडे, राजू मुत्यलवार यांनी घटनास्थळी मदत केली. पोलिस निरीक्षक दीनेश झांबरे अधिक तपास करत आहेत.
हेदेखील वाचा : सुरक्षित प्रवासासाठी नितीन गडकरींचा महत्त्वपूर्ण निर्णय; अपघातग्रस्तांची मदत करणाऱ्यांना मिळणार मोठ बक्षीस
.png "Videos"){kind=small}
