‘प्रवाशांची पर्वाच नाही, महायुती सरकारचे लक्ष्य केवळ निवडणूक’…मुंबई रेल्वे अपघातानंतर राज ठाकरेंनी सुनावले

वृत्तसंस्था ANI मध्ये प्रकाशित झालेल्या वृत्तानुसार, मनसे प्रमुखांनी सोमवारी पत्रकार परिषदेत सांगितले की, “आज मुंबईत झालेला रेल्वे अपघात दुर्दैवी आहे. या अपघातात अनेक प्रवाशांचा मृत्यू झाला, परंतु मुंबईत दररोज अशाच घटना घडत आहेत. मुंबईत दररोज प्रवासी जखमी होत आहेत आणि तरीही कोणीही मदत करण्यासाठी काहीही करत नाही.” ते म्हणाले, “आमचे संपूर्ण लक्ष फक्त निवडणुका आणि प्रचारावर आहे. राज ठाकरे-उद्धव ठाकरे युती करतील का? या प्रश्नापेक्षाही महत्त्वाचे म्हणजे आज मुंबईत प्रवास कसा चालला आहे, शहरांमध्ये आणि संपूर्ण राज्यात लोक कसे राहत आहेत.” या प्रश्नाकडे कोणालाच लक्ष द्यावेसे वाटत नाही. 

Mumbai Local Accident: मुंब्रा लोकल अपघाताला २४ तास पूर्णहोताच दिसले भयावह दृश्य; दिवा स्थानकात एसी लोकलच्या दरवाजाला प्रवाशी…

सरकारवर सडकून टीका 

मुंबई लोकल ट्रेनसाठी स्वतंत्र प्रशासकीय महामंडळाची मागणी न केल्याबद्दल त्यांनी सध्याच्या आणि मागील राज्य सरकारांवर टीका केली. ते म्हणाले, “मुंबई रेल्वेसाठी स्वतंत्र महामंडळाची मागणी अनेक वर्षांपासून सुरू आहे. आम्हीही ही मागणी केली होती, परंतु आजपर्यंत कोणत्याही सरकारने या मागणीकडे लक्ष दिलेले नाही. आज शहरांचे नियोजन पूर्णपणे कोलमडले आहे. प्रचंड गर्दी येत आहे. त्यांच्यासाठी मोठे रस्ते, पूल, महानगरे बांधली जात आहेत. उंच इमारतींना परवानगी दिली जात आहे, परंतु पार्किंगसाठी कोणतीही योजना नाही.”

मानवी जीवनाचे मूल्यच नाही 

रेल्वे स्थानकांवर गर्दी पाहून मला धक्का बसला आहे असे सांगून त्यांनी खासदार, आमदार आणि मंत्र्यांसह राजकीय नेत्यांना प्रश्न विचारला की ते परदेश दौऱ्यावर जातात आणि सार्वजनिक वाहतुकीबद्दल त्यांच्या दौऱ्यांमधून काही शिकतात का? “मी स्वतः मुंबईत बऱ्याच काळापासून ट्रेनने प्रवास करत आहे. पण तेव्हा परिस्थिती थोडी चांगली होती. आता रेल्वे स्थानकांवर गर्दी पाहून मला धक्का बसला आहे. हे खासदार, आमदार, मंत्री परदेशात जातात – ते तिथून काही शिकतात का? जर अशी घटना परदेशात घडली असती तर तिथे ती कशी हाताळली गेली असती? आपल्याकडे काहीही नाही. इथे मानवी जीवनाचे मूल्य नाही,” अशी खंत यावेळी त्यानी व्यक्त केली आहे. 

Mumbai Local Accident News: मुंबई लोकल अपघातात वेगळाच संशय; जखमी प्रवाशाने नेमकं काय सांगितलं?

आदित्यनेही केली टीका 

सोमवारी तत्पूर्वी, शिवसेना (यूबीटी) नेते आदित्य ठाकरे यांनी रेल्वे मंत्री अश्विनी वैष्णव यांच्यावर टीका केली आणि त्यांच्यावर मृत्यूसाठी जबाबदार असल्याचा आरोप केला. “रेल्वेमंत्री रील मंत्री बनले आहेत. गेल्या २-३ वर्षांत अनेक भयानक रेल्वे अपघात झाले आहेत, परंतु जबाबदारी घेण्यासाठी कोणीही पुढे येत नाही. ही पूर्णपणे रेल्वे विभाग आणि रेल्वेमंत्र्यांची जबाबदारी आहे… भारतातील लोकांनी अनेक वेळा त्यांचा राजीनामा मागितला आहे, पण ते अजूनही त्यांचे काम करत आहेत.” 

सोमवारी सकाळी चालत्या ट्रेनमधून सुमारे १० प्रवासी पडल्याची घटना घडली. त्यापैकी चार जणांचा मृत्यू झाला, तर सहा जण जखमी झाले. मध्य रेल्वेच्या मुंब्रा आणि दिवा रेल्वे स्थानकांदरम्यान ही दुर्दैवी घटना घडली. प्रचंड गर्दीमुळे प्रवासी असुरक्षितपणे दरवाज्यांना लटकत होते.

संबंधित बातम्या