शनिवार, 17 ऑक्टोबर 2026
When there is a united party, everyone cooperates now... that's it"; Amol Kolhe's counter attack on Ajit Pawar's announcement
पुणे : खासदार अमोल कोल्हे हे काल पुण्यात होते, त्यांनी माध्यमांशी संवाद साधताना सरकारवर जोरदार टीकास्त्र सोडत, निदान महाराष्ट्रातील उद्योग तरी बाहेर नेऊ नये हे सांगण्याची हिंमत सरकारी पक्षातील नेत्यांनी ठेवावी. ही हिंमतसुद्धा आता त्यांच्यात राहिली नाही. महाराष्ट्रातील पाणबुडी प्रकल्प गुजरातला नेला जाणार असल्याचा आरोप विरोधकांकडून करण्यात येतोय. मात्र, राज्यातील कोणताही प्रकल्प बाहेर गेला नाही, विरोधक निवडणुकीच्या तोंडावर कोणताही मुद्दा नसल्याने हा मुद्दा काढत आहे, असा आरोप उपमुख्यमंत्री अजित पवारांनी (Ajit Pawar) केला. तर केंद्र सरकारला आमच्या हक्काचं हिसकावून घेऊ नका हे सांगण्याची हिंमत सरकारमध्ये नसल्याची टीका खासदार अमोल कोल्हे (Amol Kolhe) यांनी केलीय. ते पुण्यात बोलत होते.
अजित पवारांनी कोढून काढले मुद्दे
अजित पवार म्हणाले, राज्यातून काही उद्योग उद्योग बाहेर गेलेले नाहीत. निवडणुकीच्या तोंडावर काही मुद्दे नाहीत म्हणून असे मुद्दे काढण्यात येतात. कालच मी मुख्यमंत्र्यांचे निवेदन ऐकले. त्यांनी स्पष्ट सांगितले आहे राज्यातून एकही उद्योग बाहेर गेलेला नाही.
केंद्र सरकारला आमच्या हक्काचं हिसकावून घेऊ नका हे सांगण्याची हिंमत सरकारमध्ये नाही. एकीकडे एक चित्र दाखवायचे आणि दुसरीकडे वस्तुस्थिती मात्र वेगळी असते. परंतु महाराष्ट्र सरकार हे केंद्र सरकारला ठामपणे नजरेला नजर भिडवून आमच्या हक्काचं हिसकावून घेऊ नका हे सांगण्याची हिंमत सरकारमध्ये नाही. तशी परिस्थिती सध्या राज्यात नाही, हे महाराष्ट्राचे दुर्दैव आहे, असे अमोल कोल्हे म्हणाले.
शरद पवारांच्या नेतृत्वाखाली निवडणूक लढवणार
अमोल कोल्हे म्हणले, दादा मोठे नेते आहेत. माझ्यासारखा कोणतीही राजकीय पार्श्वभूमी नसलेला नेता त्यांच्यासमोर लहान आहे. मायबाप जनता माझ्या कामांची पोचपावती देईल. माझ्यासमोर जे कोणी असेल त्यांच्यासमोर मी माझे विचार घेऊन जाईल. शरद पवारांच्या नेतृत्वाखाली निवडणूक लढवेल.
शेतकऱ्यांच्या समस्या तातडीने सोडवा
मुख्यमंत्री एकनाथ शिंदे शिवसंकल्प अभियानाची सुरुवात शिरूर लोकसभा मतदारसंघातून करणार आहेत. त्यांचे मनापासून स्वागत करतो. जो शेतकरी आक्रोश मोर्चा निघाला या आक्रोश मोर्चाचा आवाज हा मुख्यमंत्र्यांपर्यंत पोहोचला आहे. मुख्यमंत्री महोदय शेतकऱ्यांच्या समस्या सोडवण्यासाठी हा जर शासकीय कार्यक्रम असतात तर मला वाटतं जास्त आनंद झाला असता शेतकऱ्यांच्या समस्या जास्त तातडीने सोडवण्यासाठी याचा याची मदत झाली.
महाराष्ट्रामध्ये जास्त प्रकल्प आले पाहिजे
सिंधुदुर्ग किनाऱ्यावर (Sindhudurg) होणारा पाणबुडी प्रकल्प (Submarine Project) गुजरातला जाणार यावर बोलताना अशोक चव्हाण म्हणाले, सत्ताधारी मुख्यमंत्री- उपमुख्यमंत्री आहे. त्यांनी विचार केला पाहिजे. गुजरातला अधिक प्रकल्प चालले आहे. महाराष्ट्रामध्ये जास्त प्रकल्प आले पाहिजे.
