Mumbai Ayodhya Special Train 2026 : मध्य रेल्वेचा स्वच्छता पंधरवाडा उत्साहात संपन्न

Mumbai Ayodhya Special Train 2026 : दसरा, दिवाळी आणि छठ पूजेच्या काळात प्रवाशांची वाढती गर्दी लक्षात घेऊन मध्य रेल्वेने मुंबईतील लोकमान्य टिळक टर्मिनस ते अयोध्या कॅंटदरम्यान अमृत भारत रेकद्वारे २४ साप्ताहिक सण-उत्सव विशेष रेल्वे सेवा चालवण्याची घोषणा केली आहे.

• सुपरफास्ट विशेष गाड्या  
• साप्ताहिक विशेष गाडी  
• विशेष गाड्यांच्या थांब्यावरील सविस्तर वेळापत्रकासाठी  

Mumbai Ayodhya Special Train 2026 :  मुंबई- अयोध्या दरम्यान ‘अमृत भारत’ रेकसह २४ साप्ताहिक सण-उत्सवासाठी विशेष गाड्यांचे आयोजन करण्यात आले आहे. यामध्ये दसरा, छठ पूजा आणि दिवाळीच्या सण-उत्सवाच्या काळात प्रवाशांची प्रचंड गर्दी लक्षात घेता, मध्य रेल्वेने मुंबईतील लोकमान्य टिळक टर्मिनस आणि अयोध्या दरम्यान २४ साप्ताहिक विशेष गाड्या चालवणार आहे. या विशेष गाड्या ‘अमृत भारत’ रेकद्वारे चालवण्यात येईल, ज्यामुळे प्रवाशांना अधिक आरामदायी प्रवास अनुभवता येणार आहे.

सुपरफास्ट विशेष गाड्या

लोकमान्य टिळक टर्मिनस – अयोध्या कैंट – लोकमान्य टिळक टर्मिनस सुपरफास्ट विशेष गाड्या (साप्ताहिक) – (२४ सेवा) यामध्ये गाडी क्रमांक 01045 ही साप्ताहिक विशेष गाडी दर सोमवारी आणि शुक्रवारी दिनांक १९.१०.२०२६ ते दिनांक २७.११.२०२६ या कालावधीत लोकमान्य टिळक टर्मिनस येथून ०७:३५ वाजता सुटेल आणि अयोध्या कैंट येथे दुसऱ्या दिवशी १०:१५ वाजता पोहोचेल.

रिक्षाचा धक्का लागला अन् थेट खड्ड्यात पडले! पुण्यात 55 वर्षीय व्यक्तीचा उपचारादरम्यान मृत्यू 

साप्ताहिक विशेष गाडी

गाडी क्रमांक 01046 ही साप्ताहिक विशेष गाडी दर मंगळवारी आणि शनिवारी दिनांक २०.१०.२०२६ ते दिनांक २८.११.२०२६ या कालावधीत अयोध्या कैंट येथून १३:५० वाजता सुटेल आणि लोकमान्य टिळक टर्मिनस येथे दुसऱ्या दिवशी १७:१५ वाजता पोहोचेल. या सर्व गाड्या कल्याण, इगतपुरी, नाशिक रोड, मनमाड, भुसावळ, खंडवा, इटारसी, जबलपुर, कटनी, सतना, माणिकपूर, प्रयागराज जंक्शन, प्रतापगड आणि सुलतानपुर. येथे थांबतील. याची सर्व गाड्याची  संरचना (अमृत भारत रेक)  ८ शयनयान, ११ सामान्य द्वितीय श्रेणी, १ पॅन्ट्री कार आणि २ द्वितीय आसनासह गार्ड्स ब्रेक व्हॅन असेल.

विशेष गाड्यांच्या थांब्यावरील सविस्तर वेळापत्रकासाठी

आरक्षण विशेष गाडी क्रमांक 01045 साठी आरक्षण सर्व संगणकीकृत आरक्षण केंद्रांवर आणि www.irctc.co.in या संकेतस्थळावर उपलब्ध आहे.अनारक्षित डब्यांचे तिकीट बुकिंग सामान्य दरांसह ‘यूटीएस’ प्रणालीद्वारे करता येईल. प्रवासी तिकिटांच्या बुकिंगसाठी ‘रेलवन’ ॲपचाही वापर करू शकतात. या विशेष गाड्यांच्या थांब्यावरील सविस्तर वेळापत्रकासाठी, कृपया www.enquiry.indianrail.gov.in या संकेतस्थळाला भेट द्या किंवा एनटीईएस ॲप डाउनलोड करता येईल.

Mumbai Powai Lake Restoration: मुंबईची पाण्याची चिंता मिटणार? पवई तलावाच्या पुनरुज्जीवनासाठी महापालिकेचा मोठा प्लॅन