Mumbai BMW Accident : मुंबईच्या कोस्टल रोडवर अपघात… लाला कॉलेजसमोरील लोटस जेट्टी जवळील घटना

Mumbai BMW Accident :मुंबईच्या कोस्टल रोडवर रविवारी पहाटे सुमारे ५.२० वाजता मरीन ड्राईव्हहून हाजी अलीच्या दिशेने जाणाऱ्या BMW कारचा अपघात झाला. या दुर्घटनेत तीन जणांचा मृत्यू झाला असून एक जण गंभीर जखमी असल्याची माहिती आहे. पोलिसांनी घटनास्थळाची पाहणी केली पुढील तपास सुरु

 

• बीएमडब्लयू कार मधिल माणसं गंभीर जखमी
• पोलिसांची घटनास्थळी धाव
• नायर रुग्णालयात मृतदेहांचे पोस्टमाॅर्टम

 

Mumbai BMW Accident : आज रविवारी पहाटेच्या सुमारास मुंबईच्या कोस्टल रोडवर भरधाव वेगाने जाणाऱ्या बीएमडब्ल्यू कारचा अपघात झाला.  हा अपघात मरीन ड्राईव्हवरून हाजी अलीकडे जात असताना घडला. तर लाला कॉलेजसमोरील लोटस जेट्टीजवळ हा अपघात घडल्यांचे सांगितले जात आहे . हा अपघात पहाटे ०५.२० च्या सुमारास घडला, बीएमडब्लयूच्या कारचालकाने अतिवेगाने कार चालवल्यामुळे हा अपघात घडला, असे कोस्टल रोड नियंत्रण कक्षाने म्हंटले आहे.

मुंबईच्या कोस्टल रोडवर रात्री आणि पहाटे च्या  वेळेस येथे अतिवेगाने गाड्या चालवल्या जातात, अशा तक्रारी वारंवार येत असतात. या आधी सुद्धा मुंबई कोस्टल रोडवर अपघात घडल्याची घटना समोर आली, या घटनेने पुन्हा एकदा रस्त्यावरील शिस्तीचे महत्त्व अधोरेखित केले आहे.

 

• बीएमडब्लयू कार मधिल माणसं गंभीर जखमी

बीएमडब्लयू कार मधिल चार जण गंभीर जखमी झाले असून सर्वांना उपचारासाठी मुंबईच्या नायर रुग्णालयात दाखल करण्यात आले आहे. रुग्णालयाच्या सीएमओकडून मिळालेल्या माहितीनुसार शनाय गज्जल वय वर्षे (२१)  याला रुग्णालयात दाखल करताच मृत घोषित करण्यात आले आहे. तर  धैर्य सेठ वय वर्षे (१७) याला देखिल मृत घोषित करण्यात आले आहे. या मध्ये एका २५ वर्षे वयाच्या एका अज्ञात व्यक्तीला रुग्णालयात आणण्यात आले, परंतु त्याचाही मृत्यू झाला होता. २० वर्षे वयाच्या एका अज्ञात व्यक्तीला ट्रॉमा वॉर्डमध्ये दाखल करण्यात आले असून त्याची प्रकृती सुद्धा चिंताजनक असल्याचे सांगण्यात येत आहे.

Mumbai Coastal Road : मुंबई कोस्टल रोड बोगद्यात धावत्या कारला भीषण …

• पोलिसांची घटनास्थळी धाव

अपघातानंतर परिसरात खळबळ उडाली. पोलिसांनी घटनास्थळी भेट देऊन परिसराची पहाणी केली , अपघात घडला त्या ठिकाणी सील करण्यात आले. पोलिस या अपघाताचा पुढील तपास करत आहे, बीएमडब्लयू कारचा ताबा पोलिसांनी घेतला असून ती तांत्रिक तपासणीसाठी पाठवण्यात आली आहे. ज्या ठिकाणी अपघात घडला त्या ठिकांणाचे सीसीटीव्ही फुटेज तपासले जात आहेत. तर अपघाताचे नेमकं कारण आणि कारचा वेग किती होता, याबाबत अधिक माहिती पुढील तपासात समोर येईल, असे पोलिसांनी सांगितले आहे .

 

अवघ्या १० मिनिटांत मरीन ड्राइव्ह, मुंबई कोस्टल रोड वांद्रे वरळी सी लिंक …

नायर रुग्णालयात मृतदेहांचे पोस्टमॉर्टम

घडलेल्या अपघातातील सर्व मृतदेह पोस्टमाॅर्टम साठी  मुंबईच्या नायर रुग्णालयात दाखल करण्यात येणार आहे. या मध्ये २५ वर्षीय अनोळखी तरुणाच्या नातेवाईकांचा शोध पोलिस करत आहे. अपघातातील गंभीर झालेल्या  जखमी तरुणावर डॉक्टरांचे लक्ष आहे. पोलिसांनी या प्रकरणी गुन्हा दाखल करून तपास सुरू ठेवला आहे. या दुर्घटनेने तीन तरुणांच्या कुटुंबियांवर शोककळा पसरली आहे.