ऐतिहासिक बाणगंगा तलावात शेकडो माशांचा मृत्यू! पिंडदान विधीतील अन्नपदार्थ कुजल्याने दुर्घटना
Mumbai News: दक्षिण मुंबईतील मलबार हिल परिसरातील ऐतिहासिक, पौराणिक व वारसा दर्जा लाभलेल्या पवित्र ‘बाणगंगा’ तलावामध्ये शेकडो माशांचा तडफडून मृत्यू झाल्याची धक्कादायक घटना समोर आली आहे. तलावाच्या पाण्यात मोठ्या प्रमाणावर मृत मासे तरंगताना आढळल्याने परिसरात एकच खळबळ उडाली आहे. तलावामध्ये नियमितपणे होणाऱ्या धार्मिक विधी व पिंडदान प्रक्रियेमुळे हे पाणी प्रचंड प्रमाणावर दूषित झाले असून, त्यामुळेच माशांचा जीव गेल्याचा थेट आरोप स्थानिक रहिवाशांनी केला आहे. या प्रकारामुळे परिसरातील नागरिकांमध्ये तीव्र संतापाची लाट पसरली असून पालिकेच्या कारभारावर गंभीर प्रश्न उपस्थित केले जात आहेत.(फोटो सौजन्य – AI)
बाणगंगा तलावाला शहराच्या सांस्कृतिक आणि धार्मिक जीवनात महत्त्व आहे. त्यामुळे दररोज शेकडो भाविक या ठिकाणी पितृकार्य, श्राद्ध आणि पिंडदान करण्यासाठी येत असतात. या विधीदरम्यान पिठाचे गोळे, भात, तीळ आणि इतर खाद्यपदार्थ तलावात विसर्जित केले जातात. हे अन्नपदार्थ तळाशी साचून मोठ्या प्रमाणावर कुजले आहेत. या सेंद्रिय घटकांमुळे पाण्यातील प्राणवायूचे प्रमाण धोकादायक पातळीपर्यंत खालावले आहे.
तलावाच्या पाण्यावर मृत मासे तरंगताना दिसताच स्थानिक नागरिकांनी स्वतःहून पुढाकार घेत पाण्यात उतरून स्वच्छता मोहीम हाती घेतली. स्थानिकांनी पाण्यातील मृत मासे वेचून काठावर आणले असता अवघ्या काही वेळातच प्लास्टिकचे अनेक मोठे क्रेट्स मृत माशांनी तुडुंब भरले.याशिवाय, पाण्याखालून पिठाचे न कुजलेले गोळे आणि अन्नपदार्थांचे थरच्या थर बाहेर काढण्यात आले. हे मृत मासे वेळेवर हटवले नाही तर परिसरात तीव्र दुर्गंधी पसरेल आणि साथीचे रोग उद्भवतील, अशी भीती व्यक्त केली जात आहे.
मुंबई महानगरपालिकेचे आरोग्य आणि जलसंधारण खाते या ऐतिहासिक वास्तूच्या देखभालीकडे सपशेल दुर्लक्ष करत असल्याचा आरोप नागरिकांनी केला आहे.
भाविकांच्या धार्मिक भावनांचा आदर राखतानाच तलावातील जैवविविधतेचे रक्षण करणे अत्यंत आवश्यक आहे.त्यासाठी धार्मिक विधी व पिंडदान करण्यासाठी तलावाबाहेर स्वतंत्र कृत्रिम कुंडांची व्यवस्था करण्यात यावी.
Sheetal Mhatre: मिठी नदी गाळ उपसा प्रकरणात आदित्य ठाकरेंची चौकशी करा; शीतल म्हात्रेंची मागणी
तलावाच्या मूळ पात्रात अन्नपदार्थ व निर्माल्य टाकण्यास सक्त मनाई करण्यात यावी आणि नियमांचे उल्लंघन करणाऱ्यांवर दंडात्मक कारवाई करावी, अशी मागणी केली जात आहे.
.png "Videos"){kind=small}
