जरांगे संघर्ष नव्हे टेंडर योद्धा बनले
मुंबईत आयोजित करण्यात आलेल्या पत्रकार परिषदेत बोलत होते. यावेळी बारस्कर यांनी मनोज जरांगे पाटील आणि राधाकृष्ण विखे पाटील यांच्यावर सडकून टीका केली. संजय कटारे म्हणजे मनोज जरांगेचा अदृश्य त्याने मार्च २०२३ मध्ये ४ कोटीहून जास्त रुपयांची वाळू चोरी केली. आमच्याकडे याचे पुरावे आणि कागदपत्र आहेत. हा ब्लॅकलिस्टमध्ये असलेला कंत्राटदार आयटीआय पास झालेला आहे. त्याला १४ कोटी रुपयांचे कामे मिळतात. त्याने प्रोझोन क्रीम एरियात कुठून प्लॉट घेतला?, असा आरोप बारस्कर यांनी केला.
दरम्यान, मनोज जरांगे यांचा सख्खा पुतण्या स्वस्तिकने मोठी जमीन घेतली. जरांगे म्हणतो की, मराठ्यांवर जमिनी विकायची वेळ आली. पण आंदोलनाच्या नावाखाली गद्दारी करून रक्त सांडवता. आपासाहेब कुढेकर याच्या नावानेही 98 एकर जमीन खरेदी करण्यात आली. बंद खोलीत चर्चा करत नसतो, असे जरांगे बोलायचा. मग अशोक चव्हाण यांच्यासोबत बंद खोलीत त्यांनी काय चर्चा केली? यानंतर जरांगे आणि विखे पाटील एकत्र असताना मीडियाला बाहेर काढले, काय असे बोलायचे होते? किशोर बलांडे नावाचा कंत्राटदार आहे. तो मनोज जरांगे यांच्या स्टेजवर कसा आला? असा सवालही त्यांनी उपस्थित केला.
मी आणि समाज कधीच मागे सरकणार नाही
मराठा समाजाला आरक्षण मिळावे यासाठी मनोज जरांगे यांच्याकडून वेळोवेळी आंदोलन, उपोषण करण्यात येत आहे. त्यावरच आता मनोज जरांगे यांनी भाष्य केले आहे. मोडी लिपी वाचण्यासाठी आणि बनवण्यासाठी आम्ही सरकारकडे 63 नावं पाठवली आहेत. सरकारला नोंदी सापडत नव्हत्या. आम्ही दिलेल्या नावांना आता पूर्ण अधिकार देण्यात यावेत. तसेच मी आणि समाज कधीच मागे सरकणार नाही, असे त्यांनी म्हटले आहे.
.png "Videos"){kind=small}
