Blinkit च्या मालाड गोदामावर FDA चा छापा; फूड लायसन्स निलंबित, कारवाईने खळबळ

मुंबईत FDAने क्विक-कॉमर्स प्लॅटफॉर्म Blinkitच्या मालाडमधील डार्क स्टोअरवर कारवाई केली आहे. तपासणीत अस्वच्छता, झुरळे आणि एक्सपायर फूड स्टॉक आढळल्यानंतर स्टोअरचा फूड लायसन्स निलंबित करण्यात आला.

• Blinkitच्या मालाड स्टोअरवर FDAची कारवाई.
• झुरळे आणि एक्सपायर फूड स्टॉक आढळला.
• स्टोअरचा फूड लायसन्स निलंबित.

मागील काही काळापासून मुंबईत IAS तुकाराम मुंडे खूप जास्त चर्चेत आहेत. क्विक-कॉमर्स प्लॅटफॉर्म ‘ब्लिंक इट’च्या एका गोदामातील नियमांचे उल्लंघन केल्याबद्दल महाराष्ट्र अन्न व औषध प्रशासनाने (FDA ) कारवाई केली आहे. कंपनीने मालाड वेस्ट मधील डार्क स्टोरचे फूड लायसंस सस्पेंड केले असून या घटनेने परिसरात खळबळ उडाली आहे. एफडीएच्या म्हणण्यानुसार, तपासादरम्यान स्टोरमध्ये असंख्य झुरळं, एक्सपायर फूड स्टॉक आणि स्वच्छतेच्या नियमांचे उल्लंघन झाल्याचे आढळून आले. विभागाने स्पष्ट केले आहे की, ही कारवाई फक्त एका स्टोरवर करण्यात आली असून ब्लिंकिटच्या संपूर्ण फ़ूड ऑपरेशनला निलंबित करण्यात आलेलं नाही.

McDowell’s-Old Monk प्रकरणात FSSAI अडचणीत? हायकोर्टाने उपस्थित केला लेबलिंगचा मुद्दा

अनेक मोठे ब्रँड्स आणि हाॅटेल्सवर कारवाई

महाराष्ट्र फूड एंड ड्रग एडमिनिस्ट्रेशनने (FDA ) अलिकडेच अनेक मोठे ब्रँड्स, हाॅटेल्स आणि फूड स्टोर्सवर धडक कारवाई केली आहे. विभागाने इतके फूड सँपल्स जमा केले आहेत की त्यांच्या तपासणीसाठी अधिकाऱ्यांकडून रविवारी देखील काम केले जात आहे. मिळालेल्या माहितीनुसार, एफडीएने ऑगस्ट रोजी मालाड वेस्टमधील रामचंद्र लेनमध्ये असलेल्या कंपनीच्या दुकानाची तपासणी केली होती. विभागाने दावा केला आहे की, तपासणीदरम्यान स्टोरमध्ये ठेवण्यात आलेल्या भाज्या आणि फळांमध्ये झुरळे आढळून आली. जागा अत्यंत अस्वच्छ असल्याचे सांगून एफडीएने तत्काळ स्टोरचा परनाना निलंबित केला आहे. या निलंबनादरम्यान स्टोरमधील खाद्यपदार्थांची विक्री, वितरण किंवा व्यवसाय करण्यास मनाई करण्यात आली होती.

हजारो डेअरी प्रोडक्ट्स केले जप्त

एकामागोमाग एफडीएटच्या छापांचा हा घटनाक्रम सुरु असतानाच ८ ऑगस्ट रोजी बुलढाणा एआरडी सिनेमॉलमध्ये असलेल्या रिलायन्सच्या एका रिटेल आउटलेटचीही तपासणी करण्यात आली. ही तपासणी एका खास ब्रँडच्या काजू कतलीत बुरशी आणि जिवंत किडे आढळल्याच्या तक्रारीच्या आधारे करण्यात आली होती. कारवाईदरम्यान अधिकाऱ्यांनी त्याच प्रकारच्या दुसऱ्या बॅचमधून १०,२३८ रुपये किमतीची ११.३४ किलो काजू कतली जप्त केली आणि नमुने तपासणीसाठी प्रयोगशाळेत पाठवले.

Mira-Bhayandar: पालिकेची सीबीएसई शाळा पुन्हा लांबणीवर? २४ वर्ग खासगी शाळेला भाड्याने देण्याचा प्रस्ताव, महासभेच्या निर्णयाकडे लक्ष

याव्यतिरिक्त दूध आणि डेअरी प्रोडक्ट्समधील भेसळीविरोधात अभियान देखील सुरु करण्यात आले आहे. या स्पेशल अभियानादरम्यान १४,३७८ लीटर डेअरी प्रोडक्ट्स जप्त करण्यात आले ज्यांची किंमत ९३.२६ लाख रुपये असल्याची माहिती आहे. एफडीएने याआधी भिवंडी येथील ॲमेझाॅनच्या वेअरहाऊसवरही छापा टाकला होता. हे प्रकरण सध्या मुंबई हायकोर्टात सुरु आहे.