Mumbai News: घाटकोपरमध्ये दरड कोसळली! अनेक घरे मलब्याखाली; 6 जणांचा मृत्यू, बचावकार्य सुरू

Ghatkopar landslide News: घाटकोपर हादरले! घाटकोपरमधील अशोक नगर परिसरात दरड कोसळल्याची दुर्घटना घडली आहे. या घटनेत 6 लोकांचा मृत्यू झाल्याची माहिती समोर आली आहे.

• घाटकोपरमध्ये दरड कोसळल्याने अनेक घरे मलब्याखाली दबली आहेत.
• या दुर्घटनेत आतापर्यंत ५ जणांचा मृत्यू झाल्याची माहिती समोर आली आहे.
• मलब्याखाली अडकलेल्या नागरिकांचा शोध घेण्यासाठी बचावकार्य सुरू आहे.

मुंबईतील घाटकोपरमध्ये आज पहाटे 3 वाजण्याच्या सुमारास दरड कोसळल्याची घटना घडली आहे. या घटनेत अनेक घर ढिगाऱ्याखाली गाडली गेली आहेत. या घटनेत सुमारे 6 जणांचा मृत्यू झाला असल्याची माहिती समोर आली आहे. घटनास्थळी एनडीएरएफ आणि पोलिसांचे पथक तैनात असून बचावकार्य युद्धपातळीवर सुरु आहे. ढिगाऱ्याखाली अनेकजण अडकल्याची भिती व्यक्त केली जात आहे. ही घटना घाटकोपर-कुर्ला रोडजवळील अशोक नगर परिसरातील गौसिया चाळ येथे घडली आहे. घटनेमुळे नागरिकांमध्ये भितीचे वातावरण निर्माण झाले आहे.  (फोटो सौजन्य: X) 

रिक्षा, टॅक्सी आणि ॲप-कॅब चालकांसाठी मोठी बातमी! मराठीचे ज्ञान बंधनकारक अन्यथा…; नियमभंग केल्यास परवाना होणार निलंबित

#WATCH | Mumbai: A landslide occurred at Gaushiya Chawl, Chirag Nagar, near Rathod Medical in Kurla, at around 3:48 am. Two bodies have been recovered, and 6-8 persons are likely to be trapped. Rescue operation is underway. (Source: NDRF) pic.twitter.com/aiDt2V38nZ — ANI (@ANI) August 12, 2026

मुंबईतील घाटकोपर पश्चिम परिसरातील अशोक नगर परिसरात आज पहाटे सुमारे 3:48 वाजण्याच्या सुमारास दरड कोसळल्याची घटना घडली. या घटनेत अनेक घरं मलाब्याखाली दबली गेली. अचानक झालेल्या या घटनेमुळे संपूर्ण परिसर हादरून गेला आणि नागरिकांमध्ये भितीचे वातावरण निर्माण झाले आहे. घाटकोपरमध्ये घडलेल्या या घटनेत सुमारे 6 लोकांचा मृत्यू झाल्याची माहिती समोर आली आहे. तसेच अनेकजण ढिगाऱ्याखाली अडकल्याची भिती व्यक्त केली जात आहे. या ठिकाणी एनडीएरएफ आणि पोलिसांचे पथक युद्धपातळीवर बचावकार्य करत आहेत. घटनास्थळी सध्या मोठ्या प्रमाणात गोंधळ उडाला आहे.

मुंबई पोलीस आणि बृहन्मुंबई महानगरपालिकाने दिलेल्या माहितीनुसार, बचाव कार्य अजूनही सुरु आहे. अधिकारी ढिगाऱ्याखाली अडकलेल्या लोकांना बाहेर काढण्यासाठी सतत प्रयत्न करत आहेत. मुंबईच्या महापौर रितू तावडे आणि अतिरिक्त महापालिका आयुक्त (पूर्व उपनगरे) डॉ. अविनाश ढाकणे घटनास्थळी उपस्थित आहेत. मुंबई पालिकेच्या महापौर रितू तावडे यांनी घाटकोपर दुर्घटनेतील मृतांच्या वारसांना पालिकेकडून 3 लाखांची मदत जाहीर केली आहे.

श्रावणात एक धार्मिक पुस्तक घरी आणा, वाचा आणि संस्कार पुढच्या पिढीपर्यंत पोहोचवा; डोंबिवलीत अनोखा उपक्रम

एका बीएमसी अधिकाऱ्याने सांगितलं आहे की, मुंबई अग्निशमन दल (MFB), पोलीस, १०८ रुग्णवाहिका सेवा, एनडीआरएफ (NDRF) आणि वॉर्डातील कर्मचाऱ्यांची पथके घटनास्थळी तैनात करण्यात आली आहेत. घाटकोपरचे उपायुक्त गणेश शिंदे यांनी म्हटलं आहे की, सतत सुरु असलेल्या मुसळधार पावसामुळे अशोक नगर परिसरात दरड कोसळल्याची घटना घडली आहे. या ठिकाणी सध्या युद्धपातळीवर बचावकार्य सुरु आहे. एका अधिकाऱ्याने म्हटलं आहे की, पावसाळ्यापूर्वीच या परिसरातील अनेक घरांना नोटिसा बजावण्यात आल्या होत्या. सध्या इतर अधिकारी या परिस्थितीचा आढावा घेत आहेत. गरज भासल्यास या भागातील रहिवाशांना सुरक्षित ठिकाणी हलवले जाऊ शकते.