BMC Election Result 2026: मतमोजणी सुरु होण्यापूर्वीच महायुतीचे मोठे यश! 67 उमेदवारांची बिनविरोध निवड, वाचा यादी

निकाल जाहीर होण्यापूर्वीच महायुतीच्या पक्षांनी अनेक ठिकाणी मोठा विजय मिळवला आहे. महायुतीला राज्यातील एकूण 67 ठिकाणी निकालापूर्वीच विजय मिळाला आहे. या ठिकाणी उमेदवारांची बिनविरोध निवड झाली आहे.

• 10 वाजता मतमोजणीला सुरुवात
• निकालांकडे सर्वांचे लक्ष
• निकाल जाहीर होण्यापूर्वीच महायुतीला मोठं यश

15 जानेवारी 2026 रोजी राज्यातील महानगरपालिका निवडणूकांसाठीचे मतदान पार पडले. त्यांनतर आज 16 जानेवारी रोजी मतमोजणी पूर्ण केली जाणार असून निकाल जाहीर होणार आहेत. 10 वाजता मतमोजणीला सुरुवात केली जाणार आहे. आज लागणाऱ्या निकालांकडे सर्वांचे लक्ष आहे. मात्र आजच निकाल जाहीर होण्यापूर्वीच आणि मतमोजणीला सुरुवात होण्यापूर्वीच महायुतीला मोठं यश मिळालं आहे. राज्यात तब्बल महायुतीच्या 67 उमेदवारांची बिनविरोध निवड झाली आहे. यामध्ये भाजपच्या विजयी उमेदवारांची संख्या सर्वात जास्त आहे. मतमोजणी पूर्ण झाल्यानंतर बिनविरोध विजयी झालेल्या 67 उमेदवारांना विजयाचे प्रमाणपत्र दिले जाणार आहे.

BMC Election Result 2026: निकालाची घडी जवळ! 23 कक्ष सज्ज, कडक पोलीस बंदोबस्तात होणार मतमोजणी

कल्याण डोंबिवलीमध्ये बिनविरोध निवडून आलेल्या उमेदवारांची संख्या सर्वात जास्त आहे. कल्याण -डोंबिवली महानगरपालिकेत भाजपाचे एकूण 15 आणि शिवसेनेचे एकूण 6 उमेदवार बिनविरोध निवडून आले आहेत. तर पनवेलमध्ये बिनविरोध निवडून आलेल्या उमेदवारांची संख्या 8 आहे. जळगावमध्ये 12 उमेदवारांची बिनविरोध निवड झाली आहे. तर एकनाथ शिंदे यांचा बालेकिल्ला असलेल्या ठाणे शहराच 7 उमेदवार आणि भिवंडीत 6 उमेदवारांची बिनविरोध निवड झाली आहे. पुण्यात 2 उमेदवार, पिंपरी-चिंचवड 2 उमेदवार आणि मालेगावात इस्लाम पार्टीचा 1 उमेदवार बिनविरोध विजयी झाले आहे. अहिल्यानगरमध्ये अजित पवारांच्या राष्ट्रवादी काँग्रेसचे 2 उमेदवार, भाजपाचे 3 उमेदवार आणि धुळ्यात 3 उमेदवारी बिनविरोध निवडून आले आहेत.  (फोटो सौजन्य – AI Created)

BMC-Maharashtra Municipal Election Result 2026 Live: महापालिकांचा फैसला आज! २९ शहरांत कोणाची सत्ता?