Mumbai News : सागरी अध्ययन, क्रीडा विज्ञानात मुंबई विद्यापीठाची झेप; युनिव्हर्सिटी ऑफ वेस्टर्न ऑस्ट्रेलियासोबत प्रशिक्षणासाठी करार

मुंबई विद्यापीठाने सागरी अध्ययन आणि स्पोर्ट्स सायन्स या दोन महत्त्वपूर्ण व भविष्याभिमुख क्षेत्रांमध्ये आंतरराष्ट्रीय सहकार्यांचा विस्तार करत ऑस्ट्रेलियातील यूनिव्हर्सिटी ऑफ वेस्टर्न ऑस्ट्रेलियासोबत सामंजस्य करार केला आहे

• सागरी अध्ययन, क्रीडा विज्ञानात मुंबई विद्यापीठाची झेप;
• युनिव्हर्सिटी ऑफ वेस्टर्न ऑस्ट्रेलियासोबत प्रशिक्षणासाठी करार

मुंबई :  मुंबई विद्यापीठाने सागरी अध्ययन आणि स्पोर्ट्स सायन्स या दोन महत्त्वपूर्ण व भविष्याभिमुख क्षेत्रांमध्ये आंतरराष्ट्रीय सहकार्यांचा विस्तार करत ऑस्ट्रेलियातील यूनिव्हर्सिटी ऑफ वेस्टर्न ऑस्ट्रेलियासोबत सामंजस्य करार केला आहे. या करारामुळे विशेषतः सागरी अध्ययन क्षेत्रात समुद्र विज्ञान, किनारी परिसंस्था, सागरी जैवविविधता, हवामान बदलाचा किनारी भागांवरील परिणाम तसेच सागरी संसाधनांचे शाश्वत व्यवस्थापन यांसारख्या विषयांवर सखोल आणि परिणामकारक अध्ययन आणि संशोधनाला गती मिळणार आहे. भारताच्या विस्तीर्ण किनारपट्टीच्या पार्श्वभूमीवर हे सहकार्य राष्ट्रीय तसेच जागतिक स्तरावरील सागरी आव्हानांना सामोरे जाण्यासाठी उपयुक्त ठरणार आहे. स्पोर्ट्स सायन्सच्या क्षेत्रातही या कराराद्वारे आधुनिक तंत्रज्ञानाच्या साहाय्याने खेळाडूंची कार्यक्षमता वाढविणे, डेटा आधारित विश्लेषण, फिटनेस सायन्स, क्रीडा मानसशास्त्र यांसारख्या विषयांवर संयुक्त संशोधन प्रकल्प राबविण्यात येणार आहेत. यामुळे विद्यार्थ्यांना व क्रीडापटूंना जागतिक दर्जाचे प्रशिक्षण, संशोधन आणि तांत्रिक ज्ञानाचा लाभ मिळणार आहे. या सहकार्यांतर्गत सह पदवीचे शिक्षण, विद्यार्थी व प्राध्यापकांची देवाण-घेवाण तसेच आंतरराष्ट्रीय परिषदांचे आयोजन करण्यात येणार असून, दोन्ही विद्यापीठांमधील तज्ज्ञांची देवाण-घेवाण होणार आहे.

संशोधन व नवोपक्रमाला मिळणार चालना
मुंबई विद्यापीठाचा हा पुढाकार सागरी अध्ययन आणि स्पोर्ट्स सायन्स क्षेत्रांमध्ये संशोधन व नवोपक्रमाला चालना देणारा ठरणार असून, उच्च शिक्षणाच्या आंतरराष्ट्रीयीकरणाच्या दिशेने एक महत्त्वपूर्ण पाऊल असल्याचे मुंबई विद्यापीठाचे कुलगुरू प्रा. रवींद्र कुलकणी यांनी सांगितले.
तसेच नवी मुंबई येथे प्रस्तावित एज्यु-सिटीमध्ये स्थापन होणाऱ्या आंतरराष्ट्रीय विद्यापीठांसोबतही विविध प्रकारचे शैक्षणिक सहकार्य प्रस्थापित करण्यासाठी विद्यापीठ प्रयत्नशील आहे. या उपक्रमांमुळे विद्यार्थ्यांना जागतिक शिक्षण, अत्याधुनिक संशोधन दर्जाचे सुविधा आणि आंतरराष्ट्रीय स्तरावरील संधी उपलब्ध होणार असल्याचेही त्यांनी यावेळी सांगितले.

औद्योगिक विकास की अधोगतीची वाटचाल; शहरीकरणात घुसमटले पक्षी, ‘या’ दुर्मिळ प्रजाती नष्ट होण्याच्या मार्गावर

कोण कोण होते उपस्थित?
सामंजस्य कराराप्रसंगी मुंबई विद्यापीठाच्या वतीने कुलगुरू प्रा. रवींद्र कुलकर्णी, प्र. कुलगुरू प्राचार्य डॉ. अजय भामरे, कुलसचिव डॉ. प्रसाद कारंडे, संचालक नवोपक्रम, नवसंशोधन आणि साहचर्य प्रा. फारुख काझी, राष्ट्रीय आणि आंतरराष्ट्रीय साहचर्य व विद्यार्थी सहाय्य केंद्राचे समन्वयक डॉ. सुनील पाटील, सागरी अध्ययन केंद्राच्या संचालिका प्रा. वर्षा केळकर माने, क्रीडा व शारीरिक शिक्षण संचालक डॉ. मनोज रेड्डी, क्रीडा व शारीरिक शिक्षण विभाग प्रमुख डॉ. मनोहर माने आदी उपस्थित होते. तर तर युनिव्हर्सिटी युनिव्हर्सिटी ऑफ वेस्टर्न ऑस्ट्रेलियाच्या वतीने कुलगुरू प्रा. अमित चकमा, प्रा. जेनिफर होंवेल, प्र-कुलगुरू जागतिक सहभाग, प्रा. अॅनेट जॉर्ज, प्रा. सिल्वाना गॉडिएरी, नाशिद चौधरी, ब्रॉडरिक मॉनक्रीफ, प्रणव देसाई आणि हरी पद्मनाभन यांची उपस्थिती होती.

“माघार घ्या, नाहीतर सरकारी रोष सहन करा!” इंडियन मेडिकल असोसिएशन माजी अध्यक्ष व सभासदांनी तयार केलेल्या पॅनलमधील उमेदवारांना धमकी