बुधवार, 14 ऑक्टोबर 2026
RTI : पश्चिम मुंबईत दोन वर्षांत एकाही शाळेची तपासणी नाही? शिक्षण विभागाच्या कारभारावर प्रश्नचिन्ह सौजन्य : सोशल मीडिया
ग्लोबल पेरेंट्स टीचर्स असोसिएशनचे अध्यक्ष रोहित दंडवते यांनी यासंदर्भात मुख्यमंत्री देवेंद्र फडणवीस यांच्यासह संबंधित यंत्रणांकडे तक्रार दाखल केली आहे. पश्चिम मुंबईतील माध्यमिक शाळांच्या तपासणीबाबत आवश्यक माहिती उपलब्ध नसल्याचा मुद्दाही या प्रकरणात उपस्थित करण्यात आला आहे.
शाळा संहितेतील नियम आणि शासन निर्णयांनुसार शिक्षण विभागाच्या अधिकाऱ्यांनी शाळांची नियमित तपासणी करणे अपेक्षित आहे. शिक्षण निरीक्षकांनी वर्षाला 10 ते 15, तर उपनिरीक्षकांनी 25 ते 30 शाळांची तपासणी करावी, असे तक्रारदारांचे म्हणणे आहे. मात्र, संबंधित कालावधीत शाळांची तपासणी झाली नसल्याचा आरोप करण्यात आला आहे.
Accident News: ‘हेल्प… हेल्प…’च्या आर्त हाका! इम्पेरियल हाइट्सच्या आगीत दोन महिलांचा मृत्यू
शाळांच्या तपासणीदरम्यान सीसीटीव्ही यंत्रणा, स्वच्छतागृहे, शिक्षक व शिक्षकेतर कर्मचाऱ्यांची संख्या, विद्यार्थी पटसंख्या, भौतिक सुविधा आणि शाळांना मिळणाऱ्या अनुदानाच्या वापराची पडताळणी महत्त्वाची असते. तपासणी झाली नसल्यास या सुविधांच्या स्थितीबाबत प्रश्न निर्माण होतात. त्यामुळे विद्यार्थ्यांच्या सुरक्षिततेच्या दृष्टीने नियमित तपासणीची मागणी करण्यात येत आहे.
या प्रकरणी शिक्षण निरीक्षक (पश्चिम) संजय जावीर आणि संबंधित उपनिरीक्षकांवर कारवाई करावी, तसेच सात दिवसांच्या आत सर्व संबंधित शाळांची विशेष तपासणी मोहीम राबवावी, अशी मागणी तक्रारदारांनी केली आहे. आता शिक्षण विभाग या आरोपांवर काय भूमिका घेतो आणि तपासणीचे अधिकृत अभिलेख काय सांगतात, याकडे लक्ष लागले आहे.
Ans: पश्चिम मुंबईतील वांद्रे ते दहिसर परिसरातील सुमारे १८५ माध्यमिक शाळांशी संबंधित आहे.
Ans: २०२४-२५ आणि २०२५-२६ या दोन शैक्षणिक वर्षांसाठी हा आरोप करण्यात आला आहे.
Ans: संबंधित अधिकाऱ्यांवर कारवाई करून सात दिवसांत विशेष तपासणी मोहीम राबवावी, अशी मागणी करण्यात आली आहे.
