Lalbaugcha Raja Visarjan 2025: लालबागच्या राजाचा विसर्जन सोहळा अखेर संपन्न; तब्बल ३३ तासांनंतर बाप्पाला भावपूर्ण निरोप

रविवारी रात्री ८ वाजता गिरगाव चौपाटीवर दाखल झालेल्या राजाचे विसर्जन तब्बल ३३ तासांनंतर सोमवारी झाले. समुद्रातील उंच लाटा आणि तांत्रिक अडचणींमुळे हा सोहळा नियोजित वेळेत पूर्ण होऊ शकला नाही.

मुंबई: कोट्यवधी भाविकांचे श्रद्धास्थान असलेल्या लालबागच्या राजाच्या विसर्जनाला यंदा इतिहासात पहिल्यांदाच मोठा विलंब झाला. रविवारी रात्री ८ वाजता गिरगाव चौपाटीवर दाखल झालेल्या राजाचे विसर्जन तब्बल ३३ तासांनंतर सोमवारी झाले. समुद्रातील उंच लाटा आणि तांत्रिक अडचणींमुळे हा सोहळा नियोजित वेळेत पूर्ण होऊ शकला नाही. मात्र, अनेक तासांच्या अथक प्रयत्नांनंतर राजाची भव्य मूर्ती तराफ्यावर यशस्वीरित्या चढवण्यात आली आणि अखेर विसर्जन पार पडले. या सोहळ्याच्या अंतिम क्षणी अनंत अंबानी यांनी उपस्थित राहून राजाची अखेरची आरती केली.

‘गणपती बाप्पा मोरया, पुढच्या वर्षी लवकर या’ च्या जयघोषात भाविकांनी आपल्या लाडक्या बाप्पाला भावपूर्ण निरोप दिला. या विलंबामुळे निर्माण झालेली अडचण मंडळाचे कार्यकर्ते आणि पोलीस प्रशासनाच्या सहकार्याने दूर झाली.

See more

Faith, devotion & discipline — Lalbaugcha Raja visarjan completed before the moon eclipse. Unstoppable energy of the karyakartas 🙏 Miracle moments that Mumbai will always remember. Lalbaugcha Raja cha Vijay Aso! 🌺”@LalbaugchaRaja pic.twitter.com/u8IijgL3dj — Jag (@JigarGogri3) September 7, 2025

मंडळाकडून दिलगिरी व्यक्त

मंडळाचे सचिव सुधीर साळवी यांनी या परिस्थितीवर स्पष्टीकरण दिले. माध्यमांशी संवाद साधताना ते म्हणाले, “लालबागच्या राजाचे विसर्जन भरती आणि ओहोटी वर अवलंबून असते. आम्ही चौपाटीवर पोहोचण्यापूर्वीच भरती सुरू झाली होती. त्यामुळे, भरती ओसरण्याची वाट पाहणे आवश्यक होते.” सुधीर साळवी यांनी रात्री साडे दहा ते अकरा वाजता विसर्जन पूर्ण होण्याची शक्यता वर्तवली. त्यांनी पुढे सांगितले की, “लालबागचा राजा करोडो भाविकांचे श्रद्धास्थान आहे, त्यामुळे कोणतीही घाई न करता योग्य वेळेची वाट पाहणे महत्त्वाचे होते. उशिरा झालेल्या विसर्जनामुळे आम्ही सर्व भाविकांची दिलगिरी व्यक्त करतो.” या विलंबामुळे मुंबई महापालिका आणि मुंबई पोलिसांचे मोलाचे सहकार्य लाभले, त्याबद्दल साळवी यांनी त्यांचे आभार मानले. माध्यमांनी केलेल्या सहकार्याबद्दलही त्यांनी कृतज्ञता व्यक्त केली. अखेर, अथक परिश्रमांनंतर राजाचा निरोप समारंभ पूर्ण होत असल्यामुळे भाविकांना मोठा दिलासा मिळाला आहे.

हे देखील वाचा: मुंबईच्या गणेश विसर्जन सोहळ्याने परदेशी पर्यटक मंत्रमुग्ध, मुख्यमंत्री आणि उपमुख्यमंत्री यांनी केली बाप्पाची आरती..!

विसर्जन वेळेत का झाले नाही?

दरवर्षीप्रमाणे, दक्षिण मुंबईतील गिरगाव चौपाटी येथे सकाळी 8 वाजण्यापूर्वी लालबागचा राजाच्या मूर्तीचे खोल समुद्रात विसर्जन करण्याची तयारी सुरू होती. मात्र, रविवारी सकाळी आलेल्या समुद्रातील जोरदार भरतीमुळे आणि विसर्जनासाठी वापरल्या जाणाऱ्या नवीन तराफ्याच्या तांत्रिक अडचणींमुळे मूर्तीला तराफ्यावर चढवणे कठीण झाले. यामुळे, गेल्या आठ तासांपासून लालबागचा राजाची मूर्ती समुद्रातच होती.