Mumbai Pune Expressway: काय सांगता! मुंबई-पुणे एक्सप्रेसवेवर तीन दिवस टोल माफी, पण ‘हे’ पत्र ठरणार अनिवार्य

लाखो भाविकांना मोठा दिलासा मिळाला असून, मुंबई-पुणे एक्सप्रेसवेवर सलग तीन दिवस टोल माफी जाहीर करण्यात आली आहे. भिवंडी लोकसभेचे खासदार सुरेश म्हात्रे उर्फ बाळ्या मामा यांच्या पाठपुराव्यानंतर प्रशासनाने हा निर्णय घेतला आहे.

• काय सांगता!
• मुंबई-पुणे एक्सप्रेसवेवर तीन दिवस टोल माफी
• पण ‘हे’ पत्र ठरणार अनिवार्य

Mumbai Pune Expressway Toll Free News: आगरी-कोळी बांधवांची कुलदेवता असलेल्या लोणावळ्यातील कार्ला गडावरील आई एकविरा देवीचा वार्षिक यात्रोत्सव उद्यापासून मोठ्या उत्साहात साजरा होणार आहे. या यात्रेनिमित्त दर्शनासाठी जाणाऱ्या लाखो भाविकांना मोठा दिलासा मिळाला असून, मुंबई-पुणे एक्सप्रेसवेवर सलग तीन दिवस टोल माफी जाहीर करण्यात आली आहे. भिवंडी लोकसभेचे खासदार सुरेश म्हात्रे उर्फ बाळ्या मामा यांच्या पाठपुराव्यानंतर प्रशासनाने हा निर्णय घेतला आहे.

24 एप्रिलपासून यात्रोत्सवाचा प्रारंभ

यंदा एकविरा देवीची मुख्य यात्रा मंगळवार, बुधवार आणि गुरुवार अशा तीन दिवसांच्या कालावधीत संपन्न होत आहे. 24 एप्रिलपासून या उत्सवाला सुरुवात होणार असून ठाणे, मुंबई, नवी मुंबई आणि रायगड जिल्ह्यातून मोठ्या संख्येने भाविक खासगी वाहनांनी लोणावळ्याकडे रवाना होतात. या काळात टोलनाक्यांवर होणारी गर्दी आणि आर्थिक भुर्दंड टाळण्यासाठी ही विशेष सवलत देण्यात आली आहे.

See more

देवी भक्तांसाठी आनंदाची बातमी — एकविरा आईच्या यात्रेसाठी तीन दिवस टोल माफ! pic.twitter.com/P7X4os90Pl — Balya Mama – Suresh Rekha Gopinath Mhatre (@MeBalyaMama) March 22, 2026

Mumbai Pune Missing Link: मुंबई- पुणे प्रवास होणार सुसाट! मुंबई-पुणे मिसिंग लिंक १ मे रोजी होणार खुला

टोल माफीसाठी ‘हे’ पत्र ठरणार अनिवार्य

खासदार सुरेश म्हात्रे यांनी दिलेल्या माहितीनुसार, एक्सप्रेसवेवरील टोल प्रशासनाने भाविकांच्या मागणीचा सकारात्मक विचार केला आहे. मात्र, ही टोल माफी सरसकट नसून त्यासाठी खासदार सुरेश म्हात्रे यांचे अधिकृत टोल माफीचे पत्र सोबत असणे आवश्यक आहे. टोल नाक्यावर संबंधित वाहनचालकाने हे पत्र दाखवल्यानंतरच त्यांना शुल्कातून सवलत दिली जाईल.

वादाचे प्रसंग टाळण्यासाठी प्रशासकीय पाऊल

दरवर्षी यात्रेच्या काळात टोल नाक्यावर कर्मचाऱ्यांशी होणारे वादाचे प्रसंग आणि लांबच लांब रांगांमुळे भाविकांना मनस्ताप सहन करावा लागतो. भाविकांच्या भावना आणि मागणी लक्षात घेऊन खासदारांनी प्रशासनाकडे पत्रव्यवहार केला होता. “भाविकांनी वाहतूक नियमांचे तंतोतंत पालन करावे आणि सुरक्षितरीत्या प्रवास करून देवीचे दर्शन घ्यावे,” असे आवाहन खासदार सुरेश म्हात्रे यांनी केले आहे.

आगरी-कोळी बांधवांची अलोट गर्दी होणार

लोणावळ्यातील एकविरा मंदिर हे केवळ आगरी-कोळी समाजाचेच नव्हे, तर सर्वधर्मीय भाविकांचे श्रद्धास्थान आहे. यात्रेच्या तीन दिवसांत कार्ला गडावर पालखी सोहळा, भजन आणि विविध धार्मिक कार्यक्रमांचे आयोजन केले जाते. टोल माफीच्या निर्णयामुळे यंदा भाविकांच्या संख्येत मोठी वाढ होण्याची शक्यता वर्तवण्यात येत आहे.

Indian Railwayचा मोठा निर्णय! महाराष्ट्रातील गाड्यांना ‘ब्रेक’, तर उत्तर भारतासाठी विशेष गाड्यांचा पूर