Western Railway Megablock : 36 तासांचा ब्लॉग अन् 162 लोकल रद्द, मुंबईकरांनो प्रवासापूर्वी वाचा वेळापत्रक

Western Railway Megablock Update: पश्चिम रेल्वेवर आज, शनिवारी आणि उद्या, रविवारी प्रवास करताना प्रवाशांना लोकलचे वेळापत्रक पाहूनच लोकलचा प्रवास करावा लागणार आहे. कारण या मार्गावर विशेष पॉवर ब्लॉग घेण्यात येणार आहे.

By श्वेता झगडे

Updated On: May 31, 2025 | 11:20 AM

36 तासांचा ब्लॉग अन् 162 लोकल रद्द, मुंबईकरांनो प्रवासापूर्वी वाचा वेळापत्रक (फोटो सौजन्य-X)

Western Railway Megablock News In Marathi: पश्चिम रेल्वेवर आज (31 मे ) दुपारपासूनच 36 तासांचा मोठा मेगा ब्लॉक घेणार आहेत. कांदिवली यार्डमधील एलिव्हेटेड बुकिंग ऑफिस तोडण्यासाठी शनिवारी (31 मे ) ते रविवारीच्या (1 जून) पाचव्या मार्गावर आणि यार्ड मार्गावर ३६ तासांचा मोठा ब्लॉक घेण्यात येईल. पश्चिम रेल्वेचे सीपीआरओ विनीत अभिषेक म्हणाले की, ब्लॉक दरम्यान, उपनगरीय आणि मेल एक्सप्रेस जलद मार्गावर चालवल्या जातील.

CBSE च्या शाळा 9 जूनपासून होणार सुरु तर राज्य मंडळाच्या शाळा…

३० आणि ३१ मे २०२५ रोजी सुटणारी १९४१८ अहमदाबाद-बोरिवली एक्सप्रेस वसई रोडवर कमी वेळात थांबवली जाईल. त्यामुळे, वसई रोड आणि बोरिवली दरम्यान ही गाडी अंशतः रद्द केली जाईल.

तसेच पश्चिम रेल्वेने घेतलेल्या ब्लॉक कालावधीत लोकल सेवा आणि मेल, एक्स्प्रेस जलद मार्गावर वळविण्यात येणार आहेत. रविवारी मध्य रेल्वेच्या मुंबई विभागातील रेल्वे रूळ, ओव्हर हेड वायर, सिग्नल यंत्रणेची देखभाल-दुरूस्ती करण्यासाठी मेगा ब्लॉक असणार आहे. या बदलामुळे दोन दिवस मुंबईकरांना अडचणीचा सामना करावा लागणार आहे.

३१ मे आणि १ जून २०२५ रोजी सुटणारी

१९४२५ बोरिवली – नंदुरबार एक्सप्रेस भाईंदर येथून कमी वेळात सोडली जाईल. त्यामुळे, ही ट्रेन बोरिवली आणि भाईंदर दरम्यान अंशतः रद्द करण्यात येईल.

३१ मे २०२५ रोजी सुटणारी ट्रेन क्रमांक १९४२६ नंदुरबार – बोरिवली एक्सप्रेस वसई रोड येथे अल्पावधीत थांबविण्यात येईल. त्यामुळे, ही ट्रेन वसई रोड आणि बोरिवली दरम्यान अंशतः रद्द करण्यात येईल.

१ जून २०२५ रोजी सुटणारी ट्रेन क्रमांक १९४१७ बोरिवली – अहमदाबाद एक्सप्रेस वसई रोड येथून अल्पावधीत थांबविण्यात येईल. त्यामुळे, ही ट्रेन बोरिवली आणि वसई रोड दरम्यान अंशतः रद्द करण्यात येईल.