वळती : नागापुर (ता. आंबेगांव ) येथील शेतकर्याने घेतलेल्या आपल्या शेतातील केळी पहिल्यांदाच परदेशात जात आहेत.येथील शेतकरी नारायण रोहिदास वाघ, प्रविण वाघ, बाळासाहेब वाघ यांनी आपल्या शेतात केळीचे पिक घेतले आहे. यंदा परदेशात केळीला मागणी चांगली असल्या कारणाने त्यांनी केळी इराकला पाठवण्याचे ठरवले आहे. किलोला २८ रुपये प्रमाणे केळीला भाव आहे. वाघ यांनी एक एकर क्षेत्रात केळीचे पिक घेतले आहे. वाघ यांना केळी पिकाला मशागत, शेणखत, रासायनिक खते, मजुरी असा सुमारे एकरी एक लाख रुपये खर्च आलेला आहे. यावर्षी वातावरणातील बदलावामुळे पिकाला फटका बसला. परंतु नंतरच्या काळात केळीला पोषक वातावरण तयार झाल्याने केळीचे पिक जोमदार आले. एका केळीच्या घडाचे वजन २८ कीलों भरत आहे. आजच्या बाजार भावाने अंदाजे आठ लाख रुपये नफा मिळेल, अशी अपेक्षा नारायण वाघ यांनी व्यक्त केली.
.png "Videos"){kind=small}
