Nagpur : दूध ,खाद्यतेल आणि मसाल्यांमध्ये मोठी भेसळ ; ३.४० कोटींहून जास्त माल जप्त !

Nagpur : जिल्ह्यात तुमच्या ताटात येणाऱ्या दूध, खाद्यतेल आणि मसाल्यांच्या शुद्धतेवर प्रश्नचिन्ह निर्माण झाले आहे. अन्न व औषध प्रशासनाने चार महिन्यांत टाकलेल्या धाडींमधून धक्कादायक खुलासे झाले आहेत.

• २४ दुग्धजन्य पदार्थ निकृष्ट दर्जाचे
• दुग्धजन्य पदार्थांचे १७८ नमुने जप्त
• नियमित तपासणी करणे सुरू
• आकडेवारीतील भेसळीचे भीषण सत्य
• महाराष्ट्रात ‘झिरो टॉलरन्स’ मोहीम तीव्र

Nagpur : प्रशासनाच्या दक्षता आणि जागरूकतेच्या दाव्यांवर प्रश्नचिन्ह निर्माण झाले आहे. केवळ चार महिन्यांतील कारवायांमधून अन्नपदार्थांमधील मोठ्या प्रमाणावरील भेसळ उघड झाली आहे. विशेषतः सरकारी तपासणीच्या आकडेवारीतून दूध, खाद्यतेल आणि मसाल्यांमध्ये भेसळ होत असल्याचे समोर आले आहे. यामुळे नागरिकांच्या आरोग्याला गंभीर धोका निर्माण झाला आहे.

Nagpur : मनपाचा ‘तो’ निर्णय कागदावरच , सी आणि डी कचरा व्यवस्थापनाचा दावा फोल; प्रशासनाचे दुर्लक्ष !

मिळालेल्या माहितीनुसार, १ एप्रिल ते ३० जुलै दरम्यान राबवलेल्या विशेष तपासणी मोहिमेतून धक्कादायक बाबी समोर आल्या आहेत. एफडीएच्या तपासणी पथकांनी ३ कोटी ४० लाख ७९ हजार ३२८ रुपयांचे २३ हजार ७७८.४ किलोग्रॅम भेसळयुक्त आणि धोकादायक खाद्यपदार्थ जप्त केले आहेत. या कारवाईतील सर्वांत चिंताजनक बाब म्हणजे दुग्धजन्य पदार्थ आणि खाद्यतेलातील भेसळ. शुद्धतेच्या नावाखाली या पदार्थांमध्ये मोठ्या प्रमाणावर फेरफार केला जात असल्याचे तपासणीतून समोर आले आहे.

दुग्धजन्य पदार्थांचे १७८ नमुने जप्त

एफडीएच्या आकडेवारीनुसार, चार महिन्यात दुग्धजन्य पदार्थांचे एकूण १७८ नमुने घेतले. त्यापैकी २४ नमुने प्रयोगशाळेतील चाचण्यांमध्ये निकृष्ट दर्जाचे आढळले. विभागाने डेअरी आणि पुरवठादारांकडून ३,९२७, २१४ किमतीचा ४,०८५ किलोग्रॅम संशयित मावा, चीज, लोणी आणि तूप जप्त केले.

Nagpur : महिंद्रा सुसाट, जेएसडब्ल्यू ‘ भटकला ‘ ; महिंद्राला मिळणार ८०० एकर जमीन !

नियमित तपासणी करणे सुरू

एफडीए विभाग अन्न भेसळ रोखण्यासाठी सक्रियपणे काम करीत आहे. पूर्ण जोमाने नियमित तपासणी करीत आहे. आम्ही ग्राहकांना आवाहन करतो की, अन्न भेसळीचा कोणताही संशय आल्यास तत्काळ एफडीएला कळवावे, पोर्टलवर ऑनलाईन तक्रारी देखील दाखल करू शकतात, त्यांच्या तक्रारीवर त्वरित कारवाई केली जाईल.असे आवाहन कृष्णा जयपूरकर, सहआयुक्त, एफडीए नागपूर यांनी केले आहे .

आकडेवारीतील भेसळीचे भीषण सत्य

• तपासणीसाठी पाठवलेले नमुने : ७०६
• जप्त मालाचे वजन: २३,७७८.४ किलो
• जप्त मालाचे एकूण मूल्य ३४,०७९.३२८
• प्रयोगशाळा चाचणी अहवाल ३४ निकृष्ट दर्जाचे, ३५ चुकीचे लेबल लावलेले
• ३२ असुरक्षित
• प्रलंबित अहवाल : ३९४ नमुन्यांचे निकाल अद्याप प्रलंबित आहेत

महाराष्ट्रात ‘झिरो टॉलरन्स’ मोहीम तीव्र

नागपूरमधील ही कारवाई राज्यभरात सुरू असलेल्या व्यापक अन्न सुरक्षा मोहिमेचा भाग आहे. महाराष्ट्रामध्ये अन्न सुरक्षा आयुक्त तुकाराम मुंढे यांच्या निर्देशानुसार ‘सुरक्षित अन्न, निरोगी महाराष्ट्र अभियानांतर्गत भेसळ करणाऱ्यांवर कारवाई केली जात आहे. भेसळयुक्त दूध, पाम तेलात मिसळलेले खाद्यतेल आणि रसायनेयुक्त मसाल्यांचा काळाबाजार करणा-यांवर एफआयआर दाखल करणे आणि आस्थापना सील करणे यासह कठोर कारवाई केली जात आहे. काही दिवसांत धाडी आणि नमुना तपासणी अधिक तीव्र केली जाईल.