Nagpur : मनपाचा ‘तो’ निर्णय कागदावरच , सी आणि डी कचरा व्यवस्थापनाचा दावा फोल; प्रशासनाचे दुर्लक्ष !

Nagpur : पर्यावरण रक्षण आणि बांधकाम व पाडकाम कचऱ्याच्या योग्य व्यवस्थापनासाठी नागपूर महानगरपालिकेने सर्व विकासकामांमध्ये किमान १० टक्के पुनर्प्रक्रिया केलेल्या (रिसायकल) साहित्याचा वापर अनिवार्य केला होता. मात्र, परिपत्रक काढून प्रशासन हे नियम लागू करण्यात पूर्णपणे अपयशी ठरल्याचे चित्र आहे.

• या कामांमध्ये वापर केला होता अनिवार्य
• कडक अटी तरीही अंमलबजावणी शून्य
• भांडेवाडी प्लांटमधून साहित्याचा पुरवठा

Nagpur Crime : विवाहितेची पोर्तुगाल मध्ये विक्री ;आठ जणांविरुद्ध गुन्हा

Nagpur :  कंत्राटदारांकडून या नियमांचे सर्रास उल्लंघन होत आहे. मनपाचा ‘दणका’ केवळ कागदावरच मर्यादित राहिल्याचे दिसून येत आहे. ‘पर्यावरण (बांधकाम आणि पाडकाम) कचरा व्यवस्थापन नियम २०२५’ची प्रभावी अंमलबजावणी करण्यासाठी मनपाने कंत्राटदारांवर ही अट लादली होती. मात्र, प्रत्यक्ष कामांमध्ये या नियमाचे पालन होत नसल्याचे हा ढिसाळ कारभार असून याची जबाबदारी कोण पुढे येऊन घेईल असे वाटत नाही असे सूत्रांनी सांगितले.

Nagpur : महिंद्रा सुसाट, जेएसडब्ल्यू ‘ भटकला ‘ ; महिंद्राला मिळणार ८०० एकर जमीन !

या कामांमध्ये वापर केला होता अनिवार्य

मनपाच्या नवीन निविदांनुसार गार्डन पाथ-वे, पदपथ (फूटपाथ), ड्रेनेज व सीवर लाईनच्या खोदकामानंतरचे भराव कार्य, बेडिंग वर्क आणि ग्रॅन्युलर सब-बेस यासारख्या कामांमध्ये किमान १० टक्के रिसायकल साहित्य वापरणे बंधनकारक करण्यात आले होते.

कडक अटी तरीही अंमलबजावणी शून्य

नियमानुसार, कंत्राटदारांना भाडेवाडी प्लांटमधून खरेदी केलेले पावती बिल सादर केल्याशिवाय आणि संबंधित अभियंत्याने १० टक्के वापराचे प्रमाणपत्र दिल्यास अंतिम देयक दिले जाणार नव्हते. तसेच प्लांटमध्ये साहित्य उपलब्ध नसल्यास चालकाला दरमहा व्हीएनआयटीकडून चाचणी अहवाल आणि साहित्यांचे दरपत्रक मनपाकडे सादर करण्याचे निर्देश देण्यात आले होते. या सर्व कड़क अटी कागदावरच राहिल्याने नैसर्गिक संसाधनांची बचत आणि कचरा व्यवस्थापनाचा उद्देश धुळीस मिळाला आहे.

Nagpur : १३ ऑगस्टला हॉकीचे अस्तित्व संपणार ; भवितव्यावर प्रश्नचिन्ह

भांडेवाडी प्लांटमधून साहित्याचा पुरवठा

1. मनपाने मे. हैदराबाद सी अॅण्ड डी वेस्ट प्रा. लिमिटेडच्या सहकार्याने भांडेवाडी येथे १५० टन दैनंदिन क्षमतेचा प्रक्रिया केंद्र सुरू केला आहे.
2. या प्लांटमध्ये बारीक वाळू, जाड वाळू, १० मिमी, २० मिमी व ४० मिमी गिट्टी आणि चिकणी माती यांसारखे पुनर्प्रक्रियेतून तयार केलेले साहित्य उपलब्ध आहे.
3. व्हीएनआयटीकडून या साहित्याची गुणवत्ता तपासण्यात आली असून, कंत्राटदारांना येथूनच साहित्य खरेदी करणे अनिवार्य करण्यात आले होते.