फोटो सौजन्य सोशल मीडिया
सत्ताधारी सदस्यांनी ‘भारत माता की जय’च्या घोषणा दिल्या. त्यास प्रत्युत्तर म्हणून काँग्रेस, शिवसेना उद्धव ठाकरे गट, मुस्लिम लीग आणि एमआयएमच्या सदस्यांनी ‘जय संविधान’च्या घोषणा सुरू केल्या. त्यामुळे उडालेला गोंधळ लक्षात घेता महापौर निता ठाकरे यांनी सभा दहा मिनिटांसाठी तहकूब केली. सदर येथील नियोजन भवनात झालेल्या सभेत सत्ताधारी पक्षाचे ज्येष्ठ नगरसेवक बंडू राऊत यांनी झोनवाढीचा विषय उपस्थित केला. शहरात दहा झोनची रचना २००२ मध्ये केली होती.
त्यानंतर महापालिका हद्दीत अनेक गावांचा समावेश झाला असून शहराची लोकसंख्याही मोठ्या प्रमाणात वाढली आहे. वाढते क्षेत्रफळ आणि लोकसंख्या लक्षात घेता प्रशासनाच्या दृष्टीने आणखी किती झोन आवश्यक आहेत, याचा अभ्यास करून त्याबाबतचा अहवाल पुढील सभेत मांडावा, अशी मागणी राऊत यांनी केली. या मागणीला विरोधकांनी जोरदार आक्षेप घेतला. मुस्लिम लीगचे असलम खान आणि काँग्रेसचे शैलेश पांडे यांनी सध्याच्या दहा झोनमध्येच पुरेसे अधिकारी व कर्मचारी उपलब्ध नसल्याचे सांगितले.
विरोधी पक्षनेते संजय महाकाळकर यांनीही झोनवाढीवरून भाजपला लक्ष्य केले. अनेक वर्षे महापालिकेत भाजपची सत्ता असताना झोनची संख्या वाढविण्याची आवश्यकता का जाणवली नाही, असा सवाल त्यांनी केला. हा विषय सभागृहाच्या पटलावर आणू नये, अशी मागणी होताच सत्ताधारी आणि विरोधकांमध्ये शाब्दिक चकमक उडाली. यानंतर सत्ताधा-यांनी ‘भारत माता की जय च्या घोषणा दिल्या.
झोनची संख्या वाढवून काँग्रेसच्या झोन सभापतींना पदावरून हटविण्याचा राजकीय डाव असल्याचा आरोपही काँग्रेस सदस्यांनी केला. अखेर महापौर निता ठाकरे यांनी सध्या केवळ विषय चर्चेत असून त्याबाबत कोणताही औपचारिक प्रस्ताव आलेला नसल्याचे स्पष्ट केले. प्रशासनाने पुढील सभेत झोनवाढीचा सविस्तर प्रस्ताव सादर करावा.
Nagpur : दूध ,खाद्यतेल आणि मसाल्यांमध्ये मोठी भेसळ ; ३.४० कोटींहून जास्त माल जप्त !
नगरसेवक आभा पांडे यांनी प्रत्यक्षातील वस्तुस्थिती मांडली. त्यांनी सांगितले की, सध्या प्रत्येक झोन अंतर्गत ४ प्रभाग आणि १६ नगरसेवक येतात, मात्र साफसफाईसाठी गाड्या आणि कर्मचारीच उपलब्ध नाहीत. सहायक आयुक्तांकडे कचरा उचलण्यासाठी अतिरिक्त ट्रक उपलब्ध करून देण्याइतके अधिकार नाहीत.
.png "Videos"){kind=small}
