Nagpur News : पश्चिम नागपुरात DJच्या सुरांचा सवाल; यंदा DJ वाजणार की बंदी कायम?

Nagpur News : पश्चिम नागपुरात यंदा DJ वाजवण्याबाबत संभ्रम निर्माण झाला आहे. उत्सवांच्या पार्श्वभूमीवर DJला परवानगी मिळणार की बंदी कायम राहणार, याकडे नागरिक आणि मंडळांचे लक्ष लागले आहे. ध्वनिप्रदूषण, कायदा-सुव्यवस्था आणि प्रशासनाच्या नियमांमुळे DJच्या वापराबाबतचा निर्णय महत्त्वाचा ठरणार आहे.

• भाजयुमोचा डीजेमुक्त दहीहंडी उत्सव साजरा
• परंपरेची जोपासना
• डीजे लावलेल्या वाहनांचा समावेश

Nagpur News : पुण्यातील नारायण पेठेत राहणारे विद्यानंद बापट यांच्या निमित्ताने यावर्षी महाराष्ट्रात पुन्हा डीजेचा मुद्दा शिगेला पोहोचला आहे . यामुळे महाराष्ट्रात आता दोन मतप्रवाह निर्माण झाले आहेत . एक डीजेला विरोध करणारे आणि डीजेला समर्थन . तसेच काही राजकीय नेते ही आता उघडपणे एकमेकांच्या समोर समर्थन आणि विरोध ही भूमिका घेऊन उभे राहत आहेत . यासगळ्या मुळे सवंग महाराष्ट्र आता सण उत्सव आणी डीजे मध्ये ढवळून निघत आहेत .

Nagpur News : सभापतींच्या वाहनावर ‘महाराष्ट्र सरकार’चा फलक; GADची कारवाई

भाजयुमोचा डीजेमुक्त दहीहंडी उत्सव साजरा

सण उत्सवांमधील डीजेच्या वापरावरून शहरात वेगवेगळ्या भूमिका समोर येत असताना
रविवारी पश्चिम नागपुरात एकीकडे डीजेमुक्त तर दुसरीकडे डीजेसह उत्त्सवी वातावरण पाहायला मिळाले. पश्चिम नागपुरात भाजयुमोने डीजेमुक्त दहीहंडी उत्सव साजरा केला तर त्याच परिसरात विश्व हिंदू परिषदेकडून डीजेसह कृष्ण जन्माष्टमी शोभायात्रा काढली.

Nagpur News : क्रीडा क्षेत्रात मनमानी; महिला प्रशिक्षकाला हटवण्याची धमकी

परंपरेची जोपासना

पश्चिम नागपूर भाजयुमोच्यावतीने लक्ष्मीभुवन चौकात दहीहंडीचे आयोजन करण्यात आले. माजी आमदार संदीप जोशी यांच्या हस्ते ढोल-ताशांसह पारंपरिक वाद्यांचे पूजन झाल्यानंतर भजन, जॅमिंग आणि ढोल-ताशा पथकाच्या सादरीकरणाने उत्सव साजरा करण्यात आला.

‘मिर्झापूर’ फेम दिव्येंदू यांची विशेष उपस्थिती आकर्षण ठरली. अक्षय शर्मा, उदय मिश्रा, सौरभ साहू यांच्यासह कार्यकर्ते व नागरिक मोठ्या संख्येने उपस्थित होते. डीजेच्या कर्णकर्कश आवाजाऐवजी पारंपरिक वाद्यांवर भर दिल्याने नागरिकांनी उपक्रमाचे स्वागत केले.

Nagpur News : बनावट इंजिनीअरिंग प्रवेशाचा पर्दाफाश; २ प्रवेश रद्द

डीजे लावलेल्या वाहनांचा समावेश

पश्चिम नागपुरातील गिट्टीखदान येथून विश्व हिंदू परिषदेच्या वतीने कृष्ण जन्माष्टमीची शोभायात्रा काढण्यात आली. शोभायात्रेत डीजे लावलेल्या एकापेक्षा अधिक वाहनांचा समावेश होता. गौरक्षणपर्यंत निघालेल्या शोभायात्रेत विहिंपचे कार्यकर्ते दुचाकी रॅलीद्वारे सहभागी झाले.

मार्गावर डीजेवर संगीत सुरू होते. मात्र, पोलिसांचे पथक ध्वनिक्षमतेची तपासणी करणाऱ्या यंत्रांसह शोभायात्रेसोबत होते. त्यामुळे डीजेच्या आवाजावर निर्धारित नियमांनुसार नियंत्रण ठेवले. एकाच भागात एका बाजूला डीजेमुक्त दहीहंडी तर दुसरीकडे डीजेसह शोभायात्रा निघाल्याने डीजेच्या वापरावरून सुरू असलेली वेगवेगळी मते पुन्हा चर्चेत आली.