१५ हजार कोटींचा निधी आणि कमिशनचा खेळ? कुंभमेळा टेंडरमध्ये गिरीश महाजनांचा उल्लेख
समाजमाध्यमावर व्हायरल झालेल्या या ध्वनीफितीवर अद्याप सत्ताधाऱ्यांकडून कोणतीही प्रतिक्रीया आलेली नसली तरी, विरोधकांकडून यावरून आरोपाच्या फैरी झडण्याची शक्यता व्यक्त केली जात आहे. चार दिवसांपूर्वीच मंत्रालयातील नियोजन वित्त विभागाचे कक्ष अधिकारी विलास लाड याला टेंडर देण्याच्या मोबदल्यात सहा लाख रूपयांची लाच घेतांना लाचलुचपत विभागाने रंगेहाथ पकडल्यानंतर विलास लाड याचे एका ठेकेदाराशी दूरध्वनीवरून झालेले बोलणे व्हायरल झाले आहे. त्यात हा अधिकारी ‘आपण येत्या एक दोन दिवसात व्हाईट कॉलवर बोलू’ असे ठेकेदाराला सांगत आहे. ‘नाशिकच्या सिंहस्थ कुंभमेळा जानेवारी २७ साठी पंधरा हजार कोटीचे १०२४ प्रकारचे कामे मंजूर झाल्याचे सांगत आहे. त्यासाठी केंद्र व राज्य सरकारने दिलेला निधी अकौंटंटमध्ये जमा झाल्याचे म्हणत आहे.
आपल्याला पाचशे कोटीचे कामे मिळाले असून, त्यातून ३८ कोटीचे तंबू उभारण्याचे काम एका ठेकेदाराला दिले आहे. अजून ७०० तंबू उभारायचे आहेत. त्यासाठी कुंभमेळामंत्री गिरीष महाजन ते खालच्या लोकांपर्यंतचे पसेंटेज फिक्स झाले आहे. आपल्याला टेंट उभारायचे आहे. सध्या टेंट व ई-टॉयलेट, जेवण नास्त्याचे काम मिळाले आहे’ असे म्हटले आहे. सध्या हा अधिकारी लाचलूचपत प्रतिबंधक खात्याच्या ताब्यात असल्याचे समजते. त्यामुळे त्याच्या या कथित व्हायरल व्वनीफितीवर कितपत विश्वास ठेवायचा असा प्रश्नही उपस्थित होत आहे.
राज्य आणि केंद्र सरकारने नाशिकमध्ये होणाऱ्या सिंहस्थ कुंभमेळ्यासाठी १५,००० कोटी रुपयांच्या निधीला मंजुरी दिली आहे. या रकमेपैकी काही हजार कोटी रुपये आधीच मिळाले आहेत. या कथित फोन कॉलमध्ये, अटक केलेल्या आरोपी विलास लाड दावा करतो की, त्याच्या वाट्याला ५०० कोटी रुपये आले आहेत. आपण वैयक्तिकरित्या ७०० तंबू, तसेच ई-टॉयलेट्स आणि स्वच्छतेसाठी निविदा मिळवल्या असल्याचा दावाही त्याने यात केला आहे.
मुंबई – नवी मुंबई विमानतळांना जोडणार Metro, सिडकोच्या अर्थसंकल्पात मेट्रो आणि रस्ते
तसेच, मला कुंभमेळ्यातील सकाळच्या नाश्त्यासाठी आणि दुपारच्या जेवणासाठी १८ कोटी रुपयांची निविदा मिळाली आहे. कुंभमेळा ४० दिवस चालतो आणि त्यात इतका खर्च येत नाही, त्यात मला मोठं कमिशन मिळणार आहे, असाही दावा विलास लाड याने केल्याचे ऐकू येत आहे.
विलास लाडचा दावा आहे की, ‘या ऑडिओ क्लिपमधील सर्वात धक्कादायक बाब म्हणजे, कुंभमेळ्यासाठी १,०२१ प्रकारच्या कामांच्या निविदा आधीच व्यवस्थापित केल्या गेल्या आहेत. कनिष्ठ अधिकाऱ्यांपासून ते मंत्र्यांपर्यंत सर्वांसाठी कमिशनची टक्केवारी निश्चित करण्यात आली आहे. तुमच्या ओळखीचे लोक असतील तर आम्ही त्यांनाही टेंडर्स मिळवून देऊ; यात लाखो-कोटींची कमाई होण्याची शक्यता आहे.” अशा ऑफर्सही त्याने दिल्या आहेत.
