पालघरचे मच्छिमार शासनाच्या दुर्लक्षतेला पडले बळी? मृत्यूच्या आकड्यात वाढ झाल्याने सुरक्षा प्रश्न ऐरणीवर

पालघर किनारपट्टीवर मच्छिमारांच्या मृत्यूच्या संख्येत वाढ झाली आहे. बोट अपघातांमध्ये अनेक मच्छिमारांचा बळी जात असून सरकार याकडे दुर्लक्ष करत असल्याचे म्हटले जात आहे. तसेच अनेक भारतीय मच्छिमार पाकिस्तानच्या ताब्यात आहेत.

• पालघरचे मच्छिमार सरकारच्या दुर्लक्षतेला पडले बळी?
• मृत्यूच्या आकड्यात वाढ झाल्याने सुरक्षा प्रश्न ऐरणीवर
• शेकडो मच्छिमार पाकिस्तानच्या ताब्यात

पालघर (वा.) पालघर जिल्ह्याचा : विस्तीर्ण समुद्रकिनारा आणि समृद्ध मत्स्यसंपदा ही जिल्ह्याची ओळख असली तरी २०१० पासून आजपर्यंत येथील समुद्रात घडलेल्या बोटींच्या अपघातांनी मच्छिमार समाजावर मोठे संकट ओढवले आहे. वादळी हवामान, तांत्रिक बिघाड, जुनाट नौका, तसेच आंतरराष्ट्रीय समुद्रसीमेबाबत असलेली अपुरी माहितीमुळे २१७ मच्छिमार पाकिस्तानच्या कैदेत आहेत. त्यापैकी २२ मच्छिमार २०२५ च्या बॅकलिस्टनुसार सोडले गेले असले १९४ मच्छिमार मरण यातना भोगत आहेत. गेले एक दशकात २६ भारतीय मच्छिमारांचा पाकिस्तानच्या तुरुंगात मृत्यू झाला आहे. मृत्यूंची नेमकी संख्या वेगवेगळ्या अहवालांमध्ये बदलते, मात्र दरवर्षी अशा घटना घडत असल्याचे वास्तव नाकारता येत नाही. २०२५ मध्ये पालघर जिल्ह्याचे ८ मच्छिमार पाकिस्तानने ताब्यात घेतले आहेत, ज्यामध्ये खलाशी जखमी झाला होता.

वसई किल्ल्यावर चित्रीकरणाच्या नावाखाली हुल्लडबाजी; पुरातन वास्तूंचे नुकसान झाल्याने इतिहासप्रेमी नाराज

पालघर किनारपट्टीवर ३० पेक्षा जास्त बोट अपघात

२०१० नंतर पालघर किनारपट्टीवर किमान ३० पेक्षा जास्त मोठे बोटी अपघात घडले आहेत. या अपघातांमध्ये किमान ४० हून अधिक मच्छिमारांचा मृत्यू, तर अनेकजण आजही बेपत्ता असल्याचे चित्र आहे. मार्च २०२५ मध्ये झाई गावाजवळ बोट उलटून चार मच्छिमारांचा दुर्दैवी मृत्यू झाला. याआधीही डहाणू, वसई आणि सफाळे किनारपट्टीवर अशा अनेक घटना घडल्या असून काही प्रकरणांत मृतदेहही सापडले नाहीत.

भारत-पाक समुद्रसीमेजवळ शेकडो मच्छीमार पकडले गेले

पालघर आणि लगतच्या किनारपट्टीवरील काही मच्छिमार चुकून आंतरराष्ट्रीय समुद्रसीमा ओलांडल्याने पाकिस्तानच्या ताब्यात गेल्याच्या घटनाही समोर आल्या आहेत. अशा प्रकरणांमध्ये मच्छिमारांना महिनोन्महिने पाकिस्तानच्या तुरुंगात राहावे लागते. त्यांच्या सुटकेसाठी कुटुंबीयांना आर्थिक व मानसिक त्रास सहन करावा लागतो. अनेक वेळा राजनैतिक पातळीवर हस्तक्षेप झाल्यानंतरच या मच्छिमारांची मुक्तता होते.

स्थानिक संघटनेच्या अहवालानुसार गेल्या दशकात भारत-पाकिस्तान समुद्रसीमाजवळून मासेमारी करणारे शेकडो मच्छिमार पकडले गेले आहेत, ज्यात अनेक जण अजूनही कैदेत आहेत आणि काहींचा मृत्यू देखील झाला आहे. पाकिस्तानच्या जेलमध्ये १९४ भारतीय मच्छिमार असून त्यामध्ये पालघरचे १८ मच्छिमार आहेत. मिळालेल्या माहितीनुसार, २०२५ मध्ये पालघर जिल्ह्याच्या ८ मच्छिमारांना पाकिस्तानने ताब्यात घेतले आहे. तर सध्या २६ भारतीय मच्छिमार पाकिस्तानच्या तुरुंगात आहेत. महाराष्ट्रातील मच्छिमार समाजाचे नेते, रामकृष्ण तांहेल यांनी म्हटले की, आंतरराष्ट्रीय समुद्र सीमेबाबत मच्छिमारांना ज्ञान नसल्याने अशा घटना वारंवार घडत आहेत. यासाठी भारत सरकारने आवश्यक उपाययोजना आखणे आवश्यक आहे.

तब्बल ४६२ गर्भवतींचा मृत्यू…! पालघरमध्ये गर्भवतींच्या मृत्यूत वाढ; आरोग्य यंत्रणेवर प्रश्नचिन्ह