MSEDCL Scam : वादग्रस्त जागा महावितरणच्या गळ्यात! बिल्डरांवर गुन्हा; नैसर्गिक नाल्यावर अतिक्रमण करुन फसवणूक

MSEDCL Scam : पालघर जिल्ह्यातील वसई येथील पोमण येथे महावितरणची फसवणूक केल्याचा एक धक्कादायक प्रकार उघडकीस आला आहे. मेसर्स रॉयल इंडस्ट्रियल हबच्या बिल्डरांनी नैसर्गिक पाण्याच्या नाल्यावर अतिक्रमण करून बनावट मोजणी नकाशाच्या आधारे ४ कोटी ८१ लाख रुपयांची जमीन महावितरणला भाडेपट्ट्याने दिली.

• वादग्रस्त जागा महावितरणच्या गळ्यात!
• बिल्डरांवर गुन्हा
• नैसर्गिक नाल्यावर अतिक्रमण करुन फसवणूक

MSEDCL Scam : महावितरणच्या डोळ्यात धूळ फेकत नैसर्गिक पाण्याच्या नाल्यावर अतिक्रमण करून तीच वादग्रस्त जागा महावितरणच्या गळ्यात मारण्याचा आणि शासनाला तब्बल ४ कोटी ८१ लाख रुपयांचा गंडा घालण्याचा धक्कादायक प्रकार उघडकीस आला आहे. मेसर्स रॉयल इंडस्ट्रियल हबचे भागीदार पदमशी कल्याणजी गजरा आणि हरेश रामजी भानुशाली यांनी बनावट खासगी मोजणी नकाशाच्या आधारे महावितरण कंपनीची ही महाफसवणूक केली आहे. याप्रकरणी महावितरणच्या फिर्यादीवरून नायगाव पोलिस ठाण्यात दोघांविरुद्ध गंभीर गुन्हे दाखल करण्यात आले आहेत. ( MSEDCL Scam ) 

Mira Bhayander School Shoes Scam : 160 रुपयांचा बूट 500 रुपयांना; महापालिका शाळांतील सहित्यांत गैरव्यवहार, खळबळजनक माहिती समोर

अधिकृत नोंदीमधून महाघोटाळ्याचा पर्दाफाश

पोमण (ता. वसई) येथील सव्हें क्र. १२६/१/१ मधील एकूण १८५८ चौरस मीटर जागा मे. रॉयल इंडस्ट्रियल डब कंपनीने सन २०१५ मध्ये महावितरणला नवीन वीज वितरण उपकेंद्र उभारणीसाठी भाडेपट्ट्याने दिली होती. या जागेवर महावितरणने ४ कोटी ८१ लाख ४१ हजार ३४० रुपये खर्च करून २० मेगावॅट (२२/२२ केव्ही) क्षमतेचे वीज उपकेंद्र (स्विचिग स्टेशन) उभारले. तर माहिती फलकानुसार संपूर्ण प्रकल्पाचा खर्च ८ कोटी ३५ लाख रुपये नमूद आहे. मात्र, माहिती अधिकार कार्यकर्ते चंदू विजय पाटील यांनी सह दुय्यम निबंधक कार्यालय आणि उपअधीक्षक भूमी अभिलेख कार्यालयाकडून अधिकृत नौदी मिळवल्या असता महाघोटाळ्याचा पर्दाफाश झाला.

तत्कालीन अधिकाऱ्यांचा सहभाग असण्याची शक्यता

अपर जिल्हाधिकारी दत्तात्रेय कवितके यांनी याप्रकरणी कडक कारवाईचे निर्देश दिल्यानंतर महावितरणचे कार्यकारी अभियंता प्रवीण उद्धवराव सुटे यांनी नायगाव पोलिस ठाण्यात अधिकृत फिर्याद दिली. पोलिसांनी पदमशी कल्याणजी गजरा (वय ६०) आणि हरेश रामजी भानुशाली (वय ५०, दोघे रा. पोमण) यांच्याविरुद्ध गुन्हा गुन्हा नोंदवला आहे. वरिष्ठ पोलीस निरीक्षक संजय हजारे यांच्या मार्गदर्शनाखाली पोलिस उपनिरीक्षक रणजित नलवडे पुढील तपास करत असून, विकासकांवर आता अटकेची टांगती तलवार आहे. याप्रकरणात महावितरणच्या तत्कालीन अधिकाऱ्यांचा सहभाग असण्याची शक्यता आहे.

शासकीय मोजणीत गैरव्यवहार चव्हाट्यावर

भूमी अभिलेख विभागामार्फत झालेल्या अधिकृत शासकीय मोजणीत धक्कादायक वास्तव समोर आले. महावितरणला दिलेल्या एकूण जागेपैकी तब्चल ६२४.४८ चौरस मीटर क्षेत्र नैसर्गिक पाण्याचा नाला असल्याचे स्पष्ट झाले. पदमशी गजरा आणि हरेश भानुशाली यांनी या नाल्यावरील अतिक्रमण स्वतःच्या मालकीचे असल्याचे भासवले. त्यांनी जागेचा खोटा खासगी मोजणी नकाशा तयार करून ती महावितरण कंपनीला भाडेपट्ट्याने दिली. स्वतःच्या आर्थिक फायद्यासाठी शासनाचे कोट्यवधी रुपयांचे नुकसान केल्याचे कोकण विभागीय आयुक्तांकडे सादर झालेल्या चौकशी अहवालातही सिद्ध झाले.

Mumbai Air Pollution : दिल्ली मागे पडली, मुंबईत श्वास घेणंही कठीण! प्रदूषणाची पातळी वाढल्याने वाहतूक पोलिसांचे आरोग्य धोक्यात