Mumbai Air Pollution : दिल्ली मागे पडली, मुंबईत श्वास घेणंही कठीण! प्रदूषणाची पातळी वाढल्याने वाहतूक पोलिसांचे आरोग्य धोक्यात

Mumbai Air Pollution Traffic Police : मुंबईतील वाढत्या वायू प्रदूषणामुळे जनजीवन विस्कळीत झाले असून, याचा सर्वात भीषण फटका दिवसाचे ८ ते १० तास रस्त्यावर उभे राहून वाहतूक नियंत्रण करणाऱ्या वाहतूक पोलिसांना बसत आहे.

• दिल्ली मागे पडली, मुंबईत श्वास घेणंही कठीण!
• प्रदूषणाची पातळी वाढल्याने वाहतूक पोलिसांचे आरोग्य धोक्यात
• सर्दी, खोकला आणि दम्याचा त्रास वाढला

Mumbai Air Pollution Traffic Police : मुंबईला प्रदूषणाचा विळखा बसत असून याचा सर्वाधिक फटका दिवसाचे आठ ते दहा तास रस्त्यावर उभे राहून वाहतूक नियंत्रण करणाऱ्या वाहतूक पोलिसांना बसला आहे. मुंबईत थेट रस्त्यावर उतरून वाहतूक नियंत्रित करणाऱ्या बहुतांश पोलिसांना काही ना काही श्वसनविकार जडल्याचे दिसून येत आहे. यात केवळ धूळ, रखरखते ऊनच नव्हे, तर लाखो गाड्यांतून निघणाऱ्या कार्बन डाय ऑक्साइडशी त्यांचा सामना रोज होत असतो. शिवाय एमआयडीसी परिसरात आणि ज्या ज्या ठिकाणी प्रकल्प सुरू आहेत, अशा ठिकाणच्या वाहतूक पोलिसांची अवस्था खराब होत आहे. ( Mumbai Air Pollution Traffic Police ) 

Schools Digital Classrooms : नालासोपाऱ्यात शिक्षणाचा डिजिटल ‘स्मार्ट’ वर्ग! 41 जिल्हा परिषद शाळांचा चेहरामोहरा बदलणार

मुंबई प्रदूषणाच्या विळख्यात

ऑक्टोबर महिनाअखेर मुंबईने देशातील सर्वाधिक प्रदूषित शहरांपैकी असणाऱ्या दिल्लीला मागे टाकले होते. महिना बदलला तरी परिस्थितीत फरक पडलेला नाही. उलट दिवसा कडक ऊन आणि रात्री काही प्रमाणात गारवा अशी स्थिती गेल्या काही दिवसांपासून सुरू झाल्याने त्याचा परिणाम रहिवाशांवर होत आहे. यात ‘वाहतूक पोलिस’ हा घटक सर्वाधिक बाधित होत आहे. या समस्येबाबत दै. ‘नवराष्ट्र’ ने शहरात विविध ठिकाणच्या वाहतूक पोलिसांना बोलते केले असता सर्दी, पडसे, खोकला सामान्य झालेच आहेत, मात्र छातीत दुखणे, नाक-घसा खवखवणे, अनेक दिवस न थांबणारा खोकला याने बेहाल झाल्याचे काही वाहतूक पोलिसांनी सांगितले. सर्व प्रसिद्धी माध्यमांतून मुंबईतील खराब हवेबाबत बातम्या येत आहेत, समाजमाध्यमातून तज्ज्ञांनी दिलेले इशारे, लेख येत आहेत.

ऑक्टोबर महिन्यात वायू प्रदूषण धोक्याच्या पातळीवर?

यंदा ऑक्टोबरमध्ये मुंबईतील वायू प्रदूषणाने धोक्याची पातळी ओलांडली आहे. ऑक्टोबर महिन्यातील बहुतांश दिवशी मुंबईने प्रदूषणाच्या बाबतीत दिल्लीलाही मागे टाकले होते. जागतिक स्तरावर ‘आयक्यू एअर’च्या अहवालानुसार, मुंबई जगातील तिसरे सर्वात प्रदूषित शहर ठरले होते, जिथे हवेचा गुणवता निर्देशांक (AQI) १६६ ते २०० च्या दरम्यान नोंदवला गेला.

३ हजारांहून अधिक वाहतूक पोलिस बजावत आहेत कर्तव्य

मुंबई आणि उपनगरे मिळून १०२ बिटचौकी असून ३ हजारपेक्षा अधिक वाहतूक पोलिस कर्तव्य बजावतात, हेच वाहतूक पोलिस शहरातील रोज २७ लाख वाहनांचे वाहतूक नियंत्रण करतात. सूत्रांनी दिलेल्या माहितीनुसार शहरात १२९ ठिकाणी प्रदूषण हॉट स्पॉट असून ३० पेक्षा अधिक ठिकाणी शासनाचेच विविध प्रकल्प सुरू आहेत. ज्यामुळे धूळ प्रदूषणात प्रचंड वाढ होत आहे.

Agricultural News: शेतकऱ्यांची फसवणूक थांबणार!; विनापरवाना शेतमाल खरेदी-विक्री केल्यास थेट फौजदारी कारवाई