रविवार, 8 नोव्हेंबर 2026
वाहने अस्ताव्यस्त उभी करून वाहतुकीचा अडथळा ( सौजन्य - Chatgpt )
वसई-विरार महापालिकेचे विरोधी पक्षनेते मनोज पाटील यांनी पोलिस आणि महापालिका प्रशासनाकडे सातत्याने केलेल्या पाठपुराव्यामुळे ही कारवाई करण्यात आली आहे. नालासोपारा पश्चिमेतील गजबजलेला फोर्थ रोड, श्रीप्रस्थ म्हाडा परिसर, सोपारा स्टेशन रोडवर अनेक गॅरेजचालकांनी रस्त्यावरच वाहने उभी करून दुरुस्तीची दुकाने थाटली होती. याप्रकरणी पोलिसांनी चार गुन्हे नोंदवले आहेत.
यामध्ये श्रीप्रस्थ म्हाडा रोडवरील ‘हुरेन गॅरेज’चे चालक-मालक रुहान हनिफ मेमन, ‘विवेक ऑटो पार्ट्स’चे चालक मालक सचिन दीपक नाईक आणि सोपारा स्टेशन रोडवरील ‘ब्रिटो गॅरेज’चे चालक-मालक इरफान मोहम्मद मुसा अन्सारी यांच्यासह एका संबंधित व्यक्तीचा समावेश आहे. पोलिसांनी गुन्हे नोंदवून कारवाईची सुरुवात केली असली, तरी केवळ एफआयआर नोंदवून रस्ते मोकळे होणार नाहीत, अशी भूमिका विरोधी पक्षनेते मनोज पाटील यांनी घेतली आहे.
या परिसरातील गॅरेजचालकांनी पदपथ आणि रस्ते व्यापल्याने स्थानिक नागरिक हैराण झाले होते. रस्त्यांवरच वाहने उभी राहिल्याने आधीच अरुंद रस्त्यांवर दररोज वाहतूक कोंडी होत होती. अनेक ठिकाणी रस्त्यांच्या कडेला थेट शेड उभारून अतिक्रमण करण्यात आल्याने पादचाऱ्यांना जीव मुठीत धरून वाहनांच्या गर्दीतून चालावे लागत होते. यामुळे अपघातांचा धोका वाढल्याने नागरिकांनी तीव्र संताप व्यक्त केला होता.
Ans: सार्वजनिक रस्त्यांवर आणि पदपथांवर अतिक्रमण करून वाहने अस्ताव्यस्त उभी करणाऱ्या चार गॅरेजचालकांविरुद्ध नालासोपारा पोलिसांनी स्वतंत्र गुन्हे दाखल केले आहेत.
Ans: यात 'हुरेन गॅरेज'चे मालक रुहान हनिफ मेमन, 'विवेक ऑटो पार्ट्स'चे मालक सचिन दीपक नाईक, 'ब्रिटो गॅरेज'चे मालक इरफान मोहम्मद मुसा अन्सारी यांच्यासह एका संबंधित व्यक्तीचा समावेश आहे.
Ans: फोर्थ रोड, श्रीप्रस्थ म्हाडा परिसर आणि सोपारा स्टेशन रोडवर ही कारवाई झाली असून, वसई-विरार महापालिकेचे विरोधी पक्षनेते मनोज पाटील यांनी केलेल्या सातत्यपूर्ण पाठपुराव्यामुळे पोलीस व प्रशासन खडबडून जागे झाले.
