रविवार, 8 नोव्हेंबर 2026
शेअर बाजारावर लक्ष्मीची कृपा! ( सौजन्य - सोशल मीडिया )
शुक्रवारी, सेन्सेक्स १७३१ अंकांनी वाढून १४२३६४ वर बंद झाला. निफ्टी ५० मध्येही मोठी वाढ दिसून आली आणि तो ४९३.७५ अंकांच्या वाढीसह २५,०३०.३५ वर बंद झाला होता. मात्र रविवारी दिवाळीच्या मुहुर्तावर ट्रेडिंगनिमित्त लक्ष्मीजी प्रसन्न झाल्याचं दिसून आलं. या काळात टाटा स्टील, सन फार्मा, अदानी पोर्ट्स, एचडीएफसी बँक इत्यादींच्या शेअर्समध्ये वाढ झाली.
मुहूर्त ट्रेडिंग दरम्यान झालेल्या व्यवहारांची सेटलमेंट एक्सचेंजच्या नियमांनुसार केली जाईल. एनएसई क्लिअरिंगच्या २१ ऑक्टोबरच्या परिपत्रकानुसार, ८ नोव्हेंबर रोजी शेअर बाजारात झालेल्या व्यवहारांची सेटलमेंट सोमवार, ९ नोव्हेंबर रोजी केली जाईल.पे-इनची वेळ सायंकाळी ४:३० आणि पे-आउटची वेळ रात्री ९ वाजता निश्चित करण्यात आली आहे. याचा अर्थ असा की, गुंतवणूकदारांच्या व्यवहारांशी संबंधित रक्कम आणि शेअर्सची सेटलमेंट टी+१ सेटलमेंट नियमानुसार केली जाणार आहे.
मुहूर्त ट्रेडिंग हे दिवाळीच्या दिवशी शेअर बाजारात आयोजित केले जाणारे एक विशेष ट्रेडिंग सत्र आहे. हे सत्र दरवर्षी लक्ष्मी पूजेच्या निमित्ताने आयोजित केले जाते. हा दिवस हिंदू पंचांगातील नवीन संवत वर्षाची सुरुवात देखील दर्शवतो. भारतीय गुंतवणूकदार मुहूर्त ट्रेडिंगला शुभ मानतात. अनेक लोक परंपरेनुसार या दिवशी नवीन गुंतवणूक सुरू करतात आणि शेअर्स खरेदी करतात. पण, हे एका सामान्य ट्रेडिंग सत्रासारखेच आहे आणि यातील गुंतवणूक बाजारातील जोखमीच्या अधीनच असते.
दिवाळीच्या अगदी आधी भारतीय शेअर बाजारात विक्रमी तेजी नोंदवली गेली. सेन्सेक्स आणि निफ्टी दोन्ही सलग सात ट्रेडिंग दिवसांपासून वाढीसह बंद झाले. या कालावधीत, सेन्सेक्सने १०.६% (७,७८२ अंकांची) नेत्रदीपक उसळी घेतली, जी गेल्या ३५ वर्षांतील सर्वात मोठी दिवाळीपूर्व तेजी मानली जाते. निफ्टीमध्येही १०.२७% ची वाढ झाली. शेअर बाजारातील या प्रचंड तेजीमुळे गुंतवणूकदारांच्या संपत्तीत अंदाजे २९.५७ लाख कोटी रुपयांची भर पडली आहे.
Ans: हिंदू कॅलेंडरनुसार नवीन संवत वर्षाची सुरुवात म्हणून या विशेष सत्रात शेअर बाजारात व्यवहार करणे अत्यंत शुभ मानले जाते, ज्याला 'लक्ष्मीपूजन ट्रेडिंग' किंवा मुहूर्त ट्रेडिंग म्हणतात.
Ans: टाटा स्टील, सन फार्मा, आयसीआयसीआय बँक, महिंद्रा अँड महिंद्रा आणि रिलायन्स यांसारख्या आघाडीच्या कंपन्यांच्या शेअर्समध्ये चांगली वाढ नोंदवली गेली
Ans: दिवाळीच्या दिवशी राष्ट्रीय व मुंबई शेअर बाजाराद्वारे संध्याकळी एका तासासाठी हे विशेष ट्रेडिंग सत्र आयोजित
