…अन्यथा धान्य बंद होणार! e-KYC साठी अखेरची संधी; जिल्ह्यात 3.59 लाख Ration Card धारक अजूनही प्रलंबित

Palghar Ration Card e-KYC Update : सार्वजनिक वितरण प्रणालीत पारदर्शकता आणण्यासाठी राबवल्या जाणाऱ्या रेशनकार्ड e-KYC मोहीम पूर्ण करण्यासाठी ३० सप्टेंबर ही अंतिम मुदत देण्यात आली आहे. पालघर जिल्ह्यात अद्याप ३ लाख ५९ हजार हून अधिक कार्डधारकांची केवायसी प्रलंबित असून मुदतीत पडताळणी न केल्यास मासिक धान्यपुरवठा खंडित केला

• ई-केवायसीसाठी अखेरची संधी
• जिल्ह्यात ३.५९ लाख शिधापत्रिकाधारक अजूनही प्रलंबित
• ३० सप्टेंबर देण्यात आली अंतिम तारीख

Palghar Ration Card e-KYC Update : सार्वजनिक वितरण प्रणालीत पारदर्शकता आणण्यासाठी आणि बोगस लाभाथ्यर्थ्यांना चाप लावण्यासाठी सुरू करण्यात आलेली ई-केवायसी मोहीम आता अंतिम टप्प्यात पोहोचली आहे. पालघर जिल्ह्यात तब्बल ८० टक्के काम पूर्ण झाले असले तरी, अद्याप साडेतीन लाखांहून अधिक लाभार्थ्यांनी आपली पडताळणी पूर्ण केलेली नाही. ३० सप्टेंबर ही यासाठीची अंतिम मुदत असून, या मुदतीत नोंदणी न करणाऱ्या नागरिकांचा मासिक धान्यपुरवठा खंडित केला जाऊ शकतो, असा इशारा पुरवठा विभागाकडून देण्यात आला आहे. ( Palghar Ration Card e-KYC Update ) 

Palghar News: शेतात गवत कापताना विषारी सापाचा दंश; मोखाड्यात 108 रुग्णवाहिका ठरली आदिवासी महिलेसाठी जीवनदायिनी

जिल्ह्यात मार्च २०२५ च्या नोंदीनुसार ९ लाखांहून अधिक कार्डधारकांची पडताळणी शिल्लक होती. पुरवठा विभागाच्या सातत्यपूर्ण पाठपुराव्यामुळे एकूण १७ लाख ९५ हजार ७२९ उद्दिष्टांपैकी १४ लाख ३६ हजार ६०८ नागरिकांची ई-केवायसी यशस्वीरीत्या पूर्ण झाली आहे. उर्वरित ३ लाख ५९ हजार १२१ लाभाथ्यर्थ्यांना शेवटची संधी उपलब्ध करून देण्यासाठी सर्व रास्त भाव धान्य दुकानांवर याद्या प्रसिद्ध करण्यात आल्या आहेत. वसई तालुक्यात सर्वाधिक १ लाख ३ हजार ६४३ शिधापत्रिका धारकांनी अद्याप केवायसी पूर्ण केलेली नाही. तर मोखाडा तालुक्यातील फक्त १८ हजार ८५१ शिधापत्रिकाधारकांची केवायसी प्रलंबित आहे.

पडताळणीसाठी सुलभ पर्याय

रास्त भाव दुकानांवर थेट सुविधाः लाभार्थी आपल्या नजीकच्या रेशन दुकानात ओळख पुराव्यासह जाऊन ई-पॉस (e-POS) यंत्रावर बायोमेट्रिक (अंगठ्याचा ठसा) प्रमाणीकरण करून घेऊ शकतात. – मोबाइल इच्छिणारे नागरिक गुगल प्ले स्टोअरवरून MERA अॅपद्वारे घरबसल्या सोयः तंत्रज्ञानाचा वापर करू e-KYC किंवा Face eKYC हे अधिकृत अॅप डाऊनलोड करून स्वतःचा चेहरा स्कॅन करून थेट ई-केवायसी पूर्ण करू शकतात.

घरबसल्या अॅपवरून करता येणार केवायसी

शिधापत्रिकाधारकांनी संबंधित रेशन दुकानावर जाऊन केवायसी करायची आहे. किंवा घरबसल्या अधिकृत अॅपवरून केवायसी करता येणार आहे, अशी माहिती प्रशासनाने दिली.

पालघरचे प्रभारी जिल्हा पुरवठा अधिकारी सीमा महल्ले थेट म्हणाल्या की,  “शासनाच्या  नियमानुसार रेशन वाटप प्रणालीतील पारदर्शकतेसाठी ही पडताळणी बंधनकारक आहे. अंतिम मुदत संपण्यास अवघे काही दिवस शिल्लक असल्याने ३० सप्टेंबरपूर्वी प्रत्येक लाभार्थ्याने आपली ई-केवायसी पूर्ण करावी, जेणेकरून भविष्यातील नियमित धान्यपुरवठा अखंडित राहील.”

तालुकानिहाय प्रलंबित

घरबसल्या अॅपवरून करता येणार केवायसी

शिधापत्रिकाधारकांनी संबंधित रेशन दुकानावर जाऊन केवायसी करायची आहे. किंवा घरबसल्या अधिकृत अॅपवरून केवायसी करता येणार आहे, अशी माहिती प्रशासनाने दिली.

Palghar Drought Relief Controversy : पालघरला सरकारने दुष्काळातून का वगळले? आदिवासी शेतकरी मदतीपासून वंचित