Vadhvan Port च्या कामांना गती! केंद्रीय सचिवांनी केली प्रत्यक्ष पाहणी; आढावा बैठकीत दिले ‘हे’ निर्देश

Vadhvan Port Development : पालघर जिल्ह्यातील बहुचर्चित वाढवण ग्रीनफिल्ड डीप ड्राफ्ट प्रमुख बंदर प्रकल्पाच्या विकासकामांचा वेग वाढवण्याची तयारी सुरु आहे. त्यासाठी केंद्रीय पातळीवरून थेट हालचाली सुरू झाल्या आहेत. केंद्रीय बंदरे, जहाज वाहतूक व जलमार्ग मंत्रालयाचे सचिव विजय कुमार यांनी वाढवण प्रकल्पाला प्रत्यक्ष भेट देत पाहणी केली.

• वाढवण बंदराच्या कामांना गती
• केंद्रीय जहाज वाहतूक सचिवांकडून पाहणी
• वेग वाढवण्यासाठी केंद्रीय पातळीवरून हालचाली

Vadhvan Port Development : पालघर जिल्ह्यातील बहुचर्चित आणि महत्त्वाकांक्षी वाढवण ग्रीनफिल्ड डीप ड्राफ्ट प्रमुख बंदराच्या विकासकामांचा वेग वाढवण्यासाठी केंद्रीय पात‌ळीवरून थेट हालचाली सुरू भारत सरकारच्या बंदरे, जहाज वाहतूक व जलमार्ग मंत्रालयाचे सचिव विजय कुमार यांनी वाढवण प्रकल्पाला प्रत्यक्ष भेट देऊन मैदानावर सुरू असलेल्या विविध कामांची सविस्तर पाहणी केली आणि विकासकामांच्या सद्यस्थितीचा प्रत्यक्ष आढावा घेतला. वाढवण पोर्ट प्रोजेक्ट लिमिटेड मार्फत आकारास येत असलेल्या या बंदराच्या प्राथमिक कामांनी आता वेग घेतला आहे. ( Vadhvan Port Development ) 

…अन्यथा धान्य बंद होणार! e-KYC साठी अखेरची संधी; जिल्ह्यात 3.59 लाख Ration Card धारक अजूनही प्रलंबित

केंद्रीय सचिवांनी भेटीदरम्यान किनाऱ्यालगतच्या समुद्रातील भरावाचे काम, समुद्राच्या लाटा रोखण्यासाठी आवश्यक असणाऱ्या ब्रेकवॉटरची उभारणी, बंदराला जोडणारे बाह्य दळणवळणाचे महामार्ग व रेल्वे जाळे, भूसंपादन प्रक्रिया आणि वीज-पाण्यासारख्या पायाभूत उपयुक्तता सेवांच्या प्रगतीची बारकाईने तपासणी केली.

प्रकल्पाचे प्रत्येक काम पूर्वयोजनेनुसार

व्हीपीपीएलचे अध्यक्ष व व्यवस्थापकीय संचालक गौरव दयाल म्हणाले,  “केंद्रीय सचिवांच्या या महत्वपूर्ण दौऱ्यामुळे आणि त्यांनी घेतलेल्या सविस्तर आढाव्यामुळे वाढवण प्रकल्पाच्या कामाना निश्चितच नवी गती मिळेल. प्रकल्पाचे प्रत्येक काम पूर्वयोजनेनुसार वेळेत पूर्ण करण्यासाठी आम्ही कटिबद्ध आहोत, प्रत्येक टप्प्यावर उच्च दर्जाचे तांत्रिक निकष, पर्यावरणीय शाश्वतता आणि कार्यान्वयनाची सज्जता यांना सर्वोच्च प्राधान्य दिले जात आहे”.

कामांची रूपरेषा तांत्रिक पथकाने केली सादर

आगामी टप्प्यांमध्ये नियोजित असलेल्या कामांची रूपरेषा व्हीपीपीएलच्या तांत्रिक पथकाने त्यांच्यासमोर सादर केली. प्रकल्पाची अंमलबजावणी निर्धारित कालमर्यादेत पूर्ण करण्यासाठी सर्व संबंधित शासकीय यंत्रणा, स्थानिक प्रशासन आणि भागधारकांमध्ये घनिष्ठ समन्वय असणे अत्यावश्यक असल्याचे विजय कुमार यांनी स्पष्ट केले. प्रकल्पाची इतर पूरक कामे एकाच वेळी समांतरपणे पुढे नेण्याचे निर्देश त्यांनी दिले.

पूर्वतयारीची केली खातरजमा

बांधकामाच्या व्यापक टप्प्याला सुरुवात करण्यापूर्वी कोणतीही तांत्रिक किंवा प्रशासकीय अडचण उरता कामा नये, यादृष्टीने सुरू असलेल्या पूर्वतयारीचीही त्यांनी खातरजमा केली. या दौऱ्यादरम्यान त्यांनी विविध भागधारकांशी थेट संवाद साधून त्यांचे पाहणी दौऱ्यावेळी जवाहरलाल नेहरू पोर्ट प्राधिकरणाचे अध्यक्ष तथा व्हीपीपीएलचे अध्यक्ष व व्यवस्थापकीय संचालक गौरव दयाल, पालघर जिल्ह्याच्या जिल्हाधिकारी डॉ. इंदुराणी जाखड, पोलीस अधीक्षक यतीश देशमुख, व्हीपीपीएलचे मुख्य कार्यकारी अधिकारी रविश कुमार सिंह यांच्यासह विविध यंत्रणांचे वरिष्ठ अधिकारी उपस्थित होते.

Vasai Virar Scam : 25 वर्षे सेवा करणारे बाजूला अन् कंत्राटी अधिकारी थेट वरिष्ठ पदावर! पालिकेच्या निर्णयाने कर्मचारी आक्रमक