फलटण बाजार समितीचा महाराष्ट्रात डंका! ग्रामीण परिवर्तन प्रकल्प राज्यात १९ वा ;  विभागात प्रथम क्रमांक

फलटण : महाराष्ट्र शासन पणन संचलनालय, महाराष्ट्र राज्य पुणे यांच्याकडून बाळासाहेब ठाकरे, कृषि व्यवसाय व ग्रामीण परिवर्तन प्रकल्पांतर्गत केलेल्या पाहणीत कृषी उत्पन्न बाजार समिती फलटणने संपूर्ण महाराष्ट्रातून १९ वा आणि कोल्हापूर विभाग व सातारा जिल्ह्यात प्रथम क्रमांक पटकावला.

महाराष्ट्र शासन पणन संचलनालय, महाराष्ट्र राज्य पुणे यांच्या माध्यमातून बाळासाहेब ठाकरे, कृषि व्यवसाय व ग्रामीण परिवर्तन प्रकल्पांतर्गत राज्यातील सर्व ३०५ बाजार समित्यांचे स्टेट लेव्हल रॅकिंग नुकतेच जाहीर करण्यात आले असून त्यामध्ये फलटण कृषि उत्पन्न बाजार समितीने राज्यात १९ वा आणि कोल्हापूर विभाग व सातारा जिल्ह्यात प्रथम क्रमांक मिळवून टॉप २० मध्ये स्थान प्राप्त केले असलेने या बाजार समितीचे विविध स्तरातून अभिनंदन होत आहे.

बाळासाहेब ठाकरे, कृषि व्यवसाय व ग्रामीण परिवर्तन प्रकल्पांतर्गत स्मार्ट रॅकिंग लिस्ट तयार करताना बाजार समितीने उपलब्ध करुन दिलेल्या पायाभुत सुविधा व इतर सेवा सवलती, आर्थिक व वैधानिक कामकाज यासह अन्य कामकाज विषयक निकष विचारात घेवून सहकार व पणन विभागाकडून स्वतंत्ररित्या ऑनलाईन मुल्यांकन करुन राज्य व विभागस्तरीय रॅकिंग लिस्ट जाहीर करणेत आली असून त्यामध्ये फलटण बाजार समितीने आपले कामकाज व शेतकरी सेवेतील अव्वल स्थान सिद्ध केले आहे.

कृषी उत्पन्न बाजार समिती फलटणच्या शेतकरी हितास्तव कामकाजामध्ये पणन मंडळाचे विभागीय उपसरव्यवस्थापक डॉ. सुभाष घुले, जिल्हा उपनिबंधक सहकारी संस्था सातारा मनोहर माळी, सहाय्यक निबंधक सहकारी संस्था, फलटण पी. एस. रोकडे यांचे विशेष सहकार्य व मार्गदर्शन बाजार समितीला नेहमी लाभले आहे.

शेतकरी केंद्रबिंदू मानून कामकाज
फलटण-खंडाळा तालुक्याचे माजी आमदार श्रीमंत विजयसिंह मालोजीराव नाईक निंबाळकर तथा श्रीमंत शिवाजीराजे यांची सद्शील दुरदृष्टी व लोकोद्धाराची प्रेरणा घेवून आ. श्रीमंत रामराजे नाईक निंबाळकर, आ. दिपकराव चव्हाण, सातारा जिल्हा परिषद माजी अध्यक्ष श्रीमंत संजीवराजे नाईक निंबाळकर यांच्या मार्गदर्शनाखाली शेतकरी केंद्रबिंदू मानून बाजार समिती काम करीत असल्याचे बाजार समितीचे चेअरमन श्रीमंत रघुनाथराजे नाईक निंबाळकर यांनी स्पष्ट केले.

मेहनत उपयुक्त व प्रेरणादायी
बाजार समिती अधिक लोकाभिमुख व स्पर्धाक्षम करण्यासाठी बाजार समितीचे चेअरमन श्रीमंत रघुनाथराजे नाईक निंबाळकर, व्हा. चेअरमन भगवानराव होळकर व संचालक मंडळ यांनी घेतलेले धोरणात्मक निर्णय त्यांच्या मार्गदर्शनाखाली प्रभावी रीतीने राबविण्यात बाजार समितीचे सचिव शंकरराव सोनवलकर व त्यांचे सहकारी अधिकारी/कर्मचारी यांनी घेतलेली मेहनत उपयुक्त व प्रेरणादायी ठरली आहे.

Web Title: Phaltan market committee sting in maharashtra rural transformation project 19th in the state nrab

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News  only on Navarashtra.com