लातूर : मालमत्ता कर थकीत असणाऱ्या दोन मालमत्तांना मनपाच्या पथकाने सील ठोकले. वारंवार नोटिसा देऊनही कर भरणा केला जात नसल्याने पालिकेच्या वतीने ही कारवाई करण्यात आली. मालमत्ताधारकांनी आपल्याकडील कर लवकरात लवकर भरणा करावा अन्यथा दंडात्मक कारवाई करण्यात येईल, असा इशाराही मनपाच्या वतीने देण्यात आला.
लातूर एमआयडीसी परिसरातील धीरज टाईल्स यांच्याकडे २३ लाख ४४ हजार ६७१ रुपये थकबाकी होती. तसेच पॅनिका एनर्जी यांच्याकडेही मालमत्ता करापोटी ३१ लाख रुपये कर थकलेला होता. या दोन्ही मालमत्तांना मंगळवारी मनपाच्या वतीने सील ठोकण्यात आले. मनपा उपायुक्त शुभम क्यातमवार यांच्या मार्गदर्शनात ही कारवाई करण्यात आली.
…तर कारवाई
एमआयडीसी परिसर, कृषी उत्पन्न बाजार समिती परिसर तसेच शहराच्या इतर भागात ज्या नागरिकांचा मालमत्ता कर थकलेला आहे, अशा मालमत्ताधारकांनी आपल्याकडील कराची थकबाकी ३१ मार्चपूर्वी मनपाकडे जमा करून व्याजमाफी योजनेचा लाभ घ्यावा. वेळेच्या आत मालमत्ताकराचा भरणा करण्यात आला नाही, तर थकीत मालमत्ताधारकांवर दंडात्मक कारवाई करण्यात येईल, असा इशाराही मनपाकडून देण्यात आला.
.png "Videos"){kind=small}
