नोकरीच्या बहाण्याने 11 डॉक्टरांची फसवणूक; प्रत्येकी 10 लाखांना गंडा (संग्रहित फोटो)
एमडी आणि एमएस शिक्षण घेतलेल्या 28 डॉक्टरांची कायमस्वरूपी निवड केली जाणार होती. त्यासाठी कार्यरत असलेल्या कंत्राटी डॉक्टरांकडून प्रत्येकी 10 लाख रुपये उकळण्यात आल्याचा आरोप करण्यात येत आहे. पैसे देऊनही वर्षभरानंतर 11 डॉक्टरांची नियुक्ती झाली नाही. त्यांनी दिलेले पैसे परत मागितले असता टाळाटाळ करण्यात आली. सुरुवातीला पीडित डॉक्टरांनी कॉलेजच्या ट्रस्टचे पदसिद्ध अध्यक्ष असलेल्या महापौरांकडे तक्रार केली. मात्र, तेथून दाद न मिळाल्याने अखेर त्यांनी एसीबीचे दरवाजे ठोठावले.
याप्रकरणात मध्यस्थी करणाऱ्या तीन डॉक्टरांची नावे या तक्रारीत नमूद केले आहेत. गंभीर प्रकरणाची लाचलुचपत प्रतिबंधक विभागाने तात्काळ दखल घेतली आहे. एसीबीचे अधीक्षक शिरीष सरदेशपांडे यांनी दिलेल्या माहितीनुसार, येत्या दोन-तीन दिवसांत सर्व तक्रारदार डॉक्टरांचे सविस्तर जबाब नोंदवले जातील. त्यानंतर या संपूर्ण घोटाळ्याची सखोल चौकशी करण्यासाठी पुणे महापालिका आयुक्तांकडे रीतसर परवानगी मागितली जाणार आहे.
1. किती डॉक्टरांची फसवणूक झाल्याचा आरोप आहे?
११ कंत्राटी डॉक्टरांची फसवणूक झाल्याचा आरोप आहे.
2. प्रत्येक डॉक्टरकडून किती रक्कम घेतल्याचा आरोप आहे?
प्रत्येक डॉक्टरकडून १० लाख रुपये घेतल्याचा आरोप आहे.
3. डॉक्टरांनी कुठे तक्रार केली?
दाद न मिळाल्यानंतर संबंधित डॉक्टरांनी लाचलुचपत प्रतिबंधक विभागाकडे (एसीबी) तक्रार केली.






