Pune Weather: पुणेकर उकाड्याने हैराण; पुढील दोन ते तीन दिवसांमध्ये तापमानात…

सोमवारपासून पुढील तीन दिवसांत कमाल तापमान सुमारे ३६ अंश सेल्सिअसपर्यंत खाली येण्याची शक्यता असून किमान तापमान २० अंश सेल्सिअसपर्यंत नोंदविले जाऊ शकते.

पुणे शहरात उकाड्याचा कडाका
पुणे शहरात तापमानात किंचित घट संभव
ढगाळ वातावरणामुळे उकाडा कायम राहण्याची शक्यता

पुणे: शहरात गेल्या काही दिवसांपासून तापमानात वाढ होत असून उन्हाचा चटका अधिक जाणवू लागला आहे. त्यामुळे उकाड्यामुळे पुणेकर हैराण झाले आहेत. मात्र पुढील दोन ते तीन दिवसांत कमाल तापमानात किंचित घट होण्याची शक्यता भारतीय हवामानशास्त्र विभागाने वर्तविली आहे. त्यामुळे पुणेकरांना काही प्रमाणात दिलासा मिळण्याची शक्यता आहे. तथापि, ढगाळ वातावरणामुळे उकाडा कायम राहण्याची शक्यता व्यक्त करण्यात आली आहे.

शहर व परिसरात गेल्या काही दिवसांपासून कमाल तापमान ३५ ते ३९ अंश सेल्सिअस दरम्यान तर किमान तापमान १५ ते १८ अंश सेल्सिअस दरम्यान नोंदविले जात होते. शनिवारी (ता. १४) तापमानात आणखी वाढ झाली. लोहगाव परिसरात कमाल तापमान ३९ अंश सेल्सिअस इतके नोंदविण्यात आले, जे आतापर्यंतचे सर्वाधिक तापमान ठरले. तर पुण्याच्या मध्यवर्ती भागासह उपनगरांमध्ये कमाल तापमान ३८ अंश सेल्सिअसपर्यंत पोहोचले. किमान तापमानातही वाढ होऊन ते १९ अंश सेल्सिअसपर्यंत गेले. दरम्यान, शनिवारी पुणे व परिसरात कमाल तापमान ३७ अंश सेल्सिअस तर किमान तापमान १९.३ अंश सेल्सिअस नोंदविण्यात आले. आकाश मुख्यतः निरभ्र होते.

Pune Heat Wave: हुश्श! किती तो उन्हाळा; पुणेकर उकाड्याने वैतागले; पारा थेट…

रविवारी (ता. १५) किमान तापमानात किंचित घट होण्याची शक्यता असून ते सुमारे १९ अंश सेल्सिअस राहील, तर कमाल तापमान ३७ अंश सेल्सिअस इतके स्थिर राहण्याचा अंदाज आहे. आकाश मुख्यतः निरभ्र राहील; मात्र दुपारी किंवा संध्याकाळनंतर अंशतः ढगाळ वातावरण राहण्याची शक्यता हवामान विभागाने व्यक्त केली आहे.

सोमवारपासून पुढील तीन दिवसांत कमाल तापमान सुमारे ३६ अंश सेल्सिअसपर्यंत खाली येण्याची शक्यता असून किमान तापमान २० अंश सेल्सिअसपर्यंत नोंदविले जाऊ शकते. या कालावधीत आकाश मुख्यतः निरभ्र राहण्याचा अंदाज असून दुपारनंतर व सायंकाळी अंशतः ढगाळ वातावरण राहण्याची शक्यता भारतीय हवामानशास्त्र विभागाने वर्तविली आहे.

पुणेकर उकाड्याने वैतागले

पुणे शहर आणि परिसरात गेल्या काही दिवसांपासून तापमानात सातत्याने वाढ होत असून उष्णतेचा कडाका वाढल्याचे चित्र आहे. मार्च महिन्याच्या सुरुवातीलाच तापमानाने झेप घेतल्याने पुणेकर उकाड्याने हैराण झाले आहेत. शहरात किमान १७.५ अंश सेल्सिअस, तर कमाल ३६ अंश सेल्सिअस तापमानाची नोंद झाली.

India Weather: लई अवघड रे गड्या! छत्री, रेनकोट सोडा अन्…; देशात यंदा उष्णतेचा कहर असणार

दिवसभर आकाश मुख्यतः निरभ्र राहिल्याने दुपारच्या सुमारास उकाड्यात अधिक भर पडली. त्यामुळे दुपारच्या वेळी घराबाहेर पडणाऱ्या नागरिकांना कडक उन्हाचा सामना करावा लागला. सकाळच्या सुमारास उन्हाची तीव्रता तुलनेने कमी असली, तरी दुपारनंतर तापमान झपाट्याने वाढत असल्याचे दिसून आले.