पुण्यात डेंग्यूचा प्रादुर्भाव वाढला
जानेवारी ते मे या पाच महिन्यांत डेंग्यूचे केवळ १७३ संशयित रुग्ण होते. मात्र, जूनपासून रुग्णसंख्येने वेग घेतला. जूनमध्ये १७५, जुलैमध्ये ३२३, तर ऑगस्टमध्ये सर्वाधिक ४८४ संशयित रुग्णांची नोंद झाली. जुलैच्या तुलनेत ऑगस्टमध्ये संशयित रुग्णसंख्या जवळपास ५० टक्क्यांनी वाढली. सप्टेंबरच्या पहिल्या सात दिवसांतच आणखी १११ संशयित रुग्ण आढळल्याने आरोग्य यंत्रणेची चिंता वाढली आहे. विशेष म्हणजे, वर्षभरातील एकूण संशयित रुग्णांपैकी तब्बल ८६ टक्के रुग्ण जून ते ७ सप्टेंबरदरम्यान आढळले आहेत. त्यामुळे पावसाळ्यात साचणारे पाणी आणि वाढणारी डासोत्पत्ती डेंग्यूच्या प्रसाराला कारणीभूत ठरत असल्याचे आकडेवारीतून दिसते.
पुण्यात Dengue, चिकुनगुनियाचा विळखा घट्ट; ९२० हून अधिक संशयित रुग्ण आढळल्याने खळबळ
डेंग्यूच्या निश्चित रुग्णांमध्येही ऑगस्ट महिन्यात सर्वाधिक २१ रुग्णांची नोंद झाली. जून आणि जुलैमध्ये प्रत्येकी १२, तर एप्रिलमध्ये दोन रुग्ण आढळले. जानेवारी ते मार्च तसेच मे महिन्यात एकही निश्चित रुग्ण नोंदविला गेला नव्हता. दिलासादायक बाब म्हणजे, डेंग्यूमुळे अद्याप एकाही मृत्यूची नोंद झालेली नाही. चिकुनगुनियाचे सर्वाधिक १४ रुग्ण ऑगस्टमध्ये आढळले. जूनमध्ये सहा आणि जुलैमध्ये एक रुग्ण नोंदविण्यात आला. सप्टेंबरमध्ये अद्याप एकही रुग्ण आढळलेला नाही.
महापालिकेच्या कीटक नियंत्रण विभागाने घरे, कार्यालये, महाविद्यालये आणि इतर आस्थापनांची पाहणी केली. त्यामध्ये २ हजार २३१ ठिकाणी डासांच्या अळ्या अथवा डासोत्पत्तीची ठिकाणे आढळली. संबंधितांना नोटिसा बजावून एकूण ४ लाख ४ हजार ६०० रुपयांचा दंड आकारण्यात आला आहे. ऑगस्टमध्ये सर्वाधिक ५२३ ठिकाणी डासोत्पत्ती आढळून १ लाख ३९ हजार रुपयांचा दंड आकारण्यात आला. जुलैमध्ये ५२४ ठिकाणी डासोत्पत्ती आढळली आणि १ लाख २२ हजार ५०० रुपयांची दंडात्मक कारवाई झाली.
काळजी घ्या ! पुणे, पिंपरी-चिंचवडसह उपनगरांमध्ये स्वाईन फ्लू, डेंग्यूसह तापाच्या रुग्णांत मोठी वाढ
महिना संशयित रुग्ण निश्चित रुग्ण
जानेवारी २५ ०
फेब्रुवारी २३ ०
मार्च २६ ०
एप्रिल ४१ २
मे ५८ ०
जून १७५ १२
जुलै ३२३ १२
ऑगस्ट ४८४ २१
सप्टेंबर* १११ ०
एकूण १,२६६ ४७
.png "Videos"){kind=small}
