राज्यातील शाळा, अंगणवाड्यांना सुरक्षित पिण्याचे पाणी मिळणार; प्रशासनाचे महत्त्वपूर्ण निर्देश

असुरक्षित आदिवासी समूह (पीव्हीटीजी) आणि धरती आबा जनजातीय ग्राम उत्कर्ष अभियान (डीएजेजीयूए) अंतर्गत दुर्गम वस्त्यांना पाणीपुरवठा योजनांत प्राधान्य आहे. पीव्हीटीजी अंतर्गत समाविष्ट १६ जिल्ह्यांत ४,३५२ योजना असून, त्यापैकी २१८७ पूर्ण झाल्या आहेत.

• राज्यातील ६,३५७ संस्थांना पाणीपुरवठ्याचा लाभ.
• सर्व शाळा आणि अंगणवाड्यांना सुरक्षित पिण्याचे पाणी देण्याचे निर्देश.
• स्वच्छतागृहांसाठी पाणी आणि हात धुण्याची सुविधा कार्यान्वित ठेवण्याचे आदेश.
• आदिवासीबहुल, दुर्गम आणि वंचित वाड्या-वस्त्यांना नळजोडणी देण्यावर भर.

पुणे : राज्यात सर्व शाळा, अंगणवाड्या तसेच आदिवासीबहुल आणि दुर्गम भागांतील वंचित वाड्या-वस्त्यांना सुरक्षित पिण्याचे पाणी देण्यासाठी पाणीपुरवठा व स्वच्छता विभागाने महत्त्वाचे निर्देश दिले आहेत. जल जीवन मिशन अंतर्गत शाळा-अंगणवाड्यांतील पाणीपुरवठा, स्वच्छतागृहांना पाणी आणि हात धुण्याची सुविधा कार्यान्वित ठेवण्याचे आदेश आहेत. नळजोडणीपासून वंचित आदिवासी वस्त्यांचा समावेश करण्यासाठी प्रस्ताव १५ नोव्हेंबरपर्यंत सादर करण्याची मुदत देण्यात आली आहे. कक्ष अधिकारी अंजली बोडके यांनी ही माहिती दिली.

जल जीवन मिशन अंतर्गत राज्यात शाळा व अंगणवाड्यांसाठी ६,६२९ योजना मंजूर आहेत. त्यापैकी ६,३५७ योजनांची कामे पूर्ण झाली असून, उर्वरित २७२ कामे प्रगतिपथावर आहेत. पूर्ण योजनांत दर्जेदार पिण्याचे पाणी, स्वच्छतागृहांसाठी पाणी आणि हात धुण्याची सुविधा सुरू असल्याची खात्री जि.प. मुख्य कार्यकारी अधिकाऱ्यांनी करावी. अपूर्ण योजनांची कामे पूर्ण होईपर्यंत जवळच्या योजनेतून तात्पुरती नळजोडणी, टैंकर किंवा पाण्याच्या टाकीद्वारे पर्यायी व्यवस्था करण्याचे निर्देश आहेत.

असुरक्षित आदिवासी समूह (पीव्हीटीजी) आणि धरती आबा जनजातीय ग्राम उत्कर्ष अभियान (डीएजेजीयूए) अंतर्गत दुर्गम वस्त्यांना पाणीपुरवठा योजनांत प्राधान्य आहे. पीव्हीटीजी अंतर्गत समाविष्ट १६ जिल्ह्यांत ४,३५२ योजना असून, त्यापैकी २१८७ पूर्ण झाल्या आहेत. या योजना डिसेंबर २०२८ पर्यंत असुरक्षित आदिवासी समूह (पीव्हीटीजी) आणि धरती आबा जनजातीय ग्राम उत्कर्ष अभियान (डीएजेजीयूए) अंतर्गत दुर्गम वस्त्यांना पाणीपुरवठा योजनांत प्राधान्य आहे. पीव्हीटीजी अंतर्गत समाविष्ट १६ जिल्ह्यांत ४३५२ आहेत, तर २१६५ योजना प्रगतिपथावर करण्याचे नियोजन आहे.

पाणी गुणवत्तेची तपासणी

आदिवासीबहुल भागांत पिण्याच्या पाण्याच्या स्त्रोतांसह नळांद्वारे पुरविल्या जाणाऱ्या पाण्याची प्रयोगशाळेत वर्षाकाठी एकदा रासायनिक व दोनदा जैविक तपासणी करावी. प्रशिक्षित महिला स्वयंसेवकांमार्फत दरमहा जैविक तपासणीचे निर्देश आहेत. वंचित वाड्या-वस्त्यांची लोकसंख्या, आवश्यक नळजोडण्या, वितरण व्यवस्था व अतिरिक्त निधीच्या तपशीलासह प्रस्ताव द्यावेत.

FAQ

१. राज्य सरकारने कोणासाठी पाणीपुरवठ्याचे निर्देश दिले आहेत?
राज्यातील सर्व शाळा, अंगणवाड्या तसेच आदिवासीबहुल, दुर्गम भागांतील वंचित वाड्या-वस्त्यांसाठी हे निर्देश देण्यात आले आहेत.

२. शाळा आणि अंगणवाड्यांमध्ये कोणत्या सुविधा आवश्यक आहेत?
पिण्याच्या पाण्यासोबत स्वच्छतागृहांना पाणीपुरवठा आणि हात धुण्याची सुविधा कार्यान्वित ठेवण्याचे आदेश आहेत.

३. कोणत्या योजनेअंतर्गत हा उपक्रम राबविला जाणार आहे?
जल जीवन मिशनअंतर्गत शाळा आणि अंगणवाड्यांमध्ये पाणीपुरवठा सुविधा उपलब्ध करून देण्यात येत आहे.