Payal Zambare Suicide Case: “घरातून जप्त केले ३५ तोळे सोने अन् मोबाईल!” अभियंता पायल झांबरे आत्महत्या प्रकरणात मोठा गौप्यस्फोट…

Payal Zambare Suicide Case: अभियंता पायल झांबरे आत्महत्या प्रकरणात पोलिसांची मोठी कारवाई; घरातून ३५ तोळे सोने आणि महत्त्वाचे मोबाईल जप्त. उर्वरित १५ तोळे सोन्याचा सुगावा फरार नणंदेच्या दिशेने; पतीसह सासरच्या कोठडीत वाढ!

• अभियंता पायल झांबरे प्रकरणात ३५ तोळे सोने, दागिने व मोबाईल जप्त
• पती-सासऱ्यासह सासूच्या कोठडीत वाढ; १५ सोन्यासाठी फरार नणंदेचा शोध
• मोबाईल्सचे विश्लेषण सुरू; अक्षताच्या अटकपूर्व जामिनावर उत्तर मागितले

Payal Zambare Suicide Case: अभियंता पायल झांबरे आत्महत्या प्रकरणात रोज नवनवीन आणि खळबळजनक अपडेट्स समोर येत आहेत. हुंड्यासाठी विवाहितेचा शारीरिक आणि मानसिक छळ करून तिला आत्महत्येस प्रवृत्त केल्याप्रकरणी पोलिसांनी मोठी कारवाई करत आरोपींच्या घरातून तब्बल ३५ तोळे सोने, चांदीचे दागिने, पती अक्षय आणि सासरे अरविंद यांचे मोबाईल, तसेच मृत पायलचा मोबाईल आणि सीसीटीव्ही फुटेज जप्त केले आहे. याप्रकरणी आरोपींच्या पोलीस कोठडीत वाढ करण्यात आली आहे.

हेही वाचा: Pune Police Crime: “न्याय मागणाऱ्याला खाकीची लाठी!” पुण्यात मद्यधुंद पोलीस निरीक्षकाने तक्रारदारालाच पोलीस ठाण्यात बेदम तुडवले…

कोठडीत वाढ, १५ ताेळे सोन्याचा शोध सुरू

पती अक्षय अरविंद झांबरे (वय ३५), सासरा अरविंद वसंतराव झांबरे (वय ६८) आणि सासू मंगल अरविंद झांबरे (वय ५८, सर्व रा. मुकुंदनगर) यांच्या पोलीस कोठडीची मुदत संपल्याने त्यांना न्यायालयात हजर करण्यात आले होते. सुनावणीदरम्यान सरकारी वकिलांनी आणि तक्रारदारांच्या वकिलांनी जप्त केलेल्या मोबाईलचे तांत्रिक विश्लेषण करून त्यातील संभाषणे व संदेशांची पडताळणी करण्यासाठी कोठडी वाढवून देण्याची मागणी केली, जी न्यायालयाने मान्य करत आरोपींच्या कोठडीत दोन दिवसांची वाढ केली आहे. दरम्यान, गुन्ह्यातील आरोपी आणि पायलची नणंद अक्षता झांबरे-निम्हण हिचा पोलीस कसून शोध घेत आहेत. पोलिसांच्या तपासात ३५ तोळे सोने हाती लागले असले, तरी उर्वरित १५ तोळे सोने अद्याप मिळालेले नाही; ते फरार अक्षताकडे असल्याचा दाट संशय पोलिसांना आहे.

हेही वाचा: Accident News: दिवाळीचा सण ठरला काळ! ५ डिसेंबरच्या लग्नाआधीच दुचाकी अपघातात तरुणाचा जागीच मृत्यू!

आरोपी अक्षताचा अटकपूर्व जामीनासाठी अर्ज

दुसरीकडे, या गुन्ह्यात नाव आल्यापासून फरार असलेली आरोपी अक्षता झांबरे-निम्हण हिने न्यायालयात अटकपूर्व जामिनासाठी अर्ज दाखल केला आहे. या अर्जावर न्यायालयाने पोलीस आणि सरकार पक्षाचे म्हणणे मागितले असून, पोलीस या प्रकरणाचा सखोल तपास करत आहेत.