pune ganesh visarjan
शुक्रवारी रात्री सुमारे अकराच्या सुमारास नवी पेठेत एका महिला पत्रकाराला अचानक पोटदुखी, चक्कर आणि घाम येण्याचा त्रास सुरू झाला. सोबत असलेल्या सहकाऱ्यांनी तातडीने डायल १०८वर संपर्क साधण्याचा प्रयत्न केला. मात्र, तीन ते चार वेळा फोन करूनही प्रतिसाद मिळाला नाही. पुन्हा संपर्क साधल्यानंतर ऑपरेटरने फोन घेतला; मात्र रुग्णवाहिकेशी संपर्क करून देण्याच्या प्रक्रियेत सुमारे १० ते १५ मिनिटे फोन प्रतीक्षेत ठेवण्यात आला.
अर्धा तास उलटूनही रुग्णवाहिका न आल्याने अखेर संबंधित महिलेला दुचाकीवरून जवळच्या खासगी रुग्णालयात नेण्यात आले. दरम्यान, डायल १०८च्या ऑपरेटरने पुन्हा संपर्क साधून नवी पेठेजवळील टिळक चौकातील रुग्णवाहिकेऐवजी शनिपार परिसरातील रुग्णवाहिकेतील डॉक्टरांशी संपर्क करून दिला. या डॉक्टरांनी घटनास्थळी पोहोचण्यासाठी दीड तास लागेल, असे सांगितले. तसेच तपासणीसाठी येताना दोन पोलिस कर्मचारी सोबत असणे आवश्यक असल्याचेही सांगितले.
राज्य शासनाने अपघात, हृदयविकाराचा झटका यांसह वैद्यकीय आणीबाणीच्या प्रसंगी मोफत रुग्णवाहिका उपलब्ध करून देण्यासाठी २०१४ मध्ये डायल १०८ सेवा सुरू केली. पुण्यात या सेवेच्या ८२ रुग्णवाहिका असून, गणेश विसर्जनाच्या पार्श्वभूमीवर त्यापैकी काही रुग्णवाहिका मिरवणूक मार्गावर तैनात करण्यात आल्या होत्या. शहराच्या हद्दीत नागरिकांचा फोन आल्यानंतर साधारण २० मिनिटांत रुग्णवाहिका पोहोचणे अपेक्षित आहे.
तुडुंब, तुडुंब नुसती गच्च भरली! गणेशोत्सवात Pune Metro मालामाल; 12 दिवसांत तब्बल 7 कोटी…
‘पुण्यात डायल १०८च्या ८२ रुग्णवाहिका आहेत. त्यापैकी काही रुग्णवाहिका गणेश विसर्जन मिरवणुकीच्या मार्गावर तैनात होत्या. टिळक चौकातही रुग्णवाहिका तैनात होती. या घटनेत रुग्णवाहिकेशी संपर्क का होऊ शकला नाही, तसेच नेमके काय घडले, याची चौकशी करण्यात येईल.’
– डॉ. विजय ताते, जिल्हा व्यवस्थापक, डायल १०८
.png "Videos"){kind=small}
