दगडूशेठचा ‘श्रीमंत’ थाट; 51 लाख फुलांत नटला लाडका गणपती बाप्पा

गणरायाला शुंडाभूषण, मुकुट आणि विविध फुलांची आभूषणे परिधान करण्यात आली होती. तसेच चांदीच्या मूर्तीला वासंतिक उटीचे लेपनही करण्यात आले.

५१ लाख फुलांत नटला ‘दगडूशेठ’ गणराया
भक्तिमय आणि प्रसन्न वातावरणाने उजळून निघाला परिसर 
 गणरायाचे दर्शन घेण्यासाठी पुणेकरांची मोठी गर्दी

पुणे: श्रीमंत दगडूशेठ हलवाई सार्वजनिक गणपती ट्रस्ट (Dagdusheth Halwai Ganesh Temple) व सुवर्णयुग तरुण मंडळातर्फे आयोजित वासंतिक उटी आणि मोगरा महोत्सवानिमित्त ‘दगडूशेठ’ गणपती मंदिर ५१ लाख सुवासिक व विविधरंगी फुलांनी सजविण्यात आले. मोगरा, लिली, झेंडू, गुलाब, जास्वंद, चाफा, शेवंती, गुलछडी, कमळ, जाई-जुई आदी फुलांच्या आकर्षक सजावटीने मंदिर परिसर भक्तिमय आणि प्रसन्न वातावरणाने उजळून निघाला.

मोगरा महोत्सवानिमित्त फुलांमध्ये विराजमान झालेल्या लाडक्या गणरायाचे दर्शन घेण्यासाठी पुणेकरांनी मोठी गर्दी केली. गाभारा आणि सभामंडपातील रंगीबेरंगी पुष्पसजावटीमुळे गणरायाला जणू फुलांचे अर्घ्य अर्पण केल्याचा भास होत होता. गणरायाला शुंडाभूषण, मुकुट आणि विविध फुलांची आभूषणे परिधान करण्यात आली होती. तसेच चांदीच्या मूर्तीला वासंतिक उटीचे लेपनही करण्यात आले.

या प्रसंगी संत साहित्यिक डॉ. आरती दातार यांच्या हस्ते आरती करण्यात आली. ट्रस्टचे अध्यक्ष सुनील रासने यांनी सांगितले की, यंदाच्या पुष्पसजावटीसाठी कारागिरांनी दोन दिवसांपासून मेहनत घेतली होती. मंदिरातील देखणी सजावट आणि गणरायाचे लोभस रूप मोबाईलमध्ये टिपण्यासाठी भाविकांची विशेष उत्सुकता दिसून आली.

थायलंडमध्ये घुमणार मराठी संस्कृतीचा डंका! फुकेतमध्ये ‘दगडूशेट गणपती’ मंदिराची प्रतिकृती; भारतीयांसाठी गुंतवणुकीची सुवर्णसंधी

मोगरा महोत्सवासह वासंतिक उटीचे भजन अखिल भारतीय वारकरी मंडळातर्फे सादर करण्यात आले. भक्ती, सुगंध आणि फुलांच्या देखण्या साजाने ‘दगडूशेठ’ गणपती मंदिरात अविस्मरणीय आध्यात्मिक सोहळा अनुभवायला मिळाला.

थायलंडमध्ये घुमणार मराठी संस्कृतीचा डंका

थायलंडमधील निसर्गरम्य फुकेत येथे पुण्यातील प्रसिद्ध श्रीमंत दगडूशेट हलवाई गणपती मंदिराची हुबेहूब प्रतिकृती उभारण्यात आली असून, मराठी संस्कृतीचा जागतिक स्तरावर विस्तार करण्याचा एक अनोखा उपक्रम साकारला आहे. दुबईस्थित उद्योगपती आणि गल्फ महाराष्ट्र बिझनेस फोरमचे ग्लोबल अध्यक्ष डॉ. सुनील व्ही. मांजरेकर यांच्या पुढाकारातून भारतीय विशेषतः महाराष्ट्रीयन नागरिकांसाठी फुकेतमध्ये घर खरेदीची सुवर्णसंधी उपलब्ध झाली आहे. त्यांच्या ‘एसक्युसीसी प्रॉपर्टीज एलएलसी’ ( SQCC Properties LLC) दुबई, (UAE) आणि ‘फुकेत ९ रियल इस्टेट डेव्हलपमेंट’, थायलंड (Phuket9 Real Estate Development, Thailand) यांच्या संयुक्त विद्यमाने फुकेतमध्ये अत्याधुनिक सोयीसुविधांनी युक्त निवासी आणि व्यावसायिक प्रकल्प विकसित करण्यात येत आहेत. फुकेतच्या सुंदर समुद्रकिनाऱ्यालगत, शांत आणि निसर्गसंपन्न परिसरात उभारल्या जाणाऱ्या या प्रकल्पामुळे भारतीय गुंतवणूकदारांसाठी परदेशात स्वतःची प्रॉपर्टी घेण्याचे स्वप्न साकार होणार आहे.