राज्यात पावसाचे लवकरच होणार ‘कमबॅक’; 6 जिल्ह्यांत पाऊस, 20 विभागांमध्ये मुसळधारेचा इशारा

दीर्घ काळानंतर महाराष्ट्रात मान्सूनचे आगमन झाले आहे. मुंबई आणि पुण्यासह मराठवाडा, कोकण आणि मध्य महाराष्ट्राच्या अनेक भागांमध्ये मुसळधार पाऊस झाला. मराठवाड्यातील 20 महसूल विभागांमध्ये मुसळधार पावसाची नोंद झाली.

पुणे : सप्टेंबर महिना संपत आला असून, अद्यापही पावसाची चिन्हे दिसत नाहीत. त्यातच उन्हाचा कडाका वाढताना दिसत आहे. दीर्घ काळानंतर महाराष्ट्रात मान्सूनचे आगमन झाले होते. मुंबई आणि पुण्यासह मराठवाडा, कोकण आणि मध्य महाराष्ट्राच्या अनेक भागांमध्ये मुसळधार पाऊस झाल्याचे पाहिला मिळाले. मराठवाड्यातील 20 महसूल विभागांमध्ये मुसळधार पावसाची नोंद झाली. यामुळे पिकांना दिलासा मिळाला आहे, परंतु धरणांमधील पाणीसाठ्यात अद्याप वाढ झालेली नाही.

हवामान विभागाने सप्टेंबरच्या शेवटच्या आठवड्यात पावसाचा जोर वाढण्याचा अंदाज वर्तवला आहे. परभणीत काल ५५.८ मिमी पावसाची नोंद झाली. १३ विभागांमध्ये मुसळधार पावसाची नोंद झाली. झारीमध्ये १११.५ मिमी, सोनपेठमध्ये ९२ मिमी, रामपुरीमध्ये ८८ मिमी आणि वाघी धनोरामध्ये ६२.५ मिमी पावसाची नोंद झाली. बीडच्या पाच विभागांमध्ये अतिवृष्टी झाली. सिरसाला येथे सर्वाधिक ११२.५ मिमी पावसाची नोंद झाली.

राज्यातील अनेक भागांत मुसळधार पावसाची शक्यता; विदर्भासह कोकणातही दिलासा मिळणार

त्याखालोखाल पिंपळगाव गाढे येथे १०७ मिमी, परळी येथे ८८ मिमी, घाट नांदूर येथे ७९.५ मिमी आणि बरदापूर येथे ७७.८ मिमी पावसाची नोंद झाली. दीर्घकाळच्या कोरड्या हवामानामुळे पिकांचे नुकसान झाले असून, उत्पादनात घट होण्याची शक्यता आहे.

विदर्भात चांगल्या पावसाची प्रतीक्षा

आठ दिवसांनंतर भंडारा येथे अनेक ठिकाणी मेघगर्जना आणि विजांचा कडकडाट झाला. यामुळे दमटपणापासून दिलासा मिळाला, परंतु विदर्भात पावसाची परिस्थिती सर्वत्र सारखी नाही. अनेक भाग अजूनही चांगल्या पावसाच्या प्रतीक्षेत आहेत.

लातूरमध्ये 42 दिवसांनंतर नद्या लागल्या वाहू

लातूरमधील सर्व तालुक्यांमध्ये ४२ दिवसांनंतर पाऊस झाला. लातूरमध्ये ८३ मिमी, तर रेणापूरमध्ये ७९ मिमी पावसाची नोंद झाली. पावसानंतर, या मान्सूनमध्ये पहिल्यांदाच तेरणा आणि रेणा नद्या वाहू लागल्या. यामुळे सुकलेल्या पिकांना दिलासा मिळाला, परंतु पिण्याच्या पाण्याच्या संकटाची चिंता कायम आहे. हिंगोलीमध्ये ३७ मिमी पाऊस झाला. सोयाबीन वगळता इतर पिकांना याचा फायदा होण्याची शक्यता आहे. नांदेडमध्ये १९.५० मिमी पावसाची नोंद झाली.

22 सप्टेंबरपर्यंत पावसाचा अंदाज

गेल्या काही दिवसांपासून वातावरणात कमालीचा बदल पाहिला मिळत आहे. पुणे शहर आणि परिसरात पावसाने उघडीप दिल्याचे दिसून आले. त्यात ऑक्टोबर महिना सुरु होण्यापूर्वीच आता उन्हाचा कडाका जाणवू लागला आहे. नैर्ऋत्य मान्सूनही 19 सप्टेंबरपासून माघारीचा टप्पा गाठत आहे. पश्चिम राजस्थानातून सप्टेंबर अखेर आणि ऑक्टोबरच्या सुरुवातीला तो महाराष्ट्रातून जाणार आहे. त्यामुळे राज्यात परतीचा मान्सून चांगला बरसू शकतो.