Raigad News: नेरळ ग्रामसभेत १६ व्या वित्त आयोगाच्या आराखड्याला विरोध; आधी १५ व्या वित्त आयोगाच्या कामांचा हिशेब द्या, ग्रामस्थांची

Neral News: नेरळ ग्रामपंचायतीच्या १६व्या वित्त आयोगाच्या आराखड्याला ग्रामस्थांनी आक्षेप घेतला आहे. १५व्या वित्त आयोगातून झालेल्या कामांची माहिती आधी सादर करा, त्यानंतरच नव्या आराखड्याला मंजुरी देऊ, अशी भूमिका ग्रामस्थांनी घेतली.

• १५व्या वित्त आयोगातून झालेल्या विकासकामांची माहिती न दिल्याने १६व्या वित्त आयोगाचा आराखडा मंजूर झाला नाही.
• मागील कामांची माहिती आणि ठेकेदारांना झालेल्या देयकांबाबत ग्रामसभेत प्रश्न उपस्थित करण्यात आले.
• १५व्या वित्त आयोगाची संपूर्ण माहिती सादर करून १५ ऑगस्टला अंतिम चर्चा करण्याचे ग्रामसभेत ठरले.

कर्जत: नेरळ ग्रामपंचायतीच्या ग्रामसभा १६ वित्त आयोगाचा आराखडा मंजुरीसाठी होता. मात्र १५ वित्त आयोगामध्ये कोणती कामे केली याबाबत कोणतीही माहिती नेरळ ग्रामपंचायतकडून देण्यात आलेली नाही. त्यामुळे १५ वित्त आयोगाच्या निधीमधून करण्यात आलेल्या कामांची माहिती द्या आणि नंतरचा १६ वित्त आयोगाच्या आराखड्याला मंजुरी दिली जाईल, अशी ठोस भूमिका ग्रामस्थांनी घेतली. त्यामुळे नेरळ ग्रामपंचायतीचा १६ वित्त आयोगाचा आढावा मंजूर झाला नाही.

नेरळ ग्रामपंचायत हद्दीत १६ वित्त आयोगाच्या निधी मधून करण्यात येणाऱ्या कामांची यादी निश्चित करण्यासाठी ग्रामसभा लावण्यात आली होती. प्रशासक सुजित धनगर यांच्या अध्यक्षतेखाली झालेल्या ग्रामसभेला सचिव ग्रामपंचायत अधिकारी अरुण कारले यांच्यासह जिल्हा परिषद सदस्य सुनिता मोरे, पंचायत समितीचे सदस्य भगवान चंचे आदी प्रमुख तसेच स्थानिक ग्रामस्थ बहुसंख्येने उपस्थित होते.

ST Employees Salary: एसटी कर्मचाऱ्यांचा पगार पुन्हा लांबणीवर; ‘कर्मचाऱ्यांचे संसार वेठीस धरू नका’, ७ तारखेचा पगार आता १० ऑगस्टला?

आराखडा सादर करण्याचे आदेश गावाच्या विकासासाठी शासनाकडून मिळणाऱ्या निधीरूपी १६ वित्त आयोगासाठी प्रारूप आराखडा सादर करण्याचे आदेश जिल्हापरिषदेकडून देण्यात आले होते. त्यामुळे नेरळ ग्रामपंचायत कडून जुलै महिन्यात ग्रामसभेचे आयोजन करण्यात आले होते. मात्र कोरम अभावी तहकूब झालेल्या सभेचे आयोजन केले होते. नेरळ ग्रामपंचायत हद्दीत १६ वा वित्त आयोगात करण्यात येणारी कामे ही माहिती नेरळ ग्रामपंचायतीचे ग्रामपंचायत अधिकारी अरुण कारले यांनी वाचन केले. त्यावेळी आदिवासी भागासाठी कोणती कामे प्रस्तावित आहेत असा प्रश्न माजी सदस्य सुनील पारधी यांनी उपस्थित केला. (फोटो सौजन्य – AI Created) 

ठेकेदारांना कामाचे पैसे अदा

१५ वा वित्त आयोगाचे मागील कामाचे पैसे आजदेखील काही ठेकेदारांना अदा करत आहेत, मात्र त्या ठेकेदारांनी कोणती कामे केली है समोर आले पाहिजेत अशी मागणी कर्जत पंचायत समितीचे भगवान चंचे यांनी समोर आणली. तेव्हा कोणती कामे झाली, कोणती कामे बाकी आहेत हे नेरळ ग्रामस्थ यांना समजायला हवी अशी मागणी कैली, शेवटी पंधरावा वित्त आयोगाची माहिती द्या मग पुढील आराखडा अंतिम करू अशी भूमिका नेरळ ग्रामस्थांनी घेतली. १५ ऑगस्ट रोजी अंतिम चर्चा करण्याचे ग्रामसभेत निश्चित करण्यात आले.

Mumbai Mayor Bomb Threat : ‘१५ ऑगस्टपूर्वी मेट्रो, शाळा, शेअर बाजार बॉम्बने उडवणार…’, मुंबईच्या महापौरांना पुन्हा बॉम्बची धमकी

१५ वित्त आयोगातून कोणती कामे झाली?

१६ वित्त आयोगाच्या आराखड्यात कोणताही निधी देण्यात आला नव्हता आणि त्यामुळे १६ वित्त आयोगाचा निधी मिळावा अशी मागणी केली, तर माजी सदस्य संजय मनवे यांनी नेरळ ग्रामपंचायतचे थकीत वीज बिलासाठी १६ वित्त अयोगाचा निधी वापरण्यात यावा अशी मागणी केली. दरम्यान १६ वित्त आयोगाचा नवीन आराखडा अंतिम करताना अगोदर १५ वा वित्त आयोगातून काय आणि कोणती विकास कामे झाली त्याची माहिती पंचायत समितीचे सदस्य भगवान चंचे यांनी केली, त्यावेळेला प्रशासक आणि ग्रामसेवक यांना माहिती देता आली नाही. त्यामुळे काहीवेळ ग्रामसभेत गौधळ निर्माण झाला आणि शेवटी पंचायत समिती सदस्य भगवान चंचे यांनी हस्तक्षेप केला.

(डिस्क्लेमर: हे नवराष्ट्र वृत्तपत्राचे स्वयंचलित न्यूज फीड आहे. ते navarashtra.com च्या कर्मचाऱ्यांनी संपादित केलेले नाही.)