फोटो सौजन्य - Social Media
उद्घाटन समारंभ:
या चित्रप्रदर्शनाचे उद्घाटन ९ नोव्हेंबर रोजी सकाळी १०.३० वाजता होणार असून, यावेळी ज्येष्ठ चित्रकार व कला समीक्षक सुहास बहुलकर प्रमुख पाहुणे म्हणून उपस्थित राहतील. ते धुरंधर यांच्या चित्रशैलीवर व्याख्यान देणार असून, त्याचबरोबर चित्रकलेचे प्रात्यक्षिक सादर करतील.
प्रदर्शनाचे वेळापत्रक:
हे प्रदर्शन पाहण्यासाठी स्थानिक लोक फार उत्सकुक असल्याचे दिसून येत आहे. ९ नोव्हेंबरपासून ते १५ नोव्हेंबरपर्यंत या प्रदर्शनाचे आयोजन होणार आहे. ९ नोव्हेंबरपासून ते ११ नोव्हेंबरपर्यंत सकाळी १० वाजल्यापासून ते संध्याकाळी ७ वाजेपर्यंत प्राच्यविद्या अभ्यास संस्था, ठाणे येथे या प्रदर्शनाचे आयोजन होणार आहे. तसेच १३ नोव्हेंबरपासून ते १५ नोव्हेंबरपर्यंत सकाळी १० वाजल्यापासून ते संध्याकाळी ६ वाजेपर्यंत जोशी बेडेकर कॉलेज (ठाणे कॉलेज) परिसरात या प्रदर्शनाचे आयोजन होणार आहे.
विशेष कार्यक्रम:
१५ नोव्हेंबर रोजी सकाळी ११.०० वाजता, जोशी बेडेकर कॉलेजमधील थोरले बाजीराव पेशवे सभागृहात “प्राचीन भारतातील स्त्रिया” या विषयावर सहाय्यक प्राध्यापक अंकुर काणे यांचे व्याख्यान होणार आहे. या प्रदर्शनात “The Women of India” या दुर्मिळ ग्रंथाची मूळ प्रत देखील पाहायला मिळणार आहे. डॉ. बेडेकर कुटुंबियांनी ठाणेकर रसिकांना या ऐतिहासिक व दुर्मिळ चित्रप्रदर्शनाचा लाभ घ्यावा असे आवाहन केले आहे.
