Ratnagiri News: कोकणच्या राजावर गुजरातचा दावा? ‘या’ एका निर्णयामुळे आंबाबागायतदारांची चिंता वाढणार

हापूस आंबा म्हंटलं की आपल्या डोळ्यांसमोर कोकण उभे राहते. मात्र, आता वलसाड हापसू म्हणून भौगोलिक मानांकनाची मागणी होत असल्याने आंबाबागायतदार चिंतेत पडले आहे.

• वलसाड हापसू म्हणून भौगोलिक मानांकनाची मागणी
• कोकणातील आंबाबागायतदार चिंतेत
• जाणून घ्या संपूर्ण प्रकरण

फळांचा राजा म्हणून आंब्याकडे पहिले जाते. आपल्याला आंब्याचे विविध प्रकार पाहायला मिळतात. यातही सर्वाधिक मागणी ही हापसू आंब्याला असते, जो फक्त कोकणातच उत्पादित होत असतो. मात्र, या कोकणातील हापूसवर गुजरातने दावा केला आहे. चला याबद्दल अधिक माहिती जाणून घेऊयात.

हापूस आंबा म्हटले की, आपल्या कोकण किनारपट्टीवर उत्पादित होणारा गोड, चविष्ट व सुवासिक आंबा आठवतो. केवळ भारतीयांच्याच नव्हे तर जगभरातील व प्रामुख्याने अमेरिका, ऑस्ट्रेलियातील खवय्यांना हापूसची गोडी लागली आहे. पण, याच कोकण हापूसवर आता गुजरातने दावा केला आहे. वलसाड हापूस म्हणून भौगोलिक मानांकनाची मागणी केली जात आहे. त्यामुळे कोकणातील आंबा बागायतदारांची चिंता वाढली आहे.

Ratnagiri News : कोयना धरणाला गळती ? तीन महिने गावकऱ्यांवर पाणीटंचाईचं संकट

जगात कोकण हापूस, हे हापूस आंब्याला मिळालेले पहिले व एकमेव भौगोलिक मानांकन आहे. आंब्याचा हंगामात आणि खरेदी-विक्रीत हापूसचा बोलबाला जास्त असल्यामुळे त्यामुळे प्रत्येकाला हापूस मानांकन हवे आहे.

कोकण हापूसला मानांकन

कोकण हापूसला मानांकन मिळाल्यानंतर पहिल्यादा शिवनेरी हापूस आंबा नावाने २०२२ मध्ये भौगोलिक मानांकनासाठी नारायणगाव कृषी विज्ञान केंद्राने अर्ज केला असून, त्यांच्याकडून कागदपत्रे सादर करण्याची कार्यवाही सुरू आहे.

हापूस उत्पादकांना मिळणार सुरक्षित बाजारपेठ

२०२३ मध्ये गांधीनगरनवसारी विद्यापीठाने वलसाड हापूस नावाने भौगोलिक मानांकन मिळण्यासाठी अर्ज केला आहे.

त्या बाबतच्या कागदपत्रांची पूर्तता केल्यानंतर ३० ऑक्टोबर रोजी पहिली सुनावणी झाली आहे. त्याला डॉ. विवेक भिडे यांनी कोकण आंबा उत्पादक आणि विक्रेते संघटनेचे अध्यक्ष म्हणून कडाडून विरोध केला आहे. कोकण हापूसला २०१८ मध्ये मानांकन मिळाले.

‘देव तारी त्याला कोण मारी’, अपघातात 37 प्रवासी जखमी, मात्र 1 वर्षाचा चिमुकला थोडक्यात बचावला, आंबा घाट वळणावरील घटना

समुद्रकिनाऱ्यावरील चार जिल्ह्यांत उत्पादित होणाऱ्या विशिष्ट आंब्यासाठी हे मानांकन आहे. या मानांकनामुळे कोकणातील हापूस उत्पादकांना सुरक्षित बाजारपेठेसह आर्थिक सुरक्षा मिळाली आहे.

हापूसमध्ये भेसळ

मुळात कोकण हापूसमध्ये कर्नाटक, केरळ, तमिळनाडू आणि महाराष्ट्रातील अन्य भागात उत्पादित होणाऱ्या आंब्याची भेसळ होते. ज्याचा फटका शेतकऱ्यांना बसतो. अस्सल कोकण हापूससाठी क्यूआर कोड तयार करण्यात आला आहे. तरीही कोकण हापूसमध्ये मोठ्या प्रमाणावर भेसळ होते आहे. आता वलसाड हापूसला मानांकन मिळाले तर कोकणातील शेतकऱ्यांचे मोठे आर्थिक नुकसान होईल, त्यामुळे आम्ही वसलाड हापूसला कायदेशीर विरोध करीत आहोत, अशी माहिती कोकण आंबा उत्पादक आणि विक्रेते संघटनेचे अध्यक्ष डॉ. विवेक भिडे यांनी दिली.