‘हर दिल मुंबई’साठी धाव; आज मुंबईत ‘टाटा मुंबई मॅरेथॉन स्पर्धा’, अभिनेता टायगर श्रॉफ ब्रॅन्ड अॅम्बेसिडर, ५० हजारांहून अधिक धावपटूंचा सहभाग….

जगभरातील धावपटूंचे ( World Runners) आकर्षण असलेल्या 'मुंबई मॅरेथॉन'चे यंदा १८ वे वर्ष आहे. पण मागील दोन वर्ष कोरोनामुळं ही स्पर्धा होऊ शकली नव्हती. परंतू या वर्षी उत्साहाने पुन्हा एकदा मुंबईकर व जगातील स्पर्धक आज उतरले आहेत.

Follow Us:

Follow Us:

मुंबई : बोचरी व गुलाबी थंडी, थंड गारेगार वारे सिलिंकवरुन समुद्राचा फेसाळणाऱ्या लाटांचा आवाज अशी आज मुंबईकरांची (Mumbai) पहाट होणार आहे. कारण आहे आशियातील प्रतिष्ठित अशा मुंबईत होत असलेल्या ‘टाटा मुंबई मॅरेथॉन स्पर्धा’चे (Tata Mumbai Marathon) आयोजन. ज्या शहराला थांबणे ठावूक नाही तिथे आज पाऊले ऐकमेका मागून धावत आहेत. मॅरेथॉनचे यंदा ‘हर दिल मुंबई’ (Har dil Mumbai) असे ब्रीद वाक्य आहे. वरळी (Worli) सिलिंकवर धावपटूंची पडणारी वेगवान पावले आणि ‘हर दिल मुंबई’ नाऱ्यासह दक्षिण मुंबईच्या रस्त्यावर उसळलेला धावपटूंचा समुदाय. हा रंगदार आणि जिद्दीचा माहोल आज रविवारी जानेवारीला मुंबईत पाहायला मिळणार आहे. जगभरातील धावपटूंचे ( World Runners) आकर्षण असलेल्या ‘मुंबई मॅरेथॉन’चे यंदा १८ वे वर्ष आहे. पण मागील दोन वर्ष कोरोनामुळं ही स्पर्धा होऊ शकली नव्हती. परंतू या वर्षी उत्साहाने पुन्हा एकदा मुंबईकर व जगातील स्पर्धक आज उतरले आहेत.

#WATCH | Maharashtra: TATA Mumbai Marathon begins from Chhatrapati Shivaji Maharaj Terminus, in Mumbai (CSMT) pic.twitter.com/PbvNjQr9jx

— ANI (@ANI) January 15, 2023

५० ते ५५ हजारांहून अधिक धावपटू सहभाग…

दरम्यान, यंदा ही स्पर्धा तब्ब्ल दोन वर्षानंतर होत असल्यामुळं स्पर्धकांचा जोश, उत्साह कमालीचा आहे. त्यामुळं मॅरेथॉनमध्ये ५५ हजारांहून अधिक धावपटू सहभागी झाले आहेत, अशी माहिती समोर येत आहे. पूर्ण मॅरेथॉनचा मार्ग शहराच्या मध्यभागातून जाईल. छत्रपती शिवाजी महाराज टर्मिनसपासून तो सुरू होईल, तर अर्ध मॅरेथॉन ही माहीम रेती बंदरहून सुरू होईल. पूर्ण मॅरेथॉन, अर्ध मॅरेथॉन, दहा किलोमीटर धाव, ड्रीम रन, सीनिअर सिटीझन्स रन आणि चॅम्पियन विथ डिसॅबिलिटी रन आदी विभागांमध्ये हजारो धावपटू ऐतिहासिक वारसा लाभलेल्या दक्षिण मुंबईतील विविध महत्त्वपूर्ण इमारतींच्या सहवासात धाव घेतील.

अभिनेता टायगर श्रॉफ मुख्य आकर्षक…

अभिनेता टायगर श्रॉफ (Actor Tiger Shroff) या स्पर्धेसाठी यंदा मुख्य आकर्षक असणार आहे. नृत्यकौशल्य आणि अभिनयासह फिटनेससाठी आग्रही असलेला टायगर श्रॉफ यंदाच्या मुंबई मॅरेथॉनचा ब्रॅन्डअॅम्बेसिडर आहे. टायगर श्रॉफच्या फिटनेसमुळे तो सध्या तरुणांच्या गळ्यातील ताईत बनला आहे. हेच लक्षात घेऊन यूथ आणि फिटनेस आयकॉन म्हणून टायगरला मॅरेथॉनचा चेहरा बवण्यात आले आहे; जेणेकरून अधिकाधिक तरुण आपल्या फिटनेसविषयी जागृत होतील. अशी माहिती मीडिया आणि जनसंपर्कचे वरिष्ठ व्यवस्थापक दीपक पिळणकर यांनी सांगितले.

Web Title: Run for har dil mumbai today in mumbai tata mumbai marathon actor tiger shroff as brand ambassador participation of more than fifty thousand runners

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com