साताऱ्यातील मोडकळीस आलेल्या इमारतींवर नगरपालिकेचे डेंजर झोन फलक

सातारा नगरपालिकेने गणेश विसर्जनाच्या मार्गावरील असणाऱ्या धोकादायक इमारती व अन्य शहरातील इमारतींवर डेंजर झोन म्हणून घोषित केले. तरी त्या-त्या इमारतीमध्ये राहणारे नागरिक अजून सजग झाले नसल्याचे दिसून येत आहे.

सातारा / श्रीरंग काटेकर : सातारा शहरातील विविध भागातील जुन्या व मोडकळीस आलेल्या असंख्य इमारती कोणत्याही क्षणी कोसळण्याची शक्यता आहे. याबाबत इमारतीमध्ये राहणाऱ्या नागरिकांना सतर्क करण्यासाठी सातारा नगरपालिका प्रशासनाने अशा इमारतींवर डेंजर झोन म्हणून फलक लावलेले आहेत.

सातारा नगरपालिकेने याबाबत शहरात विविध भागात सर्वेक्षण करून धोकादायक स्वरूपात असलेल्या जागेच्या मालकांना नोटीसा पाठवून सतर्क यापूर्वीच केले आहे. धोकादायक इमारतीमध्ये राहणारे असंख्य नागरिक स्वतःचा जीव मुठीत घेऊन जीवन जगत आहेत, अशा लोकांनी सुरक्षिततेच्या दृष्टीने अन्य ठिकाणी आपली सोय करणे गरजेचे आहे. सातारा नगरपालिकेने याबाबत ठोस भूमिका घेतली असून, याचे नागरिकांमधून स्वागत केले जात आहे. मोडकळीस व धोकादायक ठरू पाहत असलेल्या इमारतीमुळे आसपासच्या नागरिकांनाही धोका निर्माण झाला आहे.

मुंबईच्या क्रूझ पर्यटनाला मिळणार नवी झेप; ५ वर्षांनी दुसरे जहाज दाखल, २३ ऑक्टोबरपासून प्रवाशांच्या सेवेत

काही वर्षांपूर्वी राजपथावरील जुनी इमारत डॉल्बी सिस्टीमच्या तीव्र आवाजामुळे पडून त्या ठिकाणी वडापाव चा व्यवसाय करणारे भोले मामा यांचा मृत्यू झाला होता. अशा दुर्दैवी घटना घडू नये म्हणून सातारा नगरपालिकेने जागेच्या मालकांना नोटीस देऊन सतर्क केले आहे.

भविष्यात मनुष्यहानीचा धोका निर्माण

सातारा नगरपालिकेने गणेश विसर्जनाच्या मार्गावरील असणाऱ्या धोकादायक इमारती व अन्य शहरातील इमारतींवर डेंजर झोन म्हणून घोषित केले. तरी त्या-त्या इमारतीमध्ये राहणारे नागरिक अजून सजग झाले नसल्याचे दिसून येत आहे. मोडकळीस व धोकादायक ठरू पाहत असलेल्या इमारतीमुळे भविष्यात मनुष्यहानीचा धोका निर्माण झाला आहे. इमारतीमध्ये राहणाऱ्या नागरिकांनीही स्वतःच्या जीवाची काळजी घेणे गरजेचे आहे.

सातारा नगरपालिका प्रशासनाने मोडकळीस आलेल्या धोकादायक इमारत जागेच्या मालकांना वेळोवेळी तोंडी व नोटीसा देऊन सतर्क केले आहे. परंतु, जागा मालक व भाडेकरू यांच्यामधील न्यायालय प्रक्रियेत असणाऱ्या वादामुळे इमारत पाडण्यासाठी विलंब होत आहे.

सातारा शहरात विविध भागात मोडकळीस आलेल्या जुन्या इमारतींमुळे शहराच्या विकासाला खीळ बसत आहे. अनेक मार्गावरील इमारतींमुळे वाहतुकीची कोंडी होत आहे. नागरिकांसाठीही अशा इमारती जीव घेणे ठरू शकतात. नगरपालिका प्रशासनाने धोकादायक इमारतींवर लावलेले डेंजर झोन फलकाचा गांभीर्याने संबंधिताने विचार करणे आवश्यक आहे. नगरपालिका प्रशासनाच्या या कृतीचे स्वागत.

– श्रीरंग काटेकर, सातारा