सोमवार, 5 ऑक्टोबर 2026
ऊस दराचा तिढा सुटेपर्यंत 'काटा बंद'! ; राजू शेट्टींचा साखर कारखानदारांना थेट इशारा
इथेनॉलचा खरेदी दर प्रतिलिटर ७० रुपये करण्यासह साखरेची एमएसपी वाढवावी, अशी मागणी शेट्टी यांनी केली. पेट्रोलचे दर वाढत असताना इथेनॉलचे दर मात्र वाढविले जात नाहीत. दुसरीकडे साखरेची एमएसपी अनेक वर्षांपासून स्थिर आहे. या धोरणामुळे शेतकरी आणि कारखानदारांचे आर्थिक नुकसान होत असल्याचा आरोप त्यांनी केला.
Supreme Court Hearing Gyanesh Kumar SIR Case: ज्ञानेश कुमारांना सर्वोच्च न्यायालयाचा मोठा
केंद्र सरकार साखर कारखाने लवकर सुरू करण्यासाठी कारखानदारांवर दबाव आणत असल्याचा आरोपही त्यांनी केला. आगामी सणासुदीत साखरेचे दर वाढू नयेत, बाजारात नवीन साखर उपलब्ध व्हावी, यासाठी केंद्राची ही घाई सुरू असल्याचा दावा त्यांनी केला. ‘शेतकरी आणि कारखानदारांनी तोटा सहन करायचा आणि केंद्राने बाजारासाठी साखर उपलब्ध करून घ्यायची, हे मान्य नाही,’ असे शेट्टी यांनी सुनावले.
लवकर ऊस तोडणी केल्यास रिकव्हरी आणि वजन घटून शेतकऱ्यांचे एकरी नुकसान होण्याची शक्यता आहे. त्यामुळे रिकव्हरी आणि वजन वाढल्यानंतरच गाळप सुरू करावे, अशी मागणी त्यांनी केली. कमी प्रतीचा ऊस घाईने कारखान्याला देऊ नये, असे आवाहनही त्यांनी केले.
दरम्यान, १२ ऑक्टोबरला दिल्ली येथे केंद्रातील संबंधित मंत्र्यांसोबत महाराष्ट्र-कर्नाटकातील शेतकरी नेत्यांची बैठक होणार आहे. केंद्राची भूमिका पाहून पुढील आंदोलनाची दिशा ठरविली जाईल, असे शेट्टी यांनी स्पष्ट केले. अजिंक्यतारा कारखान्याचे कार्यकारी संचालक शिवाजी मोहिते यांनी, कारखाना सध्या बंद असून संचालक मंडळाच्या बैठकीनंतर पुढील निर्णय घेतला जाईल, असे सांगितले.
