Satara News: सातारा शहरासह जिल्ह्याच्या विविध भागात ड्रग्स साठे मोठ्या प्रमाणात आढळून येत आहेत. गावागावात दुर्गम भागात ड्रग्जचे साठे पोलीस दलाला आढळून येत आहेत हे चिंताजनक बाब आहे. बामणोली ता जावली येथील सावरी या दुर्गम भागात मुंबई पोलीस दलाने छापा टाकून काही दिवसापूर्वी मेफेड्रॉन (एमडी )फॅक्टरीवर छापा टाकून 115 कोटीचे मोठे घबाड पोलिसांनी हस्तगत केले होते. तरुणाई मोठ्या प्रमाणात अमली पदार्थाच्या आहारी जात असून पालक वर्ग चिंतेत आहेत.
Satara News : निलंबनाची मागणी अन् ‘काळे फासू’ इशारा: प्रभाग क्रमांक २३ च्या नागरिकांचा इशारा
विशेषता शालेय व महाविद्यालयीन तरुणाई याकडे विशेष आकर्षित होत आहे. पुणे मुंबईचे ड्रग्ज संस्कृती चे लोन आता सातारा जिल्ह्यात पसरू लागले आहेत. हा एक सामाजिक विषय निर्माण झाला आहे. रेव्ह पार्टी व चंगळवादी वृत्ती च्या आहारी तरुणाई जात आहे. काही महिन्यापूर्वी कराड तासवडे येथील एमआयडीसीमध्ये दिनांक 23 मे रोजी पोलीस दलाने अमली पदार्थाच्या ठिकाणी छापे मारून सहा कोटी रुपयांचे ड्रग्ज जप्त करून पोलीस दलाने उल्लेखनीय कामगिरी केली होती. त्याचप्रमाणे दिनांक सात एप्रिल रोजी सातारा तालुका पोलीस स्टेशन ने शेंद्रे येथे धाडसी कारवाई करीत कोल्हापूर येथील दोन युवकांकडून जवळपास नऊ लाख किमतीचे हिरोईन हस्तगत केले आहे. सातारा शहर व जिल्ह्याला ड्रग्ज माफिया नी विळखा घातल्याचे यावरून दिसून येत आहे.
पुणे जिल्ह्यात रॉकेलचा कोटा तुटपुंजा, प्रशासनासमोर मोठे आव्हान; प्राधान्य कोणाला?
सातारा जिल्हा हा पर्यटन जिल्हा म्हणून विकसित होत असताना ड्रग्ज ची लागण येथील तरुणांना होत आहे हे दुर्दैवी बाब आहे. ड्रग्ज माफियांच्या नजरा आता सातारा जिल्ह्याकडे वळल्याचे विविध ठिकाणी छाप्यात आढळणाऱ्या ड्रग्ज च्या साठ्यावरून आढळून येत आहे. उडता पंजाबच्या दिशेने सातारा जिल्ह्याची वाटचाल होती की काय अशी भीती आता वाटू लागली आहे.
.png "Videos"){kind=small}
